यहुन्ना कि लिखी हुई पेहली किताब
यहुन्ना नी लिखली पेहली पत्री
परिचय
यहुन्ना न पत्री मसीहान जनम बाद 50 आरू 100 सालन वीच मा प्रेरित यहुन्ना ने लिख्यो होतो। यहुन्ना आपसु काजे लेखकन रूप मा उवख नी होय, पुन पेहल पाठ छे पतु चालतु छे कि वो जीवमन आरू ईशु क जीवीन उठने क करता एक खास गवा छे 1:1-3 1 यहुन्ना मा लिखनेन शैली बारीकी छे यहुन्ना क लारे शासुतर मा देख्या लिखनेन शैली जोसा लिखता छे। ओसा मानी जाता छे कि यहुन्ना क लारे खुश खबर लिख्या हुता यहुन्ना आरू तीन पत्री 1 यहुन्ना, 2 यहुन्ना आरू 3 यहुन्ना जबकि इफिसुस मा रयता छे।
यहुन्ना एक टेहाव मा आखा विश्वासिया क यो पत्री लिख्यो होतो जव मंडळी मानसे क एक एखठा छे परिशानी होय रयी होती बुलाया इनु लोगहन क माननो हुतो कि ईशु आखी भाति सी यहोवा–भगवान हुतो पुन छाची त्यो आखा लुहूयन आरू एक डिल क साथ मा एक मानुस नी हुतो, जबकि धरती पर। इन कारण क करता यहुन्ना ईशु क जीवनन करता एक खास गवाय बन रया छे आरू वो आपने ही हात ईशु क दरिया क बारा मा लिखता छे। 1:1-3 इन पत्री क लिखने मा यहुन्ना न उद्देश्य आपसी खुशी 1 यहुन्ना 1:4 पूरो करने कि करता पाप 1 यहुन्ना 2:1 छे विश्वासी क रूकनेन करता, झूठी भन्नेन 1 यहुन्ना 2:26 छे विश्वासन रक्षा करनेन करता कर्या गया हुता, आरू विश्वासी कि वो वाच रया छे विश्वास देवाड़ता छे। 5:13
रूपरेखा
1. यहुन्ना आपने पत्री परिचय आरू यो 1:1-4 लिखनेन करता एक उद्देश देता छे।
2. वो तो कोसो यहोवा–भगवान प्रकाश छे आरू हामु ईशु रूप मा रोवनो जुवे कि देखाड़ता 1:5–3:10 रोवता हुता
3 ओगळा वो हामु हुकुम कि फोम देखाड़ता छे की एक दिसरा छे मोंगावु करू 3:11–5:12
4. तीनुन 5:13-21 मा आपनो पत्री क समर्पित कर्या,
1
जीवन क वचन
1 ✡यहुन्ना 1:1उना जीवन क वचन क विषय मा जो शुरू छे हुता, जिनाक हामु ने सोमव्या, आरू जिनाक आपसा डुवा छे देखु, वरना जिनाक हामु ने ध्यान छे देख्या आरू हात छे दरिया। 2 ✡यहुन्ना 1:14यो जीवन प्रगट होया, आरू हामु ने ओको देख्या, आरू ओकी गवा देता छे, आरू तुमूक ओको अमरकाय जीवन क खुश खबर देता छे जो बास क साथे हुता आरू हामु पर प्रगट होया। 3 जो काही हामु ने देख्या आरू सोमव्या छे ओका खबर तुमूक भी देता छे, एरकरीन तुमू भी हामरे साथे सहभागी होय; आरू हामरी यो सहभागिता बास क साथे आरू ओका पोर्य ईशु मसीह क साथे छे। 4 आरू यो वात हामु एरकरीन लिखता छे कि हामरी खुशी पूरो होय जाय।
दिवा मा चालने
5 जो खबर हामु ने ओको छे सोमवाया आरू तुमूक सोमवाता छे, वो यो छे कि यहोवा–भगवान दिया छे आरू उनमा काही भी आँधारलो नी। 6 यदि हामु कये कि ओको साथे हामरी सहभागिता छे पछु आंधारला मा चाले, तो हामु झूठा छे आरू सच्चाई पर नी चालता। 7 पर यदि जोसो वो दिवा मा छे, वोसो ही हामु भी दिवा मा चाले, तो एक दिसरा छे सहभागिता राखता छे, आरू ओका पोर्य ईशु क लुहूय हामु सब पाप छे चुखो करता छे।
8 यदि हामु कये कि हामु मा कोय भी पाप नी, तो आपने आप क धोखा देता छे, आरू हामु मा सच्चाई नी। 9 यदि हामु आपसा पाप क मान लेय, तो वो यहोवा–भगवान हामरे पाप क माफ करने आरू हामु सब अन्याय छे चुखो करने मा विश्वासयोग्य आरू न्यायी छे। 10 यदि हामु कये कि हामु ने पाप नी कर्या, तो ओको झूठा ठेराया छे, आरू ओको वचन हामु मा नी छे।