तीमुथियुस को पौलुस कि पेहली पत्री
तीमुथियुस क पौलुसन पेहली पत्री
परिचय
प्रेरित पौलुस क तरफ सी ओका दास तीमुथियुस क लिखी गय एक पत्री छे। तीमुथियुस शायद मसीह क जन्मन बाद 62-64 सालन लग–भग लिखली गय हती। यो पौलुस क जीवन न शेवली टेमे हसे। पौलुस क तीमुथियुस क साथे एकदम नाटवालो रिश्तो हतो। आरू एक पोर्याक रूप मा ओका बैस वार मकल्या हता। फिलेमोन 1:221 तीमुथियुस 1:2–1:18
यो पौलुस क चार पत्री माहन एक छे, ची एक मानस क नी पुन पुरी मंडळी क कय रयु छे। दिसरी तीन पत्री 2 तीमुथियुस, तीतुस आरू फिलोमन छे। पेहलो तीमुथियुस मंडळी क प्रार्थना पर बैस सोवटा शिक्षा देदु। 2:1-15 मंडळी क अगुवा क करता योग्यता 3:1-13 आरू झुठा मास्तर चेतावनी 1:3-11; 4:1-5; 6:2-5 देय आरू बैस काहय शामिल छे। पौलुस यो देखाड़तु छे कि तीमुथियुस मंडळी क वीचमा एक अगव वानियो बन्नेन करता आयु हतु। 1 तीमुथियुस क काहय सिध्दांत छे, कि हामरा दाहाड़ा मा मंडळी क अगळवानिया मदत क करता चा लोगहन मंडळी क सेवा काम क संबंध मा शामिल छे।
रूप रेखा
1. पौलुस क तरफ सी तीमुथियुस क नमस्कार 1:1-2
2. झुठा मास्तर क विरोध चेतावनी 1:3-11
3. पौलुस क करता ईशु मसीह क धन्यवाद। 1:12-19
4. पछु चाँ प्रार्थना आरू मंडळी क अगुवा क विषय मा तीमुथियुस क शिक्षा। 2–3
5. पौलुस क तीमुथियुस काहय शिक्षा आपीन आपसी पत्री क बंद कर्यु। 4–6
1
नमस्कार
1 पौलुस की आरू छे जो आमरो उध्दारकरता यहोवा–भगवान आरू हामरी आश क आधार मसीह ईशु की हुकुम छे मसीह ईशु कि प्रेरित छे।
2 तीमुथियुस क नाव जो भुरसा मा मारो सचो पोर्य छे:
बास यहोवा–भगवान, आरू आमरो पोरबु मसीह ईशु की आरू छे तुखे फोकटन दया, आरू दया आरू किरपा आरू शांती मिवती रये।
झूठे शिक्षको क विरोध चेतावनी
3 जोसो हाव ने मकिदुनिया क जाते टेहाव तुखे समझाया हुता, कि इफिसुस मा रोवीन काही मानसे क हुकुम देय कि झूठी शिक्षा नी देय। 4 आरू उन काहनियो आरू अमरकाय वंशावड़ी पर मन नी लागाड़या, जिनछे विवाद हुयसे छे, आरू यहोवा–भगवान क चो तयारी क लारे नी, जो भुरसा पर आधारित छे। वोसो ही पछु भी कयता छे। 5 हुकुम क सबंश यो छे कि चुखो मन आरू वारला विवेक, आरू ढोंगी विश्वास छे मोंग पैदा होय। 6 इनको छुड़ीन कोतरा मानसे उधुड़ वाते भुनी बकवाद रयन भटक गया छे। 7 आरू व्यवस्थापक तो होयनो जूवे छे, पर जो वात कयता आरू जिनको ढृढ़ता छे बुलता छे, उनको समझता भी नी।
8 पर हामु जानता छे कि यदि काही व्यवस्था क सही रीति छे काम मा लाया तो वो भली छे। 9 हामु यो जानता छे कि व्यवस्था न्यायी मानसोन करता नी पर अन्यायी, निरंकुशो, भक्तवनो, पापियो, अन्यायी आरू विटळ मानुस, आश बास क घात करनेवावा, हत्यारो। 10 व्यभिचारियो, मानुस गामियो, गुलाम क वेचनेवावा, झूठ बुलनेवावा, आरू झूठी कसम खाने वावा, आरू इनुक छुड़ीन खरी शिक्षा क सब विरोधी सब क करता टाकायली गयली छे। 11 योही सयाळा धन्य यहोवा–भगवान की महिमा क उना खुश खबर क अनसारे छे जो मखे सौप्या गया छे।
पौलुस क द्वारा यहोवा–भगवान क दया क करता धन्यवाद
12 हाव आपने पोरबु मसीह ईशु क जो मखे शक्ति देदी छे, धन्यवाद करता छे कि त्यो मखे विश्वास योग्य समझीन आपसी सेवा क करता नियुक्त कर्या। 13 ✡प्रेरितन 8:3; 9:4,5हाव तो पेहल निन्दा करनेवावा, आरू सतावनेवावा, आरू आँधारलो करनेवावा हुता; तौभी मखे पर दया होयी, काहकि हाव ने विनभुरसा की दशा मा बिन सझीन बूझे यो काम कर्या हुता। 14 आरू हामरा पोरबु क फोकटन दया उना विश्वास आरू मोंग क साथे जो मसीह ईशु मा छे, बहुतायत छे होया। 15 यो वात सच्ची आरू हर प्रकार छे मानने क योग्य छे कि मसीह ईशु पापी क उध्दार करने क करता धरती मा आश, जिनमा सब छे मोटा हाव छे। 16 पर मखे पर एरकरीन दया होयी कि मखे सब छे मोटा पापी मा ईशु मसीह आपसी पूरी सहनशीलता देखाय, कि जो मानसे ओको पर अमरकाय जीवन क करता विश्वास करसे तीदरे करता हाव एक नावसादियो बनीस। 17 हिमी सनातन राजा मतलब अमरकाया, विनदेखियो, एकुत् यहोवा–भगवान क विजुत आरू महिमा सदा होयती रये। आमेन।
18 हे पोर्या तीमुथियुस, जो वचन की भविष्याव्दाणी जो पेहल तारे विषय मा करी गयी होती, हाव यो हुकुम सौपता छे कि तु वचन क हत्यार क लारे काम मा लावीन वारली बढ़ाई क लड़ता रया। 19 आरू विश्वास आरू ओको वारली विवेक थाहाव रया, जिनाक दूर करने क कारण कोतरा क विश्वास सारको ढोंड्या डूब गया। 20 तीनु मा छे हुमिनयुस आरू अलेक्जेन्द्रिया छे, जीनुक हाव ने शैतान क सौप दिदा छे कि वे यहोवा–भगवान की निन्दा करने नी सीखे।
✡1:13 प्रेरितन 8:3; 9:4,5