यहुन्ना कि लिखी हुई तीसरी किताब
यहुन्ना नी लिखली तीसरी पत्री
परिचय
3 यहुन्ना क पत्री ईशु मसीहन जन्मान 50 साल बाद आरू 100 साल क वीच मा प्रेरित यहुन्ना ने लिख्यो होतो। यहुन्ना खुद क लेखक रूप मा उवखायतो नी छे, पुन अतरान करीन बजाय खुद क मोटी 1:1 कयतो छे। यो वो 2 यहुन्ना 1:1 मा चो करता ओसो मानी जाता छे, कि यहुन्ना क खुश खबर लिख्यो होतो यहुन्ना तीन पत्री न 1 यहुन्ना, 2 यहुन्ना आरू 3 यहुन्ना जबकि इफिसुस मा रयता छे।
यहुन्ना गयुस नाम क एक विश्वासी क यो पत्री लिख्यो होतो, चो एक दोस्तन रूप मा गयुस पतु आरू निर्देश आरू विश्वासी भाईस जो क्षेत्र क माध्यम छे यात्रा कर रया छे पाहंनतराय होय।
रूप रेखा
1. यहुन्ना परिचय आपनो पत्री 1:1
2. वो तो गयुस क बढ़ावु करता छे आरू तेरा भाईस 1:2-8
3. पाहंनतराय क देखाडने क निर्देश देता छे, वो दुय दिसरा मानुस, दियुत्रिफेस आरू दिमेत्रियुस 1:9-12 क बुलता छे।
4. आखरी मा वो आपनो पत्री 1:13-14 क समापन।
1
1 ✡प्रेरितन 19:29; रोमियो 16:23; 1 कुरन्थियो 1:14मखे पुढारी की आरू छे मोंगावु गयुस क नाव,
जिनासे मा सच्चा मोंग राखता छे।
2 हे मोंगावु, मारी यो प्रार्थना छे कि जोसो तु आत्मिक बढ़ती कर रया छे, वोसो ही तु सब वात मा बढ़ती करे आरू भला वारू रया। 3 काहकि जव भाईस ने आवीन तारे उना सच्चाई की गवा देदी, जिना पर तु सचमुच चालता छे, तो मा घोणा ही खुश हुयो। 4 मखे इनासे बढ़ीन आरू काही खुश नी कि हाव सुनू, कि मारे पोर्य सच्चाई पर चालता छे।
गयुस की वाहवाय
5 हे मोंगावु, जो काही तु उन भाईस क साथे करता छे, जो परदेशी छे, ओको तु ईमानदारी छे करता छे। 6 त्या मंडळी क सामने तारे मोंग की गवा देदी छे। यदि तु तीनुक उना प्रकार विदा करसे जिना प्रकार यहोवा–भगवान क मानसे क करता वारू छे तो वारलो करसे। 7 काहकि वो ओको मसीह क नाव क करता निकवता छे, आरू गैरयहुदी छे काही नी लेता। 8 एरकरीन ओसो क स्वागत करने जुवे, जिनासे हामु भी सच्चाई क पक्ष मा ओको सहकर्मी होय।
दियुत्रिफेस आरू दिहावत्रियुस
9 हाव ने मंडळी क काही लिख्या हुता, पर दियुत्रिफेस जो उनमा मोटो बनने जुवता छे, हामु मान्य नी करता। 10 एरकरीन जव हाव आवीस तो ओका काम की जो वो कर रया छे, याद आपाड़ीस, कि वो हामरे विषय मा बुरी–बुरी वात बकता छे: आरू इनीये पर भी सन्तोष नी करीन आप ही भाईस क मान्य नी करता, आरू तीनुक जो मान्य करने जुवता छे मना करता छे आरू मंडळी छे निकाव देता छे।
11 हे मोंगावु बुराई क नी पर भलाई क साजलिया होय। जो भलाई करता छे, वो यहोवा–भगवान की आरू छे, पर जो बुराई करता छे, त्यो यहोवा–भगवान क नी देख्य।
12 दिहावत्रियुस क विषय मा सब ने, वरना सच्चाई ने भी आप ही गवा देदी; आरू हामु भी गवाय देता छे, आरू तु जानता छे कि हामरी गवा सच्ची छे।
आखरी नमस्कार
13 मखे तुखे क घोणा काही लिखने तो हुता, पर शाही आरू पेन छे लिखने नी जुवता। 14 पर मखे आश छे कि तुखे छे शीघ्र भेंट करीस, तव हामु आमने सामने वातचीत करसु।
15 तुखे शांती मिवती रये। याहा क दोस्त तुखे नमस्कार कयता छे।
वाँ क दोस्तो छे नाव लेय लीन नमस्कार कय दिदा।
✡1:1 प्रेरितन 19:29; रोमियो 16:23; 1 कुरन्थियो 1:14