इब्रानियों कि लिखी हुई पत्री
इब्रानियों नी लिखली पत्री
परिचय
ईशु पुराना नियम क घण सवटी कागळियान वात क पुरो कसो करे यो देखाड़ने वाळी “इब्रानियो क पत्री” यी एक गम आपने वाळी पत्री छे, आरू एक खास काम से यी लिखायली छे। आखी कागळियान वात आरू खास पुजारान क काम क ईशु मसीह पुरो करियो यी वात देखाड़ने वाळी आरू 60 से भी ज्यादा वातन क यी पत्री देखाड़े। अतरानकरीन करीन यी किताब यहूदि लोगहन क जो सी देवाड़ने वाळी किताब करीन मानी गयली छे। आरू यी पत्री एर सी ओगळ इनी वात क देखाड़े की ईशु कसो त्या नियम क पुरो करियो, कि हाय पुजारान क त्यो काम जो नियम अनसारे करता हुता, त्यो करनेन जरूरत नी हय। जो पाप क चढ़ावो पेहले चढ़ावता हुता, त्यो पापोन क चढ़ावो ईशु एक वार मा पूरो कर दिदो। यी किताब हामुक यो समझाड़े की, ईशु मसीह हामुके, यहोवा–भगवान पर विश्वास करने करीन तियार करे। 12:2 इनिये रीति आज काल क जमानान क विश्वासीयान क करता घण मोटा जुरन वात इनी पत्री मा छे, आरू हामुक एर भुळा पर रहचनो जुवे।
इब्रानियोंन की पत्री कुन लिखियो यो हामुके मालम नी हय, पुन काहय जानकार क यो माननो छे कि, यी प्रेरित पौलुस, लूका या बरनबास या यहोवा भगवान क सेवक लिखिया हसे। एको कारण असो छे की यी पत्री ईशु मसीन जनमन ओळते 70 साल पेहल लिखी गय हसे ती भी इनी किताब मा यरूशलेम क बारा मा इनीये रीति देखाड़लो छे कि, त्यो आरू नाश नी हुयो हुतो। आरू यी किताब घण सवटी मंडळी मा भण्या हसे। काहकि यी रोम शहर मा रईन लिखी गय हुती। 13:24
रूप रेखा
1. इनी पत्री क लिखने वाळो यो देखाड़े कि, ईशु मसीह यहोवा भगवान क आखा कागळिया से मोटो छे। 1:1–4:13
2. ओळते त्यो यो देखाड़े कि, जो पुजारा यरूशलेम मंदिर मा सेवा करता हुता, ईशु तेखा से भी मोटो छे। 4:14–7:28
3. मूसा क आपला हुकुमन लारे जो पुरानो नियम यहोवा भगवान उको लोगहन क दियो तेखा से भी ईशु मोटो छे। 8:1–10:31
4. ईशु आखी वात मा मोटो छे यो पुरावो करने क बाद मा पत्री क लिखने वाळो घण वातन क व्यवहार क बारा मा देखाड़े। 10:32–13:17
5. आखरी मा लिखने वाळो क जुरदेवाड़तो जाईन आखरी खबर आपीन पत्री क खतम करे। 13:18-25
1
यहोवा–भगवान क वचन, पोर्या क लारे
1 पेहला बारा मा यहोवा–भगवान कागळियान क लारे वेगला डाहडा से थुड़ो थुड़ो करीन आरू भाति भातिन वात करियो। 2 इन आखरी दाहड़ा मा हामु छे पोर्य क द्वारा वात की, जिनाक त्यो सारी समान क वारीस ठेराया आरू ओकी क द्वारा त्यो सारी सृष्टि की रचना की छे। 3 वो ओकी महिमा क प्रकाश आरू ओका तत्व की छाप छे, आरू सब चीज क आपसी शक्ति क वचन छे संमावतो छे। वो पाप क धुवीन उंचा स्थान पर महामहिमन क डासच्य जाय बठ्या।
4 आरू सोरग छे ओतरा ही वारू ठेराया, जोतरा त्यो उनछे मोटा पद क वारीस हईन वारू नाव देख्या।
यहोवा–भगवान पोर्या की श्रेष्ठता
5 काहकि सोरग मा छे किही काही छे कयो,
“तु मारो पोर्य छे, आज तु म्हार सी पयदा हुयो?”
आरू “हाव ओको बाप कहवाईस।”
6 आरू जव पेहलौठे क धरती मा पछु लावता छे,
तो कयता छे,
“यहोवा–भगवानन सब सोरगदूत ओको दण्डवत् करू।”
7 आरू सोरगदूतन विषय मा यो कयता छे,
“वो आपने दुतन पवन, आरू आपसा सेवकन धधकती आगठो बनावता छे।”
8 पुन पोर्या विषय मा कयता छे,
“हे यहोवा–भगवान तारा सिंहासन युगानयुग रोवछे: तारा राज्य क राजदण्ड न्याय क राजदण्ड छे।”
9 तु ने न्यायपन छे मोंग अन्याय छे दुस्मनी राख्या;
इनीये कारण यहोवा–भगवान,
तारा यहोवा–भगवान ने,
तारा साथी छे बढ़ीन हर्षरूपी तेल छे तारो अभिषेक कर्या।
10 आरू यो कि, “हे पोरबु शुरू मा तु ने धरती की नींव नाखी,
आरू सोरगदूत तारा हात की कारीगरी छे।
11 वो तो नष्ट होय जाछे, पुन तु बन रोवछे;
आरू वो सब लुगड़ान समान जुनला होय जाछे।
12 आरू तु तीनुक चादरान समान वेटावछे,
आरू वो लुगड़ा क समान बदल जाछे: पर तु चो छे आरू तारा साल क आखरी नी होयछे।”
13 आरू सोरगदूत मा छे त्यो काही छे किही कयो,
“तु मारो डावु बठ्या,
जव तक की हाव तारे दुस्मनयो क तारे पाय क
नेचो की पीढ़ी नी कर दीस?”
14 काय वो सब सेवा टहल करनेवाळी आत्मा नी, जो उध्दार देखनेवावान करता सेवा करनेन मुकली जाती छे।