योना नी किताब योनान निनवे सोहोर मा सेवकाईन वाराम छे। दिसरी भोगवानो वोगे गोथी वातोन किताब गोथो ओलोग छे, यी किताब भोगवानोन खोबोरो काजे आकने मा कागळ्‌या आरु हेरा कामो पोर जादा धियान लागाड़े। योनान नेवाड़ आन्‌दास तेने टेमे होयो जोत्यार यारोबाम- दुसरा इसराएलोन राजा होतो, आन्‌दास 800-750 यीशुन आवनेन पेहेल, पुन जानकार मानसोक यो नी पोतु कि किताप आपसी कोत्‌यार लिखायली। परमेश्वर योना काजे नीनवेन विरुद् पोरचार कोरने कोरीन मुकल्‌यु, बाखुन योना हुकुम नी मान्‌यु आरु नीनवे गोथु ओंदे वाट्‌ये जात रोयु 1:1-3। हुयो एक मोटला ढोन्‌डिया मा सोवाय होइन तोरसीस सोहोर जातु होतु। जोत्यार मोटलो ढोन्डियो तोरसीस जातो होतो, ती परमेश्वर एक मोटली आंजी काजु मुकल्‌यु। ढोन्डियाक चालाड़्‌नयो बेसको बिह गोयो, आरु होये परमेश्वर रीस काजे हुग राखने कोरीन योना काजे दोरिया मा नाख देदा। ओळी परमेश्वर योना काजे गिळने कोरीन एक मोटला माछा काजे मुकल्‌यु योना पोसतावु कोर्‌यु आरु परमेश्वर हेनाक जिवतेलो रोवने देदु। चेहली मा, योना ऐरे विरुद् पोरचार कोरने कोरीन नीनवे सोहोर गोयु, आरु सोहोरोन मानसो पोसतावु कोर्‌या। योनाक किताप इनी वात पोर जुर देये की परमेश्वर कोतरु दोयावु छे, चाहाय योना नी चाहतु होतु की परमेश्वर दोयाळु होये 4:2।