1 “कदाम कोय गवा हुयीन सो पाप करे कि कसम खावड़ावीन पुछने पर भी कि काय तु यो समळ्यू नीते जाने, आरू ची वात उजेन्‍ती नी करे, ते ओका आपना गुणान भार झेलनो पड़से। 2 कदाम कोय विटुळ चीज क भुल चुक सी हाथ लगाड़े, ते चाहे चु अशुद्ध बनैल पशु क, चाहे शुद्ध घर माहयला पशु क, चाहे अशुद्ध रेंगनेवाळा जीव-जन्तु न धड़ हय, ती त्यो विटुळ हुयीन गुणाको ठरसे। 3 निते कदाम कुई मानुस काहनी अशुद्ध चीज क भुल चुक सी हाथ ले, चाहे चु अशुद्ध चीज काहनी भी प्रकार करे काह नी होय जेका सी मानसे अशुद्ध होय जाता छे, ते जव चु उका वात क जाव लेसे तव चु दोषी ठरसे। 4 कदाम कुई बुरो या भलो करने क बिना सोचे समझे शपथ खादा, चाहे काहना प्रकारन वात बिना-विचारे शपथ खाईन कोया, ते ओसी वात मा चु दोषी उका टेमे ठरसे जव उका मालुम होय जासे। 5 आरू जव त्यो इनी वातो मा सी काहनी भी वात मा गुणेगार हय, तव जेका विषय मा ओको पाप कर्‍या होय चु ओकाह मान ले, 6 आरू चु योहोवा क सामने आपनो दोषबलि ली आया, मतलब उका पाप क कारण चा एक गाडरा या बुकड़ा पापबलि करने क करता ली आया; तव याजक उका पाप क विषय पश्चाताप करे।

7 “पुन कदाम उका गाडरा या बुकड़ी आपने क सामर्थ्य नी होय, ते आपना पाप क कारण दुय पण्डुक या कबूतरी क दुय पिल्ला दोषबलि चढ़ावनेन करता योहोवा क साथे ली आया, उनामा सी एक ते पापबलि क करता आरू दिसरा होमबलि क करता लावे। 8 चा ओकान याजक क जु ली आया, आरू उकान मुनका गवा सी पिव्वी नाखे, पुन अलग नी करे, 9 आरू चु पापबलिपशु क लुहूय मा सी वेदी क बाजु पर छिड़के, आरू जो लुहूय शेष रवे ची वेदी क पाय पर पाड्या जासे; चो पापबलि ठरसे। 10 तव दिसरा चिल्ला क ची विधि क अनसारे होमबलि करे, आरू याजक ओकान पाप क पश्चाताप करे, आरू तव चा माप कर्‍या जासे।

11 “पुन कदाम चा दुय पण्डुक या कबूतरी क दुय पिल्ला भी नी आप सके, ते चो आपना पाप क कारण आपना चढ़ावु एपा क दसवु भाग मयदा पापबलि करीन ली आया; उका पर नी ते चा तेल नाख्या, आरू नी लोबान मेक्या, काहकी चो पापबलि होयसे। 12 चु उकाह याजक क जु ली जावु, आरू याजक उकामा सी आपनी मुठ भरीन फोम आपावनेवाळा भाग जानीन वेदी पर योहोवा क हवनो क ऊपर धोपाड्या; चो पापबलि ठरसे। 13 आरू इनी वात मा सी काहनी भी वात क विषय मा को कुई पाप करे, याजक ओकान पश्चाताप करे, आरू तव चु पाप माप कर्‍या जासे। आरू ओका पापबलि क शेष अन्नबलि क शेष क समान याजक क ठरसे।”

14 पछा योहोवा मूसा सी कयो, 15 कदाम कुई योहोवा क चुखी करली चीजन वारा मा गलती सी विश्वासघात करे आरू पापी ठरसे, ते चु योहोवा क जु एक निर्दोष गाडरा दोषबलि क क करता ली आया; ओकान किमत पवित्रस्थान क शेकेल*5:15 शेकेल 12 ग्राम क अनसारे ओतरा ज शेकेल चाँदीन होय जोतरो याजक ठरसे। 16 आरू जेका चुखली चीज क विषय उको पाप कर्‍या होय, उकामा चु पाचवु भाग आरू बढ़ावीन याजक क आप; आरू याजक दोषबलि क गाडरो चढावीन उकान पाप क ढाँके, तब उकान पाप माप कर्‍या जासे। 17 “कदाम कुई ओसो पाप करे के उना कामो मा सी जेका योहोवा भगवान मना कर्‍यो छे काहना काम करे, ते चाहे चु हेको आपसा गुणान भार उठावनु पड़से। 18 एरकरता चु एक निर्दोष गाडरा दोषबलि करीन याजक क जु ली आया, चा ओतरीज किमत क होय जोतरा याजक ठराया, आरू याजक उकान करता ओकान ओकी भूल क जा ओकाह अनजावना मा करी होई पश्चाताप करे, आरू चु माप कर्‍यु जासे। 19 यी दोषबलि ठरसे; काहकी चु मानुस पाक्को योहोवा क सम्मुख दोषी ठरसे।”