1 ओवतेन हाव सोरगदूत मा मानु एक मोटी भीड क मोटे बुल छे यो कयता सुन्यों, हाल्लेलूय्याह! छुटकारो, आरू महिमा आरू शक्ति हामरा यहोवा–भगवान क ही छे। 2 काहकि तेरा न्याय आरू विचार सच्चा आरू सय छे, ओको करता वो तिनी मोटली वेश्या छेको जो आपसा व्यभिचार छे धरती क बिगाड़ ती हूती, नियाव करिया आरू ओका छे आपसा दासो क लुहूय यो क बदलो लेदो छे। 3 ओळी दिसरी वार त्या कयो, हालेलुय्याह! उका धोपने क धरतीड़ों जलोमको धोपतो रयछे। 4 आरू चौवीसु डाहडा आरू चार जींवों पड़ीन यहोवा–भगवान क वंदया; जो सिंहासन पर बठ्यो हूतो, आरू कयो, “आमेन! हालेलुय्याह!”

5 आरू सिंहासन मा सी एक बुल निकल्यों, “ए हामरा यहोवा–भगवान छे आखा बीक राखने वावा दासों, काय नाना, काय मोटा, तुमू आखा ओकी बढ़ाई करो।” 6 ओळी हाव मोटी गर्दी क जोसो आरू घणा पानी क सात मोटो बुल, आरू गाजनेन जोसो मोटो बुल सुन्यों “हालेलुय्याह! एका करता कि पोरबु हमारा यहोवा–भगवान, आखा सी मोटो ताकत वाळो राज करता छे। 7 आवों, हामु खुश आरू खुशी होयजे, ओकी बढ़ाई करे, काहकि ओकी गाडरा न वियाव आय लाग्यु। आरू ओकान दुलहन आपसा क तियार कर लेदा छे। 8 उको चुखा आरू चमकने वाळा आरू सुवाळा पेहरने क दियो गयो, काहकि तिना सुवाळा मतलब चुखलो लोगहन क न्यायन काम छे।

9 ✡मत्ती 22:2,3“तव सोरगदूत म्हार छे कयो, यो लिख, कि धन्य चाँ छे, जो गाड़ गाडरा क वियावन भोज मा बुलाया गया छे।” पछो वो मको कयो, “यो वचन यहोवा–भगवानन सत्य वचन छे।”

10 तव हाव ओको वांदने क करता उका पाय पड़ीयो। त्यो मखे कयो, असो मा करे, हाव तारो आरू तारा भाईस्योन साती छे, जो ईशु मसीह की गवाय देने करिन उबो छे। यहोवा–भगवान क वाद।

काहकि ईशु की गवाय ओगळायती कयनो की आत्मा छे।

11 ओळी हाव सोरगदूत क खुलायलो देख्यों, आरू देखूँ कि एक धवळियो घुल्लो छे; आरू उका पर एक सवार छे, जो विश्वासयोग्य, आरू सच्चों कवायतो छे; आरू वाँ न्यायपन क सात नियाय आरू लड़ाई करता छे। 12 ओका डुळा आगठा न धपणी छे, आरू उका मुनका पर घण सोवटा राजमुकुट छे। आरू ओका नाव उका पर लिख्यो हुओ छे, जिनाक ओको छुड़ीन आरू कोय नीहि जानतो। 13 वो लुहूय यो मा डुबायलो छिंदरा क पेहरलो छे, आरू उका नाव “यहोवा–भगवान क नाव छे।” 14 आरू सोरगदूत की छेना धवळिया घुल्ला पर सवार आरू चुखलो मलमल पेहरिन उका पछळ–पछळ छे। 15 “जाती–जाती क मारने क करता ओको मुय छे एक चार कुनाय तलवार निकळती छे, आरू चो लुहड़ा क राजदण्ड करता तिनु पर राज करसे, आरू तो सर्वशक्तिमान क भयानक रीश जलजलाहट की मंदिर क कुण्डा मा अंगुर रोंदेवछे। आरू ओको आरू जाँघ पर यो नाव लिखा छे; राजा न राजा आरू पोरबु न पोरबु।” 16 ओका छिंदरा आरू जाँघ पर यो नाव लिखलो छे; “राजान राजु आरू पोरबु न पोरबु।”

17 ओळी हाव एक सोरगदूत क दाहड़ा पर उबो देख्यों, आरू चो मोटा बुल छे आयड़ीन वादवा क विच मा सी उड़ने वावा आखा चिल्ला छे कयो, “आवु, यहोवा–भगवान क मोटा खाना क जुगे एखटा होय जावु,” 18 जिनाछे तुमू राजा क मास, आरू सरदारों क मास, आरू शक्तिवाळा मानुस क मास, आरू घुल्ला क आरू उका सवारों क मास, काय छुटला काय दास, काय नाना आरू काय मोटा, आखा लोगहन क मास खावु।

19 ओळी हाव तिना जनवार आरू धरती क राजा आरू ओकी सेनान क उना घुल्ला क सवार, आरू ओकी छेना छे लड़ाय क करता एखटा देख्यों। 20 ✡प्रकाशितवाक्य 13:1-18आरू चो जनवार आरू उका सात चो झुठी अगवायती। ती वात कयनो वाळो धराय गियो, जो ओको सामने ओसा सहलानी देखाड़यों हूतों, जेके लारे चो तिनुक भरमाड़्यो, जिना पर तिना पशु न छाप हूती, आरू जो ओकी मुर्ती पुजा करता हूता। यो दुयू जीवतला गन्धक छे धोपत्ली आगठी मा न्हाख दिया गया। 21 आरू वाचला लोगहन तिना घुल्ला कि तलवार छे, जो ओको मुय छे निलळती हूती, मारीन न्हाख दिया गया; आरू आखा चिल्ला तिन्दरा मास छे धाप गिया।