1 Bada ya ukuta kumarigizwa kurekebishwa, miryango kuikpwa, arindzi, aimbadzi na Alawi kutsambulwa, 2 námtsambula mwenehu Hanani na Hanania yekala mkpwulu wa jeshi wa ngome aimirire Jerusalemu. Mana Hanania kala ni mutu muaminifu na aishimuye Mlungu kutsupa atu anjina anji. 3 Nchiaambira, “Miryango ya Jerusalemu naisivugulwe hadi wakati dzuwa ringerengere na nyo arindzi naahakikishe miryango ikafungbwa na tumbuu wakati achere rinda. Chisha tsambulani arindzi kahi ya atu asagalao Jerusalemu, anjina arinde seemu zao za urindzi, na anjina arinde mbere za nyumba zao.”

4 Nyo mudzi kala ni mkpwulu tsona mpana, ela atu achikala ni achache na zo nyumba kala tazidzangbwerekebishwa. 5 Chisha Mlungu wangu achinipha maazo ga kuakusanya vilongozi a nyo mudzi na atu a kawaida aolangbwe kulengana na mbari zao. Cho chitabu cha vivyazi vya atu ariokala a kpwandza kuuya ko Juda kala nkachiona. Gaga ndigo goandikpwa mumo:

6 Higa ndigo madzina ga Ayahudi ariouya Jerusalemu na midzi yanjina ya Juda kula jimbo arikokala akatsamizwa kpwa lazima ni Nebukadineza mfalume wa Babeli. Chila mutu wauya kpwenye mudzi wao. 7 Aha akpwedza na Zerubabeli, Jeshuwa, Nehemia, Azaria, Raamia, Nahamani, Modekai, Bilishani, Misiperethi, Bigbwai, Nehumu, na Baana. Hino ndiyo isabu ya alume a Chiiziraeli: 8 Atu a chivyazi cha Paroshi kala ni elufu mbiri gana mwenga mirongo sabaa na airi. 9 Atu a chivyazi cha Shefatia kala ni magana mahahu mirongo sabaa na airi. 10 Atu a chivyazi cha Ara kala ni magana sita mirongo mitsano na airi. 11 Atu a chivyazi cha Pahathi-Moabu, ariokala ni a chivyazi cha Jeshuwa na Joabu kala ni atu elufu mbiri magana manane na kumi na anane. 12 Atu a chivyazi cha Elamu kala ni elufu mwenga magana mairi mirongo mitsano na ane. 13 Atu a chivyazi cha Zatu kala ni magana manane mirongo mine na atsano. 14 Atu a chivyazi cha Zakai kala ni magana sabaa na mirongo sita. 15 Atu a chivyazi cha Binui kala ni magana sita mirongo mine na anane. 16 Atu a chivyazi cha Bebai kala ni magana sita mirongo miiri na anane. 17 Atu a chivyazi cha Azigadi kala ni elufu mbiri magana mahahu mirongo miiri na airi. 18 Atu a chivyazi cha Adonikamu kala ni magana sita mirongo sita na sabaa. 19 Atu a chivyazi cha Bigbwai kala ni elufu mbiri mirongo sita na sabaa. 20 Atu a chivyazi cha Adini kala ni magana sita mirongo mitsano na atsano. 21 Atu a chivyazi cha Ateri, kutsupira chivyazi cha Hezekiya, kala ni mirongo tisiya na anane. 22 Atu a chivyazi cha Hashumu kala ni magana mahahu mirongo miiri na anane. 23 Atu a chivyazi cha Bezai kala ni magana mahahu mirongo miiri na ane. 24 Atu a chivyazi cha Harifu kala ni gana mwenga kumi na airi. 25 Atu a chivyazi cha Gibioni kala ni mirongo tisiya na atsano.

26 Atu a Bethilehemu na Netofa kala ni gana mwenga mirongo minane na anane. 27 Atu a Anathothi kala ni gana mwenga mirongo miiri na anane. 28 Atu a Bethi-Azimawethi kala ni mirongo mine na airi. 29 Atu kula mudzi wa Kiriathi-Jearimu; Kefira na Beerothi, kala ni magana sabaa mirongo mine na ahahu. 30 Atu a mudzi wa Rama na wa Geba kala ni magana sita mirongo miiri na mmwenga. 31 Atu a mudzi wa Mikimashi kala ni gana mwenga mirongo miiri na airi. 32 Atu a mudzi wa Betheli na Ai kala ni gana mwenga mirongo miiri na ahahu. 33 Atu a mudzi wanjina wa Nebo kala ni mirongo mitsano na airi. 34 Atu a mudzi wanjina wa Elamu kala ni elufu mwenga magana mairi mirongo mitsano na ane. 35 Atu a mudzi wa Harimu kala ni magana mahahu na mirongo miiri. 36 Atu a mudzi wa Jeriko kala ni magana mahahu mirongo mine na atsano. 37 Atu a mudzi wa Lodi, Hadidi na Ono kala ni magana sabaa mirongo miiri na mmwenga. 38 Atu a mudzi wa Senaa kala ni elufu tahu magana tisiya na mirongo mihahu.

39 Hinya ndio alavyadzi-sadaka ariouya kula ko arikokala akatsamizwa kpwa lazima: A chivyazi cha Jedaya kutsupira Jeshuwa kala ni magana tisiya mirongo sabaa na ahahu, 40 a chivyazi cha Imeri kala ni elufu mwenga na mirongo mitsano na airi. 41 Atu a chivyazi cha Pashihuri kala ni atu elufu mwenga magana mairi mirongo mine na sabaa, 42 kula chivyazi cha Harimu kala ni atu elufu mwenga na kumi na sabaa.

43 Hinya ndio Alawi ariouya kula ko arikokala akatsamizwa kpwa lazima, a chivyazi cha Jeshuwa wa Kadimieli, a mbari ya Hodavia kala ni atu mirongo sabaa na ane.

44 Alawi aimbadzi ariouya kala ni a chivyazi cha Asafu, nao kala ni atu gana mwenga mirongo mine na anane.

45 Arindzi a miryango ariouya kala ni a chivyazi cha Shalumu, Ateri, Talimoni, Akubu, Hatita na Shobai, osi kala ni atu gana mwenga mirongo mihahu na anane.

46 Atumishi a nyumba ya kuvoya Mlungu ariouya kala ni a chivyazi cha Siha, Hasufa, Tabaothi, 47 Kerosi, Sia, Padoni, 48 Lebana, Hagaba, Shalimai, 49 Hanani, Gideli, Gahari, 50 Reaya, Resini, Nekoda, 51 Gazamu, Uza, Pasea, 52 Besai, Meunimu, Nefusimu, 53 Bakibuku, Hakufa, Harihuri, 54 Baziluthi, Mehida, Harisha, 55 Barikosi, Sisera, Tema, 56 Nezia na Hatifa.

57 Chivyazi cha atumishi a Selemani ariouya kala ni a chivyazi cha Sotai, Soferethi, Perida 58 Jaala, Darikoni, Gideli, 59 Shefatia, Hatili, Pokerethi-Hasebaimu na Amoni.

60 Jumula ya atumishi a nyumba ya kuvoya Mlungu na atu a chivyazi cha atumishi a selemani kala ni atu magana mahahu mirongo tisiya na airi. 61 Hinya alungirao ni hara ariouya kula midzi ya Teli-Mela, Teli-Harisha, Kerubi, Adoni na Imeri arikokala akatsamizwa kpwa lazima, ela taayaweza kuonyesa kukala akare aho ala Iziraeli. 62 Atu a chivyazi cha Delaya, Tobia na Nekoda kala ni magana sita mirongo mine na airi. 63 Na kahi ya alavyadzi-sadaka ariouya kala ni atu a nyumba ya Habaya, ya Hakozi na ya Barizilai, (Barizilai hiyu wahaswa dzina hiro bada ya kulóla mwana mchetu wa Barizilai wa kula Giliadi). 64 Aha aendza madzina gao kpwenye chitabu cha kumbukumbu za madzina ga vivyazi, ela taagaonere tse, kpwa hivyo achikahazwa kukala alavyadzi-sadaka mana aisabiwa kukala ni najisi. 65 7:65 Kutsama 28:30; Kumbukumbu 33:8Kpwa hivyo liwali achiaambira asirye chakurya chitakatifu zaidi hadi mlavyadzi-sadaka ndiphouza ushauri kpwa Mwenyezi Mlungu kuhumira Urimu na Thumimu.*7:65 Urimu na Thumimu ni vihunde viiri vyokala vichihumirwa ni mlavyadzi-sadaka kumanya Mlungu alondaro: Tavimanyikana vinono kala vichihumirwa viphi.

66 Jumula ya atu ariouya kula arikokala akatsamizwa kpwa lazima kala ni atu elufu mirongo mine na mbiri magana mahahu na mirongo sita. 67 Mbali na hinyo, kala ana atumishi alume na achetu elufu sabaa magana mahahu mirongo mihahu na sabaa, na aimbadzi aho alume kpwa achetu magana mairi mirongo mine na atsano. 68 Kala ana farasi magana sabaa mirongo mihahu na sita, nyumbu magana mairi mirongo mine na atsano, 69 ngamia magana mane mirongo mihahu na tsano na punda elufu sita magana sabaa na mirongo miiri.

70 Vilongozi anjina a mbari alavya mitsango yao kpwa yo kazi. Tirishatha walavya kilo nane za zahabu, mabakuli mirongo mitsano na nguwo magana matsano na mirongo mihahu za alavyadzi-sadaka. 71 Vilongozi anjina a mbari alavya kilo gana mwenga na mirongo sabaa za zahabu, kilo elufu mwenga na magana mahahu za feza. 72 Atu anjina ariosala achilavya kilo gana mwenga na mirongo sabaa za zahabu, kilo elufu mwenga na magana mairi za feza na nguwo mirongo sita na sabaa za alavyadzi-sadaka.

73 7:73 1 Nyakati 9:2; Nehemia 11:3Phahi alavyadzi-sadaka, Alawi, arindzi a maryango, aimbadzi, bazi ya atu a kawaida, atumishi a nyumba ya kuvoya Mlungu na Aiziraeli osi asagala kahi ya midzi yao.

Iriphofika mwezi wa sabaa, Aiziraeli kala anasagala mwao midzini.