126
Atu a Mlungu ariouyizwa
kula utumwani
kula utumwani
Wira wa kuambukira mwango Sayuni shareeni.
1 Mwenyezi Mlungu ariphoauyiza Sayuni atu ariokala akahalwa mateka,
hwaona avi hunaloha.
2 Miromo yehu yaodzala chitseko
na malilimi gehu gachipiga njerejere,
halafu atu a mataifa ganjina aamba:
“Mwenyezi Mlungu akaahendera mambo makulu.”
3 Mwenyezi Mlungu akahuhendera mambo makulu,
naswi huna raha.
4 Huuyizire kuongokerwa kpwehu, ee Mwenyezi Mlungu,
dza mvula itiyavyo madzi madete makavu ga Negebu.
5 Hinyo aphandao na matsozi
andavuna na raha.
6 Hiye atulukaye na kurira
kuno akatsukula mbeyu kpwendaphanda,
andauya kaya na njerejere za raha,
kuno akatsukula mavunoge.