35 Njelnjel kakóna, Djisas kangadjina yiberra djawirna, “Ngaberra ngana nanakawa n-karlakarrbba.”

36 Barrakarrowa banbarrayiya bakkanjdja, djawirna barraddjorrkka Djisas ngana kabbala. Yalawa nganawarla kabbala banadabera.

37 Barrabarra maloya karrabba balawurrwurr kabarlirriya. Kabba marr-ngarla kamerbina ngana kabbala. Kabbala karnibaya kirriya. 38 Djisas kakōya ngana kabbala bila kanabira kakóya. Djawirna barranjabela barrangadjina yana “Djabba, ngalewara kanja nganayóra? Njinjdjabba kōma ngurrmangka ngurrurenjdjeya baddjorlbba. Baddjorlbba kōmabba ngabarnibaya.”

39 Djisas kakkamiyana kangadjina lorr balawurrwurr karrabba kabba karlaweyana kandjina. Balawurrwurr karlaweyanaba maburlarr kanabiyana.

40 Djisas kangadjina yiberra djawirna “ngalewara kanja narraremaya yana balawurrwurr? Ngayabba ngakarrawanga. Kōma barrakalawa ngayabba?”

41 Barrangadjina njana barremala, “Njungkawara djiya yidja? Ngalewara kanja balawurrwurr karrabba marrngarla barrakalaya nakkébba?” Barrebba djanama barranarrabina karrabba barrarameyana.