9
ဘုရားသခင်နဲ့ သူ့လူများ
1 ခရစ်တော်နှိုက် အမန်တရားဟို ငါ ပြောအယ်။ ငါ ဝါဝူး။ ငါတတ်တိုင်း သိသောစိတ်ဟ သန့်ဆှင်းသော ဝိညာဉ်တော်အားဖြင့် အတည်ပြုအယ်။ 2 ငါရဲ့ စိတ်နေလုံးထဲမှာ ကြီးမားလဲ့ ဝမ်းနည်းခြင်းနဲ့ အစဉ်မပြတ် ဆင်းရဲဒုက္ခခံရအယ်။ 3 အကျောန်းမှာ သွေးသားဇာတိအားဖြင့် ငါရဲ့ အမျိုးသားခြင်းများ ဖြစ်ကြသော ငါ့ညီအကိုလို့အတွက် ငါတတ်တိုင်း ခရစ်တော်နဲ့ကွဲကွာလျက် ကျိန်ခြင်းဟိုပင် ခံလိုသော ဆန္ဒဆိအယ်။ 4 အေးသူလို့ဟ ဣသရေလူဖြစ်ပင်း ကိုယ်တော်ဟ သူလို့အား လူပဲ့သငယ်များအဖြစ် မွေးစားယွေ့ မိမိရဲ့ ဘုန်းတော်ဟို ဖူးမြော်ခွင့်ပေးအယ်။ ကိုယ်တော်ဟ သူလို့နဲ့ ပဋိညာဉ်များ*ပဋိညာဉ်များ၊ တချို့ လက်ရေးမူကျမ်းများတွင် ပဋိညာဉ်၊ ဟူယွေ့ ပါဆိအယ်။ပြုလုပ်ပင်း သူလို့လည်း ပညတ်တော်ဟို ပေးအယ်။ သူလို့ဟလည်း မန်ကန်သော ဝတ်ပြုကိုးကွယ်နည်းနဲ့ ဘုရားသခင်ရဲ့ ကတိတော်များဟို ခံယူရဆိအယ်။ 5 သူလို့ရဲ့ ကျော်ကြားလဲ့ ဟေဗြဲအမျိုးအနွယ်ဟ ဖိုးဖေးများမှ ဆက်သက်လာသူများ ဖြစ်ပင်း၊ ခရစ်တော်ဟ လူ့ဇာတိအားဖြင့် အေးသူလို့ရဲ့ အမျိုးအနွယ် ဖြစ်အယ်။ အရာအားလုံးဟို အစိုးရသော ဘုရားသခင်ဟို ထာဝရ ချီးမွန်းစေသတည်း။†အရာအားလုံးဟို အစိုးရသော ဘုရားသခင်ဟို ထာဝရ ချီးမွန်းစေသတည်း၊ အဲဟာမဟုတ်ရင် အရာအားလုံးဟို အုပ်စိုးသော ဘုရားသခင်ဟ ထာဝရ ချီးမွန်းစေသတည်း။ အာမင်။
6 ဘုရားသခင်ရဲ့ စကားဟ ပျက်သွားမှာ မဟုတ်။ အကျောန်းမှာ ဣသရေလလူမျိုး ဆက်နွယ်သော သူအားလုံးလို့ဟ ဣသရေလလူ အမန် မဟုတ်။ 7 အာဗြဟံရဲ့ အမျိုးအနွယ် ဖြစ်သောကျောန့် အားလုံးဟ အာဗြဟံရဲ့ လူပဲ့သငယ်များ ဖြစ်ကြတာ မဟုတ်။ အခြားတဖက် ကျေ့သော် “နင်ဟ ဣဇက်အားဖြင့်သာ နင့်ရဲ့ အမျိုးတည်လိမ့်မယ်” ဟု မိန့်အယ်။ 8 တနည်းပြောရရင် ဘုရားသခင်ရဲ့ လူပဲ့သငယ်တွေဟာ ဇာတိသွေးသားဆိုင်ရာအရ ဆင်းသက်လာ‡လူပဲ့သငယ်တွေဟာ ဇာတိသွေးသားဆိုင်ရာအရ ဆင်းသက်လာ၊ ဣရှမေလအားဖြင့် အာဗြံဟံရဲ့အမျိုးအနွယ်များ ဆိလာပုံဟို ဖော်ပြထားအယ်၊ သူရဲ့သား ဟာဂါအားဖြင့် (ရှု ဂလာ ၄.၂၂–၂၃)။တဲ့ လူပဲ့တွေ မဟုတ်ဘဲ အာဗြဟံရဲ့ သားစဉ်မြေးဆက်တွေလို့ မှတ်ယူခံရတဲ့ ကတိတော်နဲ့ဆိုင်လဲ့ လူပဲ့တွေဟု ခေါ်နိန်ပေအယ်။ 9 အကျောန်းမှာ ကတိတော်နဲ့ စပ်ဆိုင်တဲ့ အချက်ဟ “ချိန်းချက်သောချိန် စေ့သောအခါ§ချိန်းချက်သောချိန် စေ့သောအခါ၊ အဲဟာမဟုတ်ရင် နောက်နှစ် ခုလိုအချိန်။ ငါ လာယွေ့ စာရာဟ အောင်နီငယ်ဟို ရလိမ့်မယ်” လို့ မိန့်အယ်။
10 အေးသာမက ရေဗက္ကာရဲ့ သား နေယောက်လို့ဟ ငါလို့ရဲ့ ဖိုးဖေး ဣဇက် တဦးတည်းနဲ့ ရသောလူပဲ့သငယ်များ ဖြစ်ကြအယ်။ 11 အဲလိုလဲ အမွှာမမွေးခင် အဲဟာမဟုတ်ရင် အကောင်းအဆိုး တခုခုဟို မပြုလုပ်ခင် ရွေးကောက်ခြင်းဆိုင်ရာ ဘုရားသခင်ရဲ့ ရည်ရွယ်ချက် တည်မြဲစေရန်ဖြစ်အယ်။ 12 အလုပ်အားဖြင့် မဟုတ်ဘဲ ခေါ်သောသူအား သူမဟို “အကြီးဟ အငယ်ဆီမှာ အစေခံရလိမ့်မယ်” ဟု ပြောအယ်။ 13 ကျမ်းစာဟ “ယာကုပ်ဟို ငါ ချစ်ပေမဲ့ ဧသောဟို ငါ မုန်းအယ်” ဟု ပြောအယ်။
14 သို့ဖြစ်ယွေ့ ငါလို့ စလိုပြောရမလုန်း၊ ဘုရားသခင်ဟ မတရားသလော။ လုံးလုံး ဟုတ်ဝူး။ 15 အကျောန်းမှာ ကိုယ်တော်ဟ မောရှေအား “ငါဟ ကျေးဇူးပြုလိုသော သူဟို ကျေးဇူးပြုမယ်၊ သနားလိုသောသူဟို ငါ သနားမယ်” ဟု မိန့်အယ်။ 16 အေးကျောန့် အေးအရာဟ လူ့ဆန္ဒနဲ့ ကြိုးစားအားထုတ်မှု အပေါ်တွင် မူတည်တာ မဟုတ်ဘဲ ဘုရားသခင်ရဲ့ ကရုဏာအပေါ်တွင် မူတည်အယ်။ 17 အကျောန်းမှာ ကျမ်းစာဟ ဖာရောဘုရင်အား “ငါ့တန်ခိုးဟို နင်နှိုက် ပြသခြင်းငှာ လည်းကောင်း၊ ငါ့နာမဟို မြေတပြင်လုံးတွင် ကျော်စောစေခြင်းငှာ လည်းကောင်း၊ ငါဟ ဟေရည်ရွယ်ချက်ဖြင့် နင့်ဟို ဆှင်ဘုရင်အရာနှိုက် ချီးမြောက်ခဲ့အယ်” ဟု မိန့်အယ်။ 18 အေးကျောန့် ဘုရားသခင်ဟ ကရုဏာထားလိုသောသူဟို ကရုဏာထားယွေ့ သူခေါင်းမာစေလိုသော သူဟို ခေါင်းမာစေအယ်။
ဘုရားသခင်ရဲ့ အူထော့ခြင်းနဲ့ ကရုဏာတော်
19 နင်လို့ထဲဟ တယောက်ဟ ငါ့ဟို ဟေလိုပြောအယ်၊ “အေးလို့ဖြစ်ရင် ဘုရားသခင်ဟ ငါလို့ဟို ပစာကျောန့် အပစ်တင်နေသေးလုန်း၊ ဖယ်သူဟ အလိုတော်ဟို ဆီးတားနိန်လုန်း” ဟု ဆိုမယ်လော။ 20 အဲလိုလဲ အချင်းလူ၊ နင်ဟ စသူဖြစ်လို့ ဘုရားသခင်ဟို ပြန်ခံ ပြောဆိုနေလုန်း၊ “ပုံသွင်းခံရသောအရာဟ ပုံသွင်းပေးသော သူအား ‘ပစာကျောန့် ငါ့ဟို ဟေလို့ လုပ်ခဲ့လဲ’ ” ဟု ဆိုရမယ်လော။ 21 အိုးထိန်းသမားဟ ရွံ့စေးဟို မိမိအလိုဆန္ဒအတိုင်း ပြုလုပ်ခွင့် ဆိအယ် မဟုတ်လော၊ သူဟ ရွံ့တုံးတခုတည်းမှ အသရေဆိသောအရာအတွက် သုံးသောအိုးဟို လည်းကောင်း၊ အသရေမဆိသော အရာအတွက် သုံးရန်အိုးဟို လည်းကောင်း ပြုလုပ်ပိုင်အယ် မဟုတ်လော။
22 အကယ်ယွေ့ ဘုရားသခင်ဟ မိမိရဲ့ အူထော့တာဟို ပြသရန်နဲ့ သူရဲ့ တန်ခိုးဟို သိစေရန် အလိုတော်ဆိလျက်နဲ့ပင် ပျက်စီးခြင်းအတွက် အသင့်ပြင်ဆင်ထားသော အူထော့ခြင်းဆိုင်ရာဟို ရမ်းဆာ့ သည်းခံရင် စလိုလုန်း။ 23 အေးအပြင် ကိုယ်တော်ဟ ကရုဏာထားသော ငါလို့အား သွန်းလောင်းယွေ့ မိမိရဲ့ ဘုန်းအသရေဟို ဖူးမျော်စေရန်လည်း အလိုတော် ဆိအယ်။ ကိုယ်တော် ပြင်ဆင်ထားသူများ ဖြစ်ကြသော ငါလို့အား အေးကြွယ်ဝသော ဘုန်းအသရေဟို ခံစားစေအယ်။ 24 အကျောန်းမှာ ငါလို့ဟ ကိုယ်တော်ခေါ်တဲ့ လူများ ဖြစ်ကြအယ်။ ယုဒလူမျိုးများထဲမှ သာမက လူမျိုးခြားအထဲမှလည်း ခေါ်ယူအယ်။ 25 ဟောရှေကျမ်းတွင် ကိုယ်တော်ဟ၊
“ငါရဲ့ လူမျိုး မဟုတ်သော သူလို့ဟို
‘ငါရဲ့ လူမျိုး’ လို့ ငါ ခေါ်မယ်။
ငါ မချစ်သော လူမျိုးဟို
‘ငါ ချစ်သော လူမျိုး’ လို့ ငါ ခေါ်မယ်။
26 ပင်းတော့ ‘နင်လို့ဟာ ငါရဲ့ လူ မဟုတ်’ ဟု အပြောခံရသော အဲနေရာနှိုက်
အသက်ဆှင်သော ဘုရားသခင်ရဲ့ သား ဟု ခေါ်ဝေါ်ခြင်းဟို ခံရလိမ့်မယ်” ဟု မိန့်အယ်။
27 ဣသရေလူမျိုးနဲ့ ပတ်သက်ပင်း ဟေရှာယ ကြွေးကြော်တာဟ “ဣသရေလလူမျိုးသားလို့သည် သမုဒ္ဒရာသဲလုံးနဲ့အမျှ များသော်လည်း၊ သူလို့အထဲမှ လူအနည်းစုသာ ကယ်တင်ခြင်းဟို ခံရလိမ့်မယ်။ 28 အကျောန်းမှာ အဆှင်ဟ မြေကြီးပေါ်ဆိ လူအပေါင်းလို့ဟို မဆိုင်းမတွဘဲ အမြန် တရားစီရင်မယ် ဖြစ်သောကျောန့် ဖြစ်အယ်” ဟု မိန့်အယ်။ 29 အေးအပြင် “ခေါန်းခင်ဗိုလ်ခြေအဆှင် ဘုရားဟ ငါလို့ သားမြေးအချို့လို့ဟို ချမ်းသာ မပေးခဲ့ရင် ငါလို့ဟ သောဒုံမြို့လိုမျိုး ဖြစ်ယွေ့ ဂေါမောရမြို့နဲ့ တူကြလိမ့်မယ်” လို့ မခင်ဟ ဟေရှာယ ဟောခဲ့လဲ့အတိုင်း ဖြစ်အယ်။
ဣသရေလလူမျိုးရဲ့ မယုံကြည်ခြင်း
30 အေးကျောန့် စလို ဟောရမလဲ၊ ဖြောင့်မတ်ခြင်းဟို မီအောန်မလိုက်သော လူမျိုးခြားလို့ဟ ဖြောင့်မတ်ခြင်းဟို မီကြအယ်၊ ယုံကြည်ခြင်းအားဖြင့် ဖြောင့်မတ်ခြင်းဟို ရဆိအယ်။ 31 ဖြောင့်မတ်ခြင်း တရားလမ်းဟို လိုက်သော ဣသရေလလူမျိုးဟ ပညတ်တရားနောက်ဟို လိုက်သော်လည်း သူလို့ရဲ့ ရည်မှန်းချက် မအောန်မြင်ကြ။ 32 ပစာကျောန့်လဲ။ အကျောန်းမှာ သူလို့ဟ ယုံကြည်ခြင်းအားဖြင့် မဟုတ်ဘဲ အကျင့်အားဖြင့် လိုက်လျောက်သောကျောန့် ဖြစ်အယ်။ သူလို့ဟ “ထိမိယွေ့ လဲစရာကျောက်” ဟို ထိမိယွေ့ လဲကျအယ်။ 33 ရေးသားချက်အရ၊
“ကျေ့လော့၊ လူလို့ တိုက်မိယွေ့ လဲစရာကျောက်ဟို ဇိအုန်တောင်ပေါ်မှာ ငါ ချထားမယ်။
အေးကျောက်ဟို လူလို့ တိုက်မိယွေ့ လဲကျလိမ့်မယ်၊
အဲလိုလဲ အေးကျောက်ဟို ယုံကြည်သောသူဟ ဖယ်ခါမှ ဆှက်ကြောက်ရလိမ့်မယ် မဟုတ်”
ဟု ဖော်ပြပါဆိအယ်။
*9:4 ပဋိညာဉ်များ၊ တချို့ လက်ရေးမူကျမ်းများတွင် ပဋိညာဉ်၊ ဟူယွေ့ ပါဆိအယ်။
†9:5 အရာအားလုံးဟို အစိုးရသော ဘုရားသခင်ဟို ထာဝရ ချီးမွန်းစေသတည်း၊ အဲဟာမဟုတ်ရင် အရာအားလုံးဟို အုပ်စိုးသော ဘုရားသခင်ဟ ထာဝရ ချီးမွန်းစေသတည်း။
‡9:8 လူပဲ့သငယ်တွေဟာ ဇာတိသွေးသားဆိုင်ရာအရ ဆင်းသက်လာ၊ ဣရှမေလအားဖြင့် အာဗြံဟံရဲ့အမျိုးအနွယ်များ ဆိလာပုံဟို ဖော်ပြထားအယ်၊ သူရဲ့သား ဟာဂါအားဖြင့် (ရှု ဂလာ ၄.၂၂–၂၃)။
§9:9 ချိန်းချက်သောချိန် စေ့သောအခါ၊ အဲဟာမဟုတ်ရင် နောက်နှစ် ခုလိုအချိန်။