YEMESA ꞌINA ꞌETOLADI
Yemesa Yesu ꞌana toemisao ꞌidi leta gete ꞌiꞌetoladina, ꞌieꞌiteda ꞌaene tada gwausowala miyamwau be ꞌebe toona ꞌediya. Geyaꞌabo emisa namo Yesu ꞌena, ta esi ematamatana be ona boboꞌana wate, ta geyaꞌabo taguiguinuwa me baleꞌu nadigega. Gomabeso tada lemedi, ta geyaꞌabo toesaesao nuwada siꞌewaꞌewa, manuna maꞌetamo toesaesao ꞌidi bubuna toꞌumalina manuna Yaubada loina mwauna ꞌida ꞌebwaꞌedi. ꞌIlobwenena be miyamwau ꞌediya tada ꞌalamaꞌiꞌita be tasisida Yaubada ꞌena, be ꞌida ꞌetoseyeda.
1
Ona oboboma
Kagutoki ꞌomi Yaubada ꞌina tomotaiyao susu tuwelo ꞌediyega waesugalagalaya sena yauyaudi ꞌediya. Gete ꞌimi leta yaꞌetoladinawa, Yaubada be ꞌInapwana Yesu Keliso ꞌidi toguinuwa ꞌaboꞌagu.
Emisa be sinasinapu
* Lo 5:3-5; 1 Pi 4:13-14Tasigwao, tuta simeemai ꞌediya ꞌabo ꞌebe toona yaudi ta wate mwaudi walobadi, manudi wada gwausowala, ta wada mwalatoni ꞌaene gete ꞌebe toona ꞌimi emisa manuna be ꞌenega wada toolopaꞌala. * Md 5:48ꞌEnega wada ꞌitaꞌiꞌisimi be wada toolopaꞌala ꞌaiꞌaila, be gete ꞌenega ꞌimi bubuna maiboꞌana ꞌida boboꞌana.
* 1 Kin 3:7, 9-12; Md 7:7Ta ꞌabo yaisigedi ꞌomi Yaubada ꞌana mwalatoi ꞌaiꞌaila nigeya ꞌemiya, Yaubada ꞌena wada sidasida, be ꞌemiya ꞌida ꞌebwaya, manuna tauna Totagwala ta Toꞌebwaya ꞌaiꞌaila. * Ais 57:20Ta wada sidasida ma imi emisa ꞌaiꞌaila ta geyaꞌabo ma imi enuwanaluwa, manuna taudi ma idi enuwanaluwa taudi nadigega lisu silasalasa bwagabwagaya, ꞌabo yagila ꞌisiyesiyeyedi.
* Ye 4:8; Lu 16:13Taudi wate geyaꞌabo sinuwanuwa ꞌaene ꞌebweu toꞌase sida loba ꞌInapwana ꞌenega, manuna ma idi enuwanaluwa ꞌidi guinuwa yauyaudi ꞌediya.
Toesaesao be togomabesoyao.
* Ye 2:5; Yel 9:23-24; 2 Ko 6:10Ta toekalesiyao gomagomabesodi, ꞌabo Yaubada ꞌigilagasidi, sida gwausowala sinabwana.
10  * 1 Ti 6:17; 1 Pi 5:5; Lu 12:16-21Ta wate toekalesiyao toesaesao ꞌilobwenedi be sida gwausowala ꞌabo Yaubada ꞌisaꞌu mwaꞌutedi, manuna toesaesao sisasawala ꞌatuwa pwatula senidiyao. 11 Manuna ꞌabo sinala ꞌiaala ꞌediya, ꞌetamo ꞌina waiwaiyega senina nidi siꞌoapelu be sibebeꞌu, ta wate ꞌadi ꞌita boboꞌana ꞌigugumwala. Nadigega tuga toesaesao maꞌetamo sida paipaisewa ta ꞌidi mwawasa nigeya ꞌida soꞌi.
ꞌEbe toonayao
12  * Dan 6:1-28; Lu 6:22-23; Ye 5:11ꞌAbo yaita ꞌoyo ꞌebe toonayao ꞌediyega ꞌutoolo paꞌala, ꞌuda gwausowala. Manuna ꞌamu pali boboꞌana Yaubada ꞌenega ꞌuda loba, nate yawasi ataya. Gete Yaubada ꞌina onaupaupa maiboꞌana ꞌedaya, ꞌabo taobobome.
13  * 1 Pi 2:11; 1 Ko 10:13Ta ꞌabo yaita ꞌoyo ꞌebetoo nidi ꞌulobadi, geyaꞌabo ꞌunuwanuwa gesi be ꞌugwae ꞌaene “Yaubada ꞌitootoogu.” Manuna tomota nigeya sawesawediya be Yaubada sitoo be ꞌaene yage toꞌumalidi ꞌida guinuwedi, ta Yaubada wate nigeya tomota ꞌida toodi be yage toꞌumalidi sida guinuwedi, 14 ta esi taudamo ꞌida yalakwaiya ꞌenega nuwanuwa toꞌumalina ꞌilisilisida. 15  * Lo 6:23Be ꞌida yalakwaiya nina ꞌenega guinuwa toꞌumalina ꞌiapwesa, ꞌenega wate muliyega mwawasa ꞌiapwesa.
16 Kagutoki tasigwao, geyaꞌabo ꞌimi nuwanuwa wasaꞌusaꞌu gesiyedi. 17  * 1 Yo 1:5Ta wada nuwaꞌiꞌisi ꞌaene ꞌebwayadaita boboꞌadi be wate oboboma boboꞌadi maiboꞌadi galewega simai Yaubada ꞌenega, tauna tuga maedanao ꞌadi tomweluluwa, ta wate nigeya saꞌi ꞌida esaꞌugelasa, nadigega yauyaukwa sisaꞌusaꞌu gelasa.
18  * 1 Pi 1:23; Yo 1:12-13Ga ꞌina nuwanuwa tauna ꞌenega, ta wate ꞌina onaꞌaiꞌaila ꞌenega, ꞌigimi mweluluida be ꞌaene ꞌaboꞌada ꞌina mwelumweluluwao maiboꞌadi tada loetana sinedi.
Ona ꞌana nono be ꞌana guinuwa
19  * Ona 10:19; Md 5:22Tasigwao, ꞌilobwenemi be ona wada enono ꞌaiꞌaila, ta geyaꞌabo onalimana be gamwasowala ꞌediya waewaiwai. 20 Manuna tomotai ꞌidi gamwasowala Yaubada ꞌina ꞌeda palupaluna nigeya ꞌilobwelobwene. 21  * Kol 3:8ꞌEnega ꞌimi bubuna be ꞌimi guinuwa toꞌumalidi wada pilisinedi, be wada tagwalemi Yaubada ꞌenaya, ta wate Yaubada ona nina ꞌatemiya ꞌiasonaya wada emisei, be wada ematamatane, be ꞌenega ꞌetoseyana waloba.
22  * Lo 2:13Ta geyaꞌabo waenono namo, nate wakabokaboemi tuga, ta esi wada guinuwa wate. 23 Manuna ꞌeguma yaita ꞌienono namo ta geyaꞌabo ꞌiguiguinuwa, tauna ꞌatuwa tai ꞌebweu gelasi ꞌena maninina ꞌiꞌitena, 24 ga muliyega ꞌitauya, ta tuta kukupana ꞌena maninina ꞌana ꞌita ꞌinuwa pupulena.
25 Ta Yaubada ꞌina loina palupaluna ga ꞌenega ꞌida toꞌumalinao ꞌediyega ꞌiliꞌamida. Ta ꞌabo yaita loina nina manuna ꞌinuwanuwa ta ꞌiguiguinuwa, ta nigeya ꞌida nuwapupulaya, tauna tai nina ꞌina guinuwa maiboꞌana gwausowala daisinamo.
26  * Sam 141:3Ta ꞌeguma ꞌebweu tai ꞌinuwanuwa gesi be ꞌaene tauna totapwalolo ꞌaiꞌaila, ta nigeya ꞌina ona ꞌiꞌitaꞌitaꞌiꞌisi, ꞌina tapwalolo yage besobeso. 27  * Ais 58:6-7Ta esi tapwalolo ꞌesasena be palupaluna Yaubada Tamada matanaya gete, ꞌaene taudi sinasinagenidi be kwabulao ꞌidi miyamwau ꞌenaya tada lemedi, ta wate geyaꞌabo bubuna baleꞌu ꞌenega tagiegie bailida.

*1:2: Lo 5:3-5; 1 Pi 4:13-14

*1:4: Md 5:48

*1:5: 1 Kin 3:7, 9-12; Md 7:7

*1:6: Ais 57:20

*1:7: Ye 4:8; Lu 16:13

*1:9: Ye 2:5; Yel 9:23-24; 2 Ko 6:10

*1:10: 1 Ti 6:17; 1 Pi 5:5; Lu 12:16-21

*1:12: Dan 6:1-28; Lu 6:22-23; Ye 5:11

*1:13: 1 Pi 2:11; 1 Ko 10:13

*1:15: Lo 6:23

*1:17: 1 Yo 1:5

*1:18: 1 Pi 1:23; Yo 1:12-13

*1:19: Ona 10:19; Md 5:22

*1:21: Kol 3:8

*1:22: Lo 2:13

*1:26: Sam 141:3

*1:27: Ais 58:6-7