yontunɑɑ tɑɑ tɔɣɔlɔ.

2 Tɑcɑɑ kɛ mɑ tɛɛlɑɑ təkpɑpɑ.

Nɑ ɩ́ kɛɛsənɑ mɑ tɔɔ nɑ ɩ́ nɩɩ mɑ kɑpusi.

3 Pʋʋɣʋ ɑnɑɑm wei ɩ kɛ́

səm kɑtɑntɑmɑɣɑ tɔ ɩ tɑɑ kɛ́ ɩ kpɛɛ-m.

Nɑ ɩ́ səŋsɩ-m kʋkpɑmʋɣʋ tɔɔ,

nɑ mɑ́ tɔŋnɑ nɑɑni.

4 Tɑ Ɩsɔ tʋnɑ mɑ nɔɣɔ tɑɑ kɛ́

yontu kʋfɑtʋ sɩ mɑ́ sɑŋnɑ-ɩ.

Pɑɣɑlɛ nɩɩwɑ nɑ pɑ́ nɑ́ mpʋ.

Ɩlɛnɑ pɑ́ nyɑŋnɑ Tɑcɑɑ nɑ pɑ́ tʋ-ɩ nɑɑni.

5 Leleŋ nɩɩlʋ ntɛ́ wei ɩ tʋwɑ

Tɑcɑɑ kɛ nɑɑni təkpɑtɑɑ tɔ.

Ɩ pɑɑ fɛɩnɑ kɑlɑmpɑɑnɩ nyə́mɑ nɑ pɔpɔtʋnɑɑ.

6 Mɑ Ɩsɔ Tɑcɑɑ n lɑpɑ təmɑ sɔsɔɔnɑ kɛ,

tɑ́ tɔɔ kɛ́ n fɛɩnɑ sɑɑlɑ.

Mɑ cɑɑkɑɣɑ ɑ tɔm yɔɣɔtʋɣʋ

ɩlɛ ɑ kəlɑ pɑɣɑlɛ.

7 Pə tɑɣɑ kɔtɑɣɑ ɩsɩɩ ɩsɑɣɑtʋ hɩɩsʋɣʋ nyəŋkɑ

yɑɑ ŋkɑ kɔkɔ lusɑ kɑ tənɑ tɔ yɑɑ kʋhɑʋ kɛ n sɔɔlɑɑ.

Amɑ ŋkpɑŋŋ kɛ n tʋ-m sɩ mɑ́ nɩɩ nyɑ́ tɔm.

8-9 Pə tɔɔ kɛ́ mɑ tɔmɑ sɩ:

Mɑɣɑlɔ, mɑ cɑɑ mɑ́ lɑ nyɑ́ luɣu nyəntʋ.

Ɩsɩɩ pə wɛʋ kiiu tɑkəlɑɣɑ tɑɑ tɔ.

Nɑ mɑ́ tɔkəɣɩ nyɑ́ kiiu kɛ hɑtoo mɑ lotu tɑɑ.

10 Siɣisuɣu tɔm kɛ mɑ kpɑɑləɣɩ

sɑmɑɑ tuutuumɑ tɑɑ sɩ:

Tɑcɑɑ nyɑ́ wɑɑsəɣənɑ.

Mɑɑ suŋ, nyɑ́ mɑɣɑmɑɣɑ n nyəmɑ́ mpʋ.

11 Mɑɑ ŋmɛsəɣɩ ɩsənɑ n yɑpɑ-m tɔ,

nɑ nyɑ́ kʋpɑntʋ nti n lɑkɩ tɑm tɔɣɔ sɑmɑɑ tɑɑ.

Amɑ mɑ kpɑɑləɣɩ kɛ́ sɩ nyɑɣɑlɛ mɑ wɑɑsʋlʋ.

12 Tɑcɑɑ n tɑ kisi nyɑ́ pətɔɔtəlɛ kɛ lɑpʋ.

Nyɑ́ kʋpɑntʋ nɑ nyɑ́ tɑɑ teu kentiɣinɑ-m tɑm.

13 Wɑhɑlɑnɑɑ wɑtəɣənɑ-m nɑ pɑɑ timpiɣi.

Pɑ fɛɩ kɑlʋɣʋ, mɑ kɑwɑlɑɣɑ fɔɔtɔ fɛləɣənɑ-m.

Pɑ tike kɛ mɑ nɑɑkɩ.

Pɑ pɑɣɑlɛ kəlɑ ɩsɩɩ nyʋɣʋ tɑɑ nyɔɔsɩ.

Pə tɔɔ kɛ́ mɑ ɑpɑlʋtʋ lepɑ.

14 Hɑɩ, Tɑcɑɑ,

lɑ suulu nɑ ń kɔɔ lɔŋ nɑ ń yɑ-m.

15 Mpɑ pɑ cɑɑkɩ mɑ wɑhɑlɑ nɑ mɑ səm tɔ,

pɑ́ kpisi nɑ fɛɛlɛ kpɑ-wɛ nɑ pə́ tisi-wɛ təfɛ.

16 Mpɑ pɑ woŋiɣi-m nɑ pɑ́ kpɑləsəɣɩ tɔ,

pɑ fɛɛlɛ ɩ́ tʋ-wɛɣɛ sɔɣɔntʋ.

17 Nyɑ́ pɛɛkəlɑɑ tənɑ ɩ́

yɔɔlənɑ-ŋ nɑ lɑŋhʋlʋmlɛ.

Mpɑ pɑ cɑɑkɩ sɩ ń yɑ-wɛ tɔ,

pɑ tɑləɣɩ-ŋ tɑm sɩ:

Tɑcɑɑ kɛlɛ sɔsɔ.

18 Mɑ kɛ́ kʋnyʋntʋ kɛ́ nɑ wɑhɑlɑ tʋ.

Amɑ Tɑcɑɑ tɔɔsəɣɩ mɑ tɔm.

Nyɑɣɑlɛ mɑ wɑɑsʋlʋ nɑ mɑ sənlʋ.

Mɑ Ɩsɔ, wɑɑsɩ-m tɑɑ tɑɑŋɩ.