mpɑ pɑ tɑ nyɩ-ŋ tɔ pɑ tɔm tɑɑ,

nɑ ń hɑ-m tɑmpɑnɑ.

Yɑ-m pɔpɔtʋnɑɑ nɑ ɑsɑɣɑɑ niŋ tɑɑ.

2 Nyɑɣɑlɛ mɑ kentulu,

n kisiɣi-m suwe?

N yelɑɑ nɑ pə́ nɩɩkɩ-m

nɑ mɑ kolontunɑɑ ŋmɑkələɣɩ-m suwe?

3 Hʋlɩ-m nyɑ́ nyɑɑləm nɑ nyɑ́ tɑmpɑnɑ

nɑ ɑ́ ponɑ-m nyɑ́ təcɑɣɑlɛ

kɛ nyɑ́ pʋɣʋ nɑŋŋ nyəŋkʋ tɔɔ.

4 Ɩlɛ mɑɑ kpətənɑ nyɑ́ kɔtɑɣɑ təlɑtɛ tənɑ.

Mpi tɔ, nyɑɣɑlɛ mɑ lɑŋhʋlʋmlɛ nɑ mɑ ɑyɔɔlɛɛ.

Hɑɩ, mɑ Ɩsɔ mɑɑ sɛɛ-ŋ nɑ mɑ sɑŋkʋ.

5 Pepe tɔɔ kɛ́ mɑ lɑŋlɛ wɑkələɣɩ mɑ tɩ tɔm tɔtɔ?

Pə kəlɑ teu sɩ mɑ́ tɛɛlɩ mɑ Ɩsɔ

nɑ mɑ́ tɑsɑ-ɩ sɑm tɔtɔ.

Ɩnəɣəlɛ mɑ wɑɑsʋlʋ Ɩsɔ.