yonyoolɑɑ nyʋɣʋ tʋ yontunɑɑ tɑɑ tɔɣɔlɔ.

2 Ɩsɔ kɛlɛ tɑ́ təcɔɔsəlɛ nɑ tɑ́ nyʋɣʋ tətʋlɛ.

Ɩnəɣəlɛ wɑɑsʋɣʋ ŋku kɩɩ lɑŋəɣɩ lɑŋwɑkəllɛ wɑɑtʋ tɔ.

3-4 Pə tɔɔ kɛ́ pɑɑ tɛtʋ kɑ́ sele

nɑ pɔɔŋ yɔɔləɣɩ nɑ ɩ́ tiiki lʋm tɛɛ

yɑɑ lʋm holɑ kɑləɣɩ kɔkɔtɛ nɑ ɑ́ wɑsəɣɩ

nɑ ɑ́ kʋləɣɩ nɑ ɑ́ ciɣitiɣi pɔɔŋ, tɩɩ nyɑŋ.

5 Pɔɣɔ nɑkəlɩ kɑ wɛnnɑ nɑ kɑ lʋm hɛɛsəɣɩ

Ɩsɔ ɩcɑtɛ nyə́mɑ lɑŋlɛ.

Ɩsɔtɑɑ Ɩsɔ Sɔsɔ təcɑɣɑlɛ nɑŋŋ nyəntɛ ntɛ́.

6 Ɩsɔ wɛ tə tɑɑ ɩlɛ pʋlʋpʋ ɩɩ ciɣitiɣi-tɛ.

Ɩ kɑ wɑɑsɩ-tɛɣɛ nɑ pə́cɔ ilim lɩɩ.

7 Ye Ɩsɔ kulɑ ɩ nɔɣɔ tɔɔ piitimnɑɑ tɛɛ sʋʋkɩ kɛ́,

nɑ kɑwulɑsɩ nɑ́ɑ́ seliɣi,

nɑ sɔɣɔntʋ nɑ́ɑ́ pɩ́ɩ́ tɛtʋ nɑ tə́ yɔɔləɣɩ nɑ tə́ tiiki.

8 Atɛ nɑ ɩsɔtɑɑ pə tʋ Tɑcɑɑ wɛ tɑ́ wɑɑlɩ kɛ́.

Yɑkɔpʋ Ɩsɔ kɛlɛ tɑ́ kʋkentuɣu.

9 Ɩ́ kɔɔ nɑ ɩ́ nɑ́ sɔɣɔntʋ təmɑ wenɑ

Tɑcɑɑ lɑpɑ tɛtʋ tɔɔ tɔ.

10 Ɩnɩ ɩ kʋɣʋnɑ yooŋ nyʋɣʋ kɛ hɑtoo ɑntulinyɑ tənɑsɩ tɔɔ,

nɑ ɩ́ pɛləɣɩ pə tɔɔŋ nɑ pə ŋmɑntɑɑsɩ,

nɑ ɩ́ wɔ kpɑləŋ kɛ kɔkɔ.

11 Ɩsɔ sɩ: Yəlɑɑ ɩ́ hɛɛsɩ yoou nɑ pɑ́ cɛkənɑ sɩ mɑ kɛ́ Ɩsɔ.

Mɑ́ ŋmɑkələnɑ tɛtʋ nɑ tə piitimnɑɑ.

12 Atɛ nɑ ɩsɔtɑɑ tʋ wɛ tɑ́ wɑɑlɩ kɛ́.

Yɑkɔpʋ Ɩsɔ kɛlɛ tɑ́ kʋkentuɣu.