yonyoolɑɑ nyʋɣʋ tʋ yontunɑɑ tɑɑ tɔɣɔlɔ.

Ye pɑ tɔmɑ sɩ tə́ polo Tɑcɑɑ təyɑɣɑ tɑɑ,

mɑ lɑŋhʋlʋmlɛ wɛ sɔɣɔntʋ.

2 Yosɑlɛm, nyɑ́ nɔnɔkeelɑsɩ kɛ tə səŋɑɑ.

3 Yosɑlɛm ɩcɑtɛ nyɑ́, pə ŋmɑ-ŋ teu kɛ́,

nɑ ń tɑmsɑ teu təkpeɣekpeɣe.

4 Nyɑ́ tɑɑ kɛ́ Tɑcɑɑ kpekɑ Ɩsɛɣɛlɩ nyə́mɑ kpɑɑkɩ

nɑ pɑ́ sɑŋ Tɑcɑɑ hətɛ ɩsɩɩ pɑ kiiu wɛɛ tɔ.

5 Tənɑɣɑ Tɑfiiti təyɑɣɑ nyə́mɑ kɑwulɑɣɑ kumlee wɛɛ

nɑ pɑ́ cɑkɩ ɑ tɔɔ nɑ pɑ́ hʋʋkɩ tɔm.

6 Ɩ́ sələmɩ Ɩsɔ sɩ:

Yosɑlɛm hɛɛsɩ.

Mpɑ pɑ sɔɔlɑ-ŋ tɔ,

pɑ lɑŋɑ́ ɩ́ hɛɛnɑ hɛɛsʋɣʋ ŋkʋ.

7 Hɛɛsʋɣʋ ɩ́ wɛɛ nyɑ́ koloosi tɑɑ

nɑ təcɑɣɑnɑʋ kɛ nyɑ́ tɛɛsɩ kʋpɑnsɩ tɑɑ.

8 Mɑ sɔɔlɑɑ sɩ hɛɛsʋɣʋ ɩ́ wɛɛ nyɑ́ tɑɑ kɛ́

mɑ tɛɛtʋnɑɑ nɑ mɑ tɑɑpɑlɑɑ pɑ tɔɔ.

9 Tɑ́ Ɩsɔ Tɑcɑɑ təyɑɣɑ tɔɔ kɛ́

mɑ kooliɣi sɩ pə́ cɑɣɑnɑ-ŋ.