Taku̱rda-o
Matiyos
Rem-se ro̱ n-me̱ à:
Baag-o Ye̱so Kiristi u̱n mat-o̱ u̱n wu̱ ne̱ 1:1—2:23
Se̱nge̱-m Yohana Wa-m-Yo'os u̱n hun-ne̱ m-ho̱ 3:1-12
Yo'os u̱n Ye̱so m-ho̱ u̱n meger-to̱ u̱n wu̱ ne̱ 3:13—4:11
Se̱nge̱-m Ye̱so n-me̱ u̱n hun-ne̱ o-Gariri 4:12—18:35
Cir-mo̱ Gariri ha-mo̱ o-Urusharima 19:1—20:34
Ho̱-u̱t ta'yoor-to̱ u̱r-ko̱m yow yow o-Urusharima ne̱ 21:1—27:66
M-ine̱ u̱t-marimar u̱n m-rwu̱u̱n ne̱ cas mo̱ u̱n Wan-Ko̱yan 28:1-20
Bo̱r-o gaan
Baag-o Ye̱so Kiristi
(Ruka 3:23-38)
1 Taku̱rda-o̱ u̱n baag-o Ye̱so Kiristi.*1:1 Wu̱ Shir daagne̱ à. Wu̱ u̱n rwu̱u̱n u̱n baag-o ko-Gwo̱mo Dawuda u̱n Ibrahi ne̱.
2 Ibrahi matu̱ru̱ Ishaku,
Ishaku matu̱ru̱ Yakubu,
Yakubu matu̱ru̱ Yahuda u̱n se̱k-ye̱ ye̱ u̱n wu̱ ne̱.
3 Yahuda ne̱ wu̱ matu̱ru̱ Perez u̱n Zera (inu u̱n ye̱ Tamar).
Perez matu̱ru̱ He̱zu̱ron,
He̱zu̱ron matu̱ru̱ Aram,
4 Aram matu̱ru̱ Aminadab,
Aminadab matu̱ru̱ Nashon,
Nashon matu̱ru̱ Sarmon.
5 Sarmon matu̱ru̱ Bo'az (inu u̱n wu̱ Rahab),
Bo'az matu̱ru̱ Obe̱d (inu u̱n wu̱ Rutu),
Obe̱d matu̱ru̱ Je̱sse̱.
6 Je̱sse̱ matu̱ru̱ ko-Gwo̱mo Dawuda.
Dawuda matu̱ru̱ Suremanu (inu u̱n wu̱ ne'a Uriya ro gage̱ wu̱).
7 Suremanu matu̱ru̱ Re̱hebowam,
Re̱hebowam matu̱ru̱ Abija,
Abija matu̱ru̱ Asa,
8 Asa matu̱ru̱ Je̱hoshapat,
Je̱hoshapat matu̱ru̱ Je̱horam,
Je̱horam matu̱ru̱ Uzziya.
9 Uzziya matu̱ru̱ Jo̱tam,
Jo̱tam matu̱ru̱ Ahaz,
Ahaz matu̱ru̱ He̱ze̱kiya,
10 He̱ze̱kiya matu̱ru̱ Manase,
Manase matu̱ru̱ Amon,
Amon matu̱ru̱ Jo̱saya.
11 Jo̱saya matu̱ru̱ Je̱ko̱niya u̱n hen-ne̱ ye̱ u̱n wu̱ ne̱, cin ba a u̱n ku̱u̱s ye̱ m-gu̱w so̱ u̱n dak-o̱ o-Babira.†1:6-11 Hyen komo: 2Gwm 24:14-15; 2Nom 36:10; Irmi 27:20.
12 Bo̱ a wo̱tte̱ ye̱ o-Babira à,
Je̱ko̱niya matu̱ru̱ Shetiyer,
Shetiyer matu̱ru̱ Ze̱rubabe̱r,
13 Ze̱rubabe̱r matu̱ru̱ Abihudu,
Abihudu matu̱ru̱ E̱riyakim,
E̱riyakim matu̱ru̱ Azo̱r.
14 Azo̱r matu̱ru̱ Zado̱k,
Zado̱k matu̱ru̱ Akim,
Akim matu̱ru̱ Eriwuda,
15 Eriwuda matu̱ru̱ E̱re̱yazar,
E̱re̱yazar matu̱ru̱ Matana.
Matana ne̱ wu̱ matu̱ru̱ Yakubu.
16 Yakubu matu̱ru̱ Yusuhu campo̱ Meri,
Meri inu Ye̱so wu̱ a m-ze̱e̱ Kiristi à.
17 Cir-mo̱ u̱n zaman-o Ibrahi ha-mo̱ u̱n yo ma ko-Gwo̱mo Dawuda, zaman-u̱s o̱p-u̱s nass-se [14]. Ze̱e̱n-mo̱ u̱n ko-Gwo̱mo Dawuda ha-mo̱ u̱n da-o̱ a ku̱u̱se̱ Isra-ne̱ m-gu̱w o-Babira à, zaman-u̱s o̱p-u̱s nass-se [14]. Komo da-o̱ a ku̱u̱se̱ ye̱ à, ha-mo̱ u̱n da-o̱ a mate̱ Kiristi à, zaman-u̱s o̱p-u̱s nass-se [14] komo.
A makt Ye̱so Kiristi
(Ruka 2:1-7)
18 Mat-o Ye̱so Kiristi o̱ ka. Da-o̱ Yusuhu ro u̱n hoob-o Meri inu Ye̱so ne̱ u̱t-ge à, cin ba a u̱n gegu̱ ye̱ u̱t-ge, a 'wo̱ssu̱ru̱ wu̱ ro̱ u̱r-uub ne̱ de u̱n Ku̱kt-o̱ Shir.‡1:18 Hyen komo: Ruka 1:27. 19 Wan-ryap-de u̱n wu̱ Yusuhu kashi u̱n ne̱t-wu̱, wu̱ ro̱ u̱n nome̱ u̱n karamsa-o̱ u̱n Yahuda-ne̱ o-do̱ro̱tte̱. Komo wu̱ co̱n wu̱ 'ye Meri m-'e̱ n-me̱ u̱n hun-ne̱ á, wu̱ no̱mu̱ru̱ u̱s-barag wu̱ ho'ostu̱ wu̱ wukusse̱ ba u̱n nap-o̱ u̱n ne̱t.
20 Amba wu̱ ro̱ u̱n ká barag-se, wan-to̱m-wu̱ Wan-Ko̱yan rwu̱u̱nu̱ru̱ wu̱ ru̱ru̱ wu̱ n-te̱ o-bo, wu̱ ze̱e̱ru̱ wu̱, “Yusuhu baag-o ko-Gwo̱mo Dawuda, taase o ho̱ge̱ gye̱r-o̱ u̱n de̱k u̱n Meri ne'a ru, remen ká uub-de, de u̱n Ku̱kt-o̱ Shir de. 21 Wu̱a met wà, wo̱a e̱gu̱ wu̱ u̱r-jin Ye̱so. Wata wan-Gwu̱ remen wu̱ wu̱ he m-gu u̱n hun-ne̱ be-de u̱n ba'as-to̱ u̱n ye̱.§1:21 Hyen komo: Ruka 1:31.”
22 Ka rii-yo u̱n ko̱r kap remen a shooste̱ rii-yo Wan-Ko̱yan rwo̱re̱ à, cin n-ga ne̱ u̱n nu-o̱ u̱n wan-Rwo̱r u̱n Ma-to̱ ShirIshaya u̱nze,
23 “Wan-ne'a-wu̱ nape̱ campo̱ á wu̱a nom u̱r-uub,
wu̱a met wà, wan-campo̱.
Komo a e̱gu̱ wu̱ u̱r-jin Imanuwe̱r.”*1:23 Hyen komo: Isha 7:14.
Ka jin-de Imanuwe̱r de ro̱, Shir ro̱ be-u̱r gaan u̱n na ne̱.
24 Bo̱ Yusuhu zu̱tu̱te̱ ka rew-mo̱ à, wu̱ no̱mu̱ru̱ yo wan-to̱m-wu̱ Wan-Ko̱yan zee wu̱ à. Wu̱ gaaru̱ ne'a u̱n wu̱ Meri. 25 Amba wu̱ nap wu̱ ne'a á, se̱ da-o̱ wu̱ messe̱ wà u̱n wu̱ à wan-campo̱. Yusuhu egu̱ wu̱ komo u̱r-jin Ye̱so.†1:25 Hyen komo: Ruka 2:21.
*Bo̱r-o gaan:1 1:1 Wu̱ Shir daagne̱ à.
†Bo̱r-o gaan:11 1:6-11 Hyen komo: 2Gwm 24:14-15; 2Nom 36:10; Irmi 27:20.
‡Bo̱r-o gaan:18 1:18 Hyen komo: Ruka 1:27.
§Bo̱r-o gaan:21 1:21 Hyen komo: Ruka 1:31.
*Bo̱r-o gaan:23 1:23 Hyen komo: Isha 7:14.
†Bo̱r-o gaan:25 1:25 Hyen komo: Ruka 2:21.