1 ታናዳን አማንያዋንቶ፥ ታን ጌሻ አያናይ ደእያ አሳዉ ሃሳይያዋዳን፥ ህንተንቶ ሃሳያናዉ ዳንዳያበይከ። ሽን ሀ አላምያ አሳዉ ሃሳይያዋዳንነ አማኑዋን ምንቤና ክርስቶሳን ደእያ ጉꬃ ናና ማላ አሳዉ ሃሳይያዋዳን ሃሳያድ። 2 ህንተንቱ ብሮ ምኖ ቁማ ማናዉ ዳንዳይቤና ድራዉ፥ ታን ህንተንታ ማꬃ ፓካድ፤ ሀራይ አቶ፥ ሀእካ ዳንዳይበይክታ። 3 አያዉ ጎፐ፥ ህንተ ሀእካ ሀ አላምያ አሳዳን ደኢታ። ህንተንቱ ሀ አላምያ አሳ ግድያዋ ህንተ ግዶን ደእያ ቃናቲነ ፓሉማይ ኤርሰኔ? ቃይ ሀ አላምያ አሳዳን ስመረቲታ። 4 አያዉ ጎፐ፥ ህንተንቱፐ እቱ፥ “ታን ጳዉሎሳዋ” ጎፐ፥ ሀራይ ቃይ፥ “ታን አጲሎሳዋ” ጎፐ፥ ሀ አላምያ አሳ ማላ ግድክቴ?

5 ያትና፥ አጲሎስ ኦኔ? ጳዉሎስ ኦኔ? ኑን ህንተንታ አማንꬄዳ ጾሳ ካልያዋንታ። ጾሳይ ኑዉ ሁጲያን ሁጲያን እሜዳ ኦሱዋ ኦꬄቶ። 6 ታን ፑትያ ቶካድ፤ አጲሎስ ሃꬃ ኡሼዳ፤ ሽን ጾሳይ ፑትያ ድቼዳ። 7 ሄዋ ድራዉ፥ ድችያ ጾሳፐ አትን፥ ቶክያዌካ ሃꬃ ኡሽያዌካ አያነ ግደና። 8 ቶክያዌነ ሃꬃ ኡሽያዌ እት ማላ፤ ሽን ጾሳይ ሁጲያን ሁጲያን አ ዳቡራ ኬና አዉ ዎይታና። 9 ኑን ጾሳዉ እትፐ ኦꬅያ አ ኦሳንቻቱዋ ግድያ ድራዉ፥ ህንተ አ ኦሱዋ ሳኣ።

ቃይካ ህንተ ጾሳ ጎልያ። 10 ጾሳይ ታዉ እሜዳ አꬎ ኬካተꬃን ኤራንቻ አናጽያዳን፥ ጎልያ ባሱዋ ባሳድ። ሀራ ኡራይ አ ቦላ ኬጼ። ሽን አ ቦላ ኬጽያ ኦንነ ዎት ኬጽንቶ፥ ባረ ሁጰዉ ናገቶ። 11 አያዉ ጎፐ፥ ጾሳይ የሱስ ክርስቶሳ ጻላላ ባሶ ኦꬂደ ዎꬄዳ። አፐ ሀራ ባሱዋ ባሳናዉ ኦንነ ዳንዳየና። 12 ሽን ሀ ባሱዋ ቦላ ኦንነ ዎርቃን ግድና፥ ብራን ግድና፥ አልኦ ሹቻን ግድና፥ ምꬃን ግድና፥ ጋታን ዎይ ማቃን ኬጾፐ፥ 13 አሳ ኡባ ኦሱ ቆንጭያ ከሳናዋ። አያዉ ጎፐ፥ ታማን ቆንጫና ድራዉ፥ ሄ ጋላሳይ አሳ ኡባ ኦሱዋ በሳና። አሳይ ኡባይ ባረ ኦሱዋ ዎት ኦꬄደንቶነ ታማይ ፓጫና። 14 ኦንነ ባሱዋ ቦላ ኬጼዳ ኦሱ ምኒደ አቶፐ፥ እ ዎይታ አካናዋ። 15 ኦ ኦሱነ ጉደቶፐ፥ ሄ ኡራይ ቆሄታና። እ ባረ ሁጰዉ አታና፤ ሽን ታማ ግዶፐ ከስ አኮዋዳን አታና።

16 ህንተንቱ ጾሳይ አቅያ ጌሻ ጎልያ ግድያዋነ ጾሳ አያናይ ህንተንቱን ደእያዋ ኤርክቴ? 17 ኦንነ ጾሳ ጌሻ ጎልያ ኮሎፐ፥ ጾሳይ አ ኮላና። አያዉ ጎፐ፥ ጾሳይ አቅያ ጌሻ ጎሊ ጌሻ፤ ሄ ጌሻ ጎሊካ ህንተንታ።

18 ኦንነ ባረ ሁጲያ ጭሞፖ። ህንተንቱፐ ኦንነ ባረና ሀ አላምያን አꬎ ኤራንቻ ያጊደ ቆፖፐ፥ አꬎ ኤራንቻ ግዳናዉ፥ ኤያ ግዶ። 19 አያዉ ጎፐ፥ ሀ አላምያ አꬎ ኤራተꬃይ ጾሳ ስንꬃን ኤያተꬃ። ጾሳ ማጻፋይ፥