1 ኑን ኦሞደቴዳ ታማነ እተንꬃ ላይꬃን፥ አግናዉ ኮይሮ ጋላሳን፥ መꬍና ጎዳ ቃላይ ታኮ ሀዋዳን ያጊደ ዬዳ፤ ኢሳ. 23:1-18፤ ኢዩ. 3:4-8፤ አሞጻ 1:9-10፤ ዛካ. 9:1-4፤ ማቶሳ 11:21-22፤ ሉቃሳ 10:13-14 2 “ላ አሳ ናአዉ፥ ጺሮሳ ካታማ አሳይ ናሸቲደ፥ ‘ሀሹ! የሩሳላመ ኩንዳዱ፤ እዛ ላለታደ ꬋዬዳነ፥ እዝ ፐንጊ ዋጋግ ጊደ ዶየቴዳ ድራዉ ሀዋፐ ስንꬃን ኑን ዱረታና’ ያጊኖ። 3 ሄዋ ድራዉ፥ ኡባ ሞድያ መꬍና ጎዳይ ሀዋዳን ያጌ፤ ‘ኔኖ፥ ጺሮሳ ካታማቴ፥ ታን ነዉ ሞርከ። አባ ቤታይ ይያዋዳን፥ ታን ዳሮ ካዉተꬃቱዋ ነ ቦላን አሀና። 4 ኡንቱንቱ ነ ድርሳ ግምቢያ ኮላና፤ ነ ሚጻካ ላላና። ታን ኔና ቢታ ኡባ ቁጭ አፍ ድግና፥ ካሎ ደእያ ዛላ ኦꬃና። 5 ያቶፐ ኔን አባ ግዶን አሳቱ ባረንቱ ሞልያ ግትያ መልሳናዉ ምጭያ ሳኣ ግዳና። ታን ኡባ ሞድያ መꬍና ጎዳይ ሀዋ ኦዳይ። ሀራ ካዉተꬃቱ ጺሮሳ ካታማ ቦንቃናዋንታ። 6 ሄ ቢታን ሁጰትያ ካታማቱዋን ደእያ ቄር ካታማቱ አባፐ ጉꬃ ሃክያዋንቱ ማሻን ዉርሳና። ሄ ዎደ ታን መꬍና ጎዳ ግድያዋ ኡንቱንቱ ሄዋን ኤራና’ ያጌ።

7 “ኡባ ሞድያ ጾሳይ ሀዋዳን ያጌ፤ ‘ጺሮሳ ቦላ ኦላ ደንꬃና ማላ፥ ካተቶ ካትያ ግድያ ባብሎነ ካትያ ናቡካዳናጾራ ታን ሁጲሳ ባጋፐ አሀና፤ አ ታን ፓራቱዋና፥ ፓራ ጋረቱዋና፥ ፓራ አሳቱዋናነ ዳሮ ኦላንቻቱዋና አሀና። 8 ኡንቱንቱ ሁጰትያ ቢታን ቄር ካታማቱዋ ማሻን ዉርሳና፤ ኡንቱንቱ ኔና ዶዲደ፥ ነ ድርሳ ግምቢያና ጋꬂደ፥ ቢታ ካፋና። ያቲደ ባረንቱ ጎንዳልያ ነ ቦላ ደንꬃና። 9 ድርሳ ግምበቱዋ ዶምኢደ ላልያ ሚሻን ድርሳ ግምቢያ መንሬꬃና፤ ባረንቱ ኦላ ሚሻንካ ነ ሚጻ ላላና። 10 አ ፓራቱ ዳሮ ግድያ ድራዉ፥ ኡንቱንቱ ደንꬅያ ባናይ ኔና ካማና። ፓራቱነ ፓራቱዋ ጋረቱ ላለቴዳ ካታማ ድርሳ ፐንግያ ገልያዋዳን፥ ገልያ ዎደ፥ ኡንቱንቱ ስስያ ጋርማሱነ ጊረꬃይ ነ ድርሳ ግምቢያ ቃꬃና። 11 ኡንቱንቱ ፓራቱ ነ ግዶን ደእያ ኦገቱዋ ኡባ የꬋና። ነ አሳካ ማሻን ዉርሳና፤ ነ ዎልቃማ ቱሳቱካ ሳኣን ኩንዳና። 12 ባብሎነቱ ነ አቁዋነ ነ ዛልእያ ሚሻቱዋ ቦንቃናዋንታ። ነ ድርሳ ግምበቱዋነ ነ ሎኦ ኬꬃቱዋ ኡባ ኮላና፤ ሄ ሹቻ፥ ሄ ምꬃነ ሄ ላለቴዳ ቡርጨ ኡባ አፊደ፥ አባን ኦላና። 13 ነ ማልኦ የꬃ ታን ድጋና፤ ነ ዲꬃ ኮሻይካ ላኤንꬆ ስሰተና። ሳፃ 18:22 14 ታን ኔና ካሎ ደእያ ዛላ ኦꬃና፤ ቃይ ኔን አሳቱ ባረንቱ ሞልያ ግትያ መልሳናዉ ምጭያ ሳኣ ግዳና። ታን መꬍና ጎዳይ ሀዋ ኦዴዳ ድራዉ፥ ኔን ላኤንꬆ ኬጸታካ። ታን ኡባ ሞድያ መꬍና ጎዳይ ሀዋ ኦዳይ’ ያጌ።

15 “ኡባ ሞድያ መꬍና ጎዳይ ጺሮሳ ካታማዉ ሀዋዳን ያጌ፤ ‘ነ ሞርከቱ ነ ቦላን ገልያ ዎደ፥ አባ ዶና ቢታቱዋን ደእያ ነ አሳይ ሲፈቲድ ጊርምያ ጊርንꬃ ስሲደ፥ ያሻዉ ኮኮራና። 16 ሄዋፐ ጉይያን፥ አባ ዶና ቢታቱዋን ደእያ ሞድያዋንቱ ባረንቱ ኦይድያፐ ዎꬋና። ባረንቱ ቁማዩዋነ ኩሽያን ስኪደ አሌቂሴዳ ባረንቱ ማዩዋ ቃራና፤ ያሻዉ ኮኮሪደ፥ ቢታን ኡታና። ነ ቦላ ጋኬዳ መቱዋ ቆፒደ፥ ኡንቱንቱ ዳሮ ሻቢረታና፤ ኮኮርሳይካ ኡንቱንታ አገናን እጻና። ሳፃ 18:9-10

17 “ ‘ሄዋፐ ጉይያን፥ ኡንቱንቱ ነዉ ሀዋዳን ያጊደ ዝላላና፤

19 “ኡባ ሞድያ መꬍና ጎዳይ ሀዋዳን ያጌ፤ ‘ሀእ አሳይ ደኤና ካታማቱዋዳን፥ ታን ኔና መላ ከሳና። ቃይ ታን ጪማ አባ ነ ቦላን አህና፥ ሄ ዳሮ ሃꬃይ ኔና ካማና። 20 ሄ ዎደ ታን ኔና ዱገ ጪማ ኦላዉ ብያዋንቱና እትፐ፥ አዱሳ ዎድያፐ ካሰ ሀይቄዳ አሳቱዋኮ ዱገ የጋና። ኔን ቢታፐ ጋርሳን፥ በን ሞገቴዳ ቡርጨቱ ደእያ ሳን፥ ጪማ ኦላዉ ብያዋንቱና እትፐ ደአናዳን፥ ታን ኔና ኦꬃና። ኔን ላኤንꬆ አሳይ ደእያ ካታማ ከሳካ፤ ፓጻ ደእያዋንቱ ቢታንካ ስማደ፥ ነ ሳኣ ኦይቃካ። 21 ታን ነ ዉርሰꬃ ዳጋንꬅያ ዉርሰꬃ ኦꬃና፤ ኔን ላኤንꬆ ኡባካ ደአካ። አሳይ ኔና ኮያና፤ ሽን ኔን ላኤንꬆ ኡባካ ቤታካ። ታን ኡባ ሞድያ መꬍና ጎዳይ ሀዋ ኦዳይ’ ያጌ” ያጊደ ዬዳ። ሳፃ 18:21