5
1 ቄሳቱዋ ኡባቱዋ ካፓቱ ሁጲያን ሁጲያን ባረ አሳ ግዶፐ ዶረቲደ፥ ሄ አሳ ግሻታዉ ጾሳዉ ኦꬃናዉ፥ እሙዋ እማናዉነ ናጋራ ያርሹዋ ያርሻናዉ ሱንቴድኖ። 2 እ ባረ ሁጰዉ ዳቡራንቻ ግድያ ድራዉ፥ ታማርቤናዋንቶነ ባልያዋንቶ ቃረታናዉ ዳንዳዬ። 3 ሄዋ ድራዉ፥ ሄ ቄሳቱዋ ኡባቱዋ ካፑ አሳ ድራዉ ያርሹዋ ያርሽያዋዳን፥ ባረ ሁጰ ናጋራ ድራዉካ ያርሻናዉ በሴ። ዎጋ 9:7
4 ጾሳይ አሮና ቄሳቱዋ ኡባቱዋ ካፑዋ ግዳና ማላ ጼሴዳዋዳን፥ ጾሳይ ጼሳናፐ አትን፥ ኦንነ ቄሳቱዋ ኡባቱዋ ካፑዋ ግድያ ቦንቹዋ ባረዉ አካናዉ ዳንዳየና። ከሳ 28:1 5 ሄዋዳንካ፥ ክርስቶስ ቄሳቱዋ ኡባቱዋ ካፑዋ ግድያ ቦንቹዋ ባረዉ አክቤና፤ ሽን ጾሳይ አ፥
“ኔን ታ ናኣ።
ታን ሀቼ ነዉ አዉዋ ግዳድ”
ያጌዳ።ማዝ. 2:7 6 ሄዋዳንካ ቃይ ሀራሳን፥
“ማልክ-ጸደቂ*ማልክ-ጸደቂ፦ ሀ ሱንꬃይ ኤጫ ጫቁዋን ጼሰቴዳዌ፥ እ ቄሳ አሮነፐ ካሰና ደኤዳዌ ኤረቶ ድራሳ። አ ጉየ ዛርያባዉነ አ ሀይቁዋባዉ አይነ ጌተቶዌ ባዋ። 7:3፤ ዶመꬃ 14:17-20 ጼልተ። ቄሳ ግዴዳዋዳን፥
ኔንካ መꬍናዉ ቄሳ ግዳና”
ያጌዳ።ማዝ. 110:4
7 የሱስ ሳኣን ደእያ ዎደ፥ ባረና ሀይቁዋፐ አሻናዉ ዳንዳይያ ጾሳ ሎይꬅ ዬኪደነ አፎጺደ ዎሴዳነ ኦቼዳ፤ ጾሳይ አ ዎሳ ስሴዳዌ፥ እ ባረና ቶቼዳዋሳነ አዉ ያዬዳዋሳ። 8 የሱስ ጾሳ ናኣ ግዶፐነ፥ ባረ ዋየቴዳ ዋይያን አዛዘትያዋ ታማሬዳ። 9 የሱስ ባረ ኦሱዋ ፖሌዳ ዎደ፥ ባረዉ አዛዘትያ ኡባዉ መꬍና አቶተꬃ ደማናዉ ጋሶ ግዴዳ። 10 ቃይ ጾሳይ ማልክ-ጸደቃ ሱንꬃተꬃዳን፥ ቄሳቱዋ ኡባቱዋ ካፑዋ ግዳና ማላ፥ አ ሱንꬄዳ።
አሳይ ባለናዳን ኦደቴዳ ምኖ ኦዱዋ
11 ኑን ሀ የዉዋን ሃሳያናባይ ዳሮባይ ደኤ፤ ሽን ህንተንቱ አኬካናዉ አዛላ ግድያ ድራዉ፥ ህንተንቶ ኦድ ገልሳናዉ ዋይሴ። 12 አያዉ ጎፐ፥ ህንተንቱ ሀ ዎድያን ታማርስያዋንታ ግዳናዉ በሶፐካ፥ ጾሳ ቃላ ኮይሮ ትምርትያ ህንተንታ ዛር ታማርስያ እት ኡራ ኮሼ፤ ህንተንታ ኡሽያ ማꬃ ኮሼፐ አትን፥ ጮምያ ቁማ ኮሸና። 13 ማꬃ ፓከቲደ ደእያ ኦንነ ጋጭኖ ናኣ ግድያ ድራዉ፥ ጽሎተꬃ ትምርትያዋ ኤረና። 14 ሽን ምኖ ቁማይ ኢታነ ኬካ ደኡዋ ዳሩዋን ሻክ ኤሬዳ ዎዛናማ አሳሳ።