1 ሀ ማልክ-ጸደቂ፥ ሳሌማ ካቲ፥ ኡባፐ ቦላ ጾሳ ቄሳይ፥ አብራሃሞ ካተቱዋ ዎꬊደ ኦላፐ ስምሽን፥ አናና ጋከቲደ፥ አ አንጄዳ። ዶመꬃ 14:17-20 2 አብራሃሞ ባረ ኦሞዴዳ ኡባፐ አስራታ ከሲደ፥ አዉ እሜዳ፤ ማልክ-ጸደቃ ሱንꬃዉ ኮይሮ ብለꬃይ ጽሎተꬃ ካትያ ግያዋ፤ ቃይ ሳሌማ ካትያ እ ግድያ ድራዉ፥ ላኤንꬆ ብለꬃይ ሳሮተꬃ ካትያ ግያዋ። 3 ማልክ-ጸደቃዉ ዳያ ዎይ አዉ፥ ዎይ አዉ ዛርያ ፓይዱ ባዋ፤ ቃይ አ የለታዉ ዶመꬃይ ዎይ አ ሀይቆ ዉርሰꬃይ ባዋ፤ ሽን ጾሳ ናኣ ማላቲደ፥ መꬍናዉ ቄሳ ግዴዳ።

4 ኑ አዎቱዋ ካፑ አብራሃሞ ኦላን ኦሞዲደ፥ አሄዳዋፐ አስራታ እሜዳ ማልክ-ጸደቂ አይ ኬና ꬎቁ ግያዌንቶ በእተ። 5 ቄሳ ግድያ ሌዊያ ዛራቱ እስራኤልያ አሳፐ፥ ሄዌነ ባረንቱ ጋደ አሳፐ ሀራይ አቶ ኡንቱንቱ አብራሃሞ ዛረ ግዶፐነ፥ አስራታ አካና ማላ፥ ህግያን አዛዘቴድኖ። ፓይ. 18:21 6 ማልክ-ጸደቂ ሌዊያ ዛረ ግደና፤ ሽን አብራሃሞፐ አስራታ አኪደ፥ ጾሳይ እማና ጌዳዋ ናግያ አብራሃማ አንጄዳ። 7 ቃይ አንጅያዌ አንጀትያዋፐ ꬎቁ ግያዌ ፓሉንና።

8 እት ባጋና፥ ሀይቂያ አሳይ አስራታ ከሴ፤ ሽን ሀራ ባጋና ቃይ፥ ሀይቀና ጊደ ማርካትያ ኡራይ አስራታ ከሴ። 9 ሀዋዳን ሃሳያናዉ ሀራይ አቶ፥ አስራታ ከስያ ሌዊካ አብራሃሞ ባጋና አስራታ እሜዳ። 10 አያዉ ጎፐ፥ ማልክ-ጸደቂ አብራሃሞና ጋከትያ ዎደ፥ ሌዊ ብሮ የለትቤና፤ ሽን ባረ ዛርያ አብራሃማ ጉልባታን ደኤ።

11 እስራኤልያ አሳዉ ህጊ ሌዊያ *ሌዊያ፦ ሀ ሱንꬃ ጼሰትያዋንቱ ቄሳቱዋፐነ ኡንቱንታ ማድያዋንቱፐ ዶረቴዳዋንታ። ዘረꬃቱዋ ቄሰተꬃ ባጋና እመቴዳ። ሄ ቄሰተꬃ ኪታይ ባላይ ባይናዋ ግዶፐ፥ አሮናዋ ማላ ግደናን ማልክ-ጸደቃ ማላ ሀራ ቄሳይ ሱንታናዉ አያዉ ኮሺ? 12 አያዉ ጎፐ፥ ቄሰተꬃይ ላመትያ ዎደ፥ ህጊካ ቃይ ላመታናዉ ኮሼ። 13 ሀ የዉ ሃሳየቴዳ ኡራይ ሀራ ዛሪ፤ አ ዛርያፐ ኦንነ ያርሽያሳን ቄሳዳን ኦꬅቤና። 14 ኑ ጎዳይ ይሁዳ ዛርያፐ ዬዳዌ ኤረቴዳዋ ግድያ ድራዉ፥ ሙሴ ቄሳቱዋባ ሃሳዪደ፥ ሄ ዛርያባ አይነ ሃሳይቤና።

15 ማልክ-ጸደቃ ማላ ሀራ ቄሳይ ዬዳዋ ግድንቶ፥ ሀዌ አꬊደ ኤረታናዋ። 16 እ አሳ ህግያንነ ዎጋን ቄሳ ግድቤና፤ ሽን ዉረና ደኡዋ ዎልቃን ቄሳ ግዴዳ። 17 አያዉ ጎፐ፥ ጾሳ ማጻፋይ፥

20 ሄዋ ቦላን ቃይ ጾሳ ጫቁካ ደኤ፤ ሀራቱ ቄሳ ግዴዳ ዎደ፥ ሄዋ ማላ ጫቁ ባዋ። 21 ሽን የሱስ ጫቁዋን ቄሳ ግዴዳ፤ ጾሳይ አ፥

23 ካሰ ቄሳቱዋ ፓይዱ ጮራ፤ አያዉ ጎፐ፥ ኡንቱንቱ ኦꬃና ኦሱዋ ሀይቁ ድጌዳ። 24 ሽን የሱስ መꬍናዉ ደእያ ድራዉ፥ አ ቄሰተꬃይ ላመተና። 25 ሄዋ ድራዉ፥ እ ኡንቱንቱ ግሻታዉ ጋናታናዉ መꬍናዉ ደእያ ድራዉ፥ ጾሳኮ ባረ ባጋና ይያዋንታ ኡባቱዋ አሻናዉ ዳንዳዬ።

26 ኑዉ ጊግያ ሀዋ ማላ፥ ቄሳቱዋ ኡባቱዋ ካፑ ደአናዉ ኮሼ፤ እ ጌሻ፤ አን ገኒነ ካꬅያባይ ባዋ፤ ናጋራንቻቱዋና እ ጋከተና፤ ቃይ ꬎቃ ሳሉዋንካ እ ቦንቼቴዳ። 27 ሀራ ቄሳቱዋ ኡባቱዋ ካፓቱዋዳን፥ እ ኮይሮ ባረ ሁጰ ናጋራዉ ያርሺደ፥ ቃይ ጉየፐ አሳ ናጋራዉ ሀቼ ሀቼ ያርሻናዉ ኮሸና፤ እ ባረና ያርሼዳ ዎደ፥ ላኤንናን እት ገደ ያርሼዳ። ዎጋ 9:7 28 አያዉ ጎፐ፥ ሙሴ ህጊ ዳቡራንቻ አሳ ቄሳቱዋ ኡባቱዋ ካፑዋ ኦꬂደ ሱንꬄ፤ ሽን ጾሳይ እማና ጊደ ጫቄዳ ህግያፐ ጉየ ዬዳ ቃላይ መꬍናዉ ባላይ ባይናዋ፥ ጾሳ ናኣ ሱንꬄ።