1 ዮሴፎ ዘረꬃቱዋ ጋኬዳ ቢታይ ገድሳ ባጋና ያርኮ ካታማ ማታን ደእያ ዮርዳኖሳ ሻፋን ዶሜ፤ ያርኮ ፑልቶቱዋፐ አዋይ ዶልያ ባጋ ጋጻፐ ደንድ ቢደ፥ ባዙዋ አꬊደ፥ ገዝያ ፑደ ከሲደ፥ ቢደ ቤቴለ ጋኬ። 2 ቤቴለፐ ደንዲደ፥ አርከቱዋ ጋድያን ደእያ አጻሮታ ካታማ አꬊደ፥ ሎዛ ጋኬ። 3 ሄዋፐ አዋይ ዉልያ ባጋ ያፍሌጻቱ ጋድያ ዱገ ዎꬊደ፥ ህርክ ቤት-ሆሮና ግያ ሳና አꬊደ፥ ሄዋፐ ገዜራና ቢደ፥ ሜድትራነ አባን ዛዋቴ።

4 ዮሴፎ ዘረꬃ ግድያ ምናሰ ዛራቱነ ኤፍሬማ ዛራቱ ባረና ጋክያ ጋድያ ላቴድኖ።

5 ኤፍሬማ ዘረꬃ ኡንቱንቱ ያራን ያራን ጋኬዳ ቢታይ ሀዋ፤ ኡንቱንታ ጋኬዳ ጋድያ ዛዋይ አዋይ ዶልያ ባጋና ደእያ አጻሮት-አዳራፐ ደንዲደ፥ ቆሙዋ ቤት-ሆሮና አꬌ፤ 6 ሄዋፐ ስሚደ ሜድትራንያ አባን ዛዋቴ። ቃይ ሁጲሳ ባጋና ደእያ ዛዋይ ምክማታታፐ አዋይ ዶልያ ባጋ ታአናት-ሺሎኮ ስሚደ፥ አዋይ ዶልያ ባጋና ደእያ ያኖሀ ጋኬ። 7 ያኖሀፐ ዱገ አጻሮታነ ናአራታ ዎꬊደ፥ ያርኮ ጋኬ፤ ዉርሰꬃይ ዮርዳኖሳ ሻፋን ዛዋቴ። 8 ጋጻ ዛዋይ ታፑሀፐ ዶሚደ ቢደ፥ አዋይ ዉልያ ባጋና ደእያ ቃና ሻፋ ባዙዋ ኦይቂደ ቢደ፥ ሜድትራንያ አባን ዛዋቴ። ኤፍሬማ ዛራቱ ባረንቱ ያራን ያራን ላቴዳ ቢታይ ሀዋ። 9 ሄዌ ምናሰ ዛራቱዋ ጋድያፐ ኤፍሬማ ዛረቶ እሜዳ ካታማቱዋነ ኡንቱንቱ ሞꬃቱዋ ኡባ ጉጀናን ደእሺና። 10 ሽን ኤፍሬማ ዛራቱ ገዜራ ካታማን ደእያ ካናነ አሳቱዋ ከስበይክኖ። ያትና፥ ካናነ አሳቱ ሀቼ ጋካናዉ ኤፍሬማ ዛራቱዋ ግዶን ደኢኖ። ሽን ኤፍሬማ ዛራቱ ኡንቱንቱ አይለዪደ ኦስሲኖ። ዳና. 1:29