62
ህዶታይ ጾሳ ቦላ ጻላላን
ዳዊተ ዛማረቱዋ ካፑዋ ጁዱቶ የጼዳ ማዝሙርያ።
(1 ኦዱዋ 25:3)
1 ጾሳ ጻላላን ታን ሸምፑዋ ደማድ፤
ታ አቶተꬃይ አፐ ዬ።
2 አ ጻላላይ ታ ዛላነ ታ አቶተꬃ፤
እ ታን ቆሰታ አትያ ሳኣ ግድያ ድራዉ፥
አይነ ህርግከ።
3 ዎድያ ጎዳነ ቃጽያ ድርሳ ማላትያ አሳ ዎꬋናዉ፥
ህንተ አዉደ ጋካናዉ ደንዲቴ?
4 ኡንቱንቱ አ ቦንቾ ሳኣፐ
አ ዎꬃናዋ ጻላላ ኮዪኖ፤
ኡንቱንቱ ዎርዱዋን ናሸቲኖ።
ባረንቱ ዶናን አንጂኖ፤
ሽን ባረንቱ ዎዛናን ሸቂኖ።
5 ታ ሸምፓታ ጾሳ ጻላላን ሸምፑዋ ደማዱ፤
ታን ህዶታን ናግያዌ አፐ ዬ።
6 አ ጻላላይ ታ ዛላነ ታ አቶተꬃ፤
እ ታን ቆሰታ አትያ ሳኣ ግድያ ድራዉ፥
አይነ ህርግከ።
7 ታ አቶተꬃይነ ታ ቦንቹ ጾሳና፤
እ ታ ምኖ ዛላነ ታ ጌሱዋ።
8 አሳዉ፥ ኡባ ዎደ ጾሳን አማነትተ፤
እ ኑዉ ጌሱዋ ግድያ ድራዉ፥
ህንተ ዎዛና ቆፋ አዉ ኦድተ።
9 አሳይ ኡባይ እት ገደ ሸምፕያ ጫርኩዋ ማላ፤
ꬎቂና ዝቂና፥ አሳይ መላ።
ሚዛንያን ዎꬅናካ ኡንቱንቱ አይነ ዴጽክኖ፤
ኡንቱንቱ እት ገደ ሸምፕያ ጫርኩዋፐካ ካዉሺኖ።
10 ማካላን ሺሾዋን አማነቶፕተ፤
ዉእ ሺሺደ ዱረታናዉ ሀልቾፕተ።
ህንተ ዱረተꬃይ ዳሮፐካ፥
ህንተ ዎዛና አ ቦላ ዎꬆፕተ።
11 ጾሳይ እት ገደ ኦዴዳ፥ ታን
ላኡ የዉዋ ስሳድ፤ “ዎልቃይ ጾሳሳ።
12 አገና ሲቁ ጎዳዋ” ያጌዳ። ኢዮባ 34:11፤ ኤር. 17:10፤ ማቶሳ 16:27፤ ሮመ 2:6፤ ሳፃ 2:23
አቤት ጾሳዉ፥ ኔን አሳ ኡባዉ
አ ኦሱዋዳን ኦሱዋዳን ዛራና። 1 ሳሜላ 23:14