ጌሻ ማጻፋ ማዝሙርያ 112

112

ሎኦ አሳ ናሸቻ

1 መꬍና ጎዳ ጋላትተ! መꬍና ጎዳዉ ያይያነ፥

አ አዛዙዋ ፖላናዉ ዳሮፐ ናሸትያ አሳይ፥

አንጀቴዳዋ።

2 አ ናናቱ ቢታን ዎልቃማ ግዳና፤

ሱረ አሳቱዋ የለታይ አንጀታና።

3 ሻሉነ ዱረተꬃይ አ ጎልያን ደኤ፤

አ ጽሎተꬃይካ መꬍናዉ ደአና።

4 ሱረ አሳዉ፥

ኬካ፥ ጽሎነ ቃረትያ አሳቶ፥

ꬉማ ግዶን ፖኡ ፖኤ።

5 ኬካተꬃን ጮ ታልእያ ኡራዉ፥

ባረ ኦሱዋ ሱረተꬃን ኦꬅያ ኡራዉ፥

ኬካባይ ያና።

6 ጽሎ አሳይ አዉደነ ኩንደና፤

መꬍናዉ እ ሀሳየታና።

7 ኢታባ እ ስሶፐካ ዳጋመና፤

አያዉ ጎፐ፥ አ ዎዛናይ ቃጸና፤

መꬍና ጎዳን እ አማነቴ።

8 አ ዎዛናይ ጻላ ግድያ ድራዉ፥

ኡባካ እ ያየና፤

ዉርሰꬃን ባረ ሞርከቱ ጾነትና በአና።

9 እ ህዬሳ አሳዉ ዳርሲደ እሜዳ፤

ቃይ አ ጽሎተꬃይ መꬍናዉ ደኤ፤

አ ካጪ ቦንቹዋን ꬎቁ ጌ።

10 ኢታ አሳይ ሄዋ በኢደ ይሎቴ፤

አቻ ጋርጪደ፥ ጮ ꬋዬ።

ኢታ አሳ አሙ ጮ አታናዋ።

112:9 2 ቆሮ. 9:9