122
የሩሳላምዉ ሺቄዳ ሳባ
ፑደꬃ ከሲደ የጼዳ የꬃ፥ ዳውት ጻፌዳዋ
1 ኡንቱንቱ ታና፥ “አነ መꬍና ጎዳ ጎልያ ቦይተ” ያግና፥
ታን ናሸታድ።
2 ኔኖ የሩሳላመ ካታማቴ፥
ኑን ነ ፐንገቱዋና ገሊደ ኤቄዶ!
3 የሩሳላመ ካታማይ፥
ዳንቲደ ምን ኬጸቴዳ ካታማ።
4 መꬍና ጎዳ አዋዩዋዳን፥
እስራኤልያ ዛራቱ፥
መꬍና ጎዳ ጋላታናዉ ይያ ካታማይ ሀዋ።
5 ዳዊታ ዘረꬃፐ ካተቴዳዋንቱ
ባረንቱ አሳዉ ፕርዳናዉ ያን ኡቴድኖ።
6 የሩሳላመ ሳሮተꬃዉ
ሀዋዳን ያጊደ ዎስተ፤
“ኔና ሲቅያዋንቶ
ኡንቱንቱ ኦꬅያዌ ኡባይ ሱሮ!
7 ነ ግምበቱዋ ግዶን ሳሩ ደኦ!
ነ ጌሳቱዋካ ቦችያባይ ꬋዮ!” ያጊደ ዎስተ።
8 ታ እሻቱዋነ ታ ዳቦቱዋ ድራዉ ጋደ፥
“ነ ግዶን ሳሩ ደኦ!” ያጋይ።
9 መꬍና ጎዳ ኑ ጾሳ ጎልያ ድራዉ ጋደ፥
ታን የሩሳላመ ዱረታናዉ ዎሳና።