132
ጌሻ ጎልያ ሳባናዉ ሺቆ ማዝሙርያ
ፑደꬃ ከሲደ የጼዳ የꬃ
1 አቤት መꬍና ጎዳዉ፥
ዳዊታነ እ ዳንዳዬዳ መቱዋ ቆፓ።
2 መꬍና ጎዳዉ እ ጫቄዳዋ፥
ያቆባ ጾሳዉ፥ ዎልቃማዉ
እ ሀዋዳን ያጊደ ገፔዳዋ ሀሳያ፤
3 “ሀዋፐ ጉይያን ታን ታ ጎለ ገልከ፥
ዎይ ታ ሂጻን ግስከ።
4 ታን ታ አይፍያ ጪልምከ፥
ዎይ ገምእሽከ።
5 ሄዌነ፥ ታን መꬍና ጎዳዉ ሳኣ፥
ያቆባ ጾሳዉ፥ ዎልቃማዉ
ደኢያሳ ጊግሳና ጋካናሳ” ያጌዳ።
6 ሄኮ፥ ኑን ታቦታባ፥
ቤተሌመን ስሴዶ፤ 2 ኦዱዋ 6:41-42
ይኣሪማ ግያ ቢታን አ ኑን ደሜዶ።
7 ኑን፥ “አነ እ ደኢያሳ ቦይተ፤
አ ገዲ የꬍያሳን ጉፋኒደ፥
አዉ ጎይኔቶ” ያጌዶ።
8 አቤት መꬍና ጎዳዉ፥ ደንዳ!
ነ ምኖተꬃዉ ማላ ግድያ ነ ታቦታና፥
ነ ጌሻ ጎልያ ገላደ ደአ።
9 ነ ቄሳቱ ጽሎተꬃ ማይኖ፤
ነ አሳቱ ናሸቻዉ የጽኖ።
10 ነ ቆማ ዳዊታ ድራዉ፥
ኔን ኦኬዳ ካትያ አጎፓ።
11 መꬍና ጎዳይ ዳዊታዉ ላመተና ጫቁዋ
ሀዋዳን ያጊደ ጫቄዳ፤ 2 ሳሜላ 7:12-16፤ 1 ኦዱዋ 17:11-14፤ ማዝ. 89:3-4፤ ኪታ 2:30
“ነ ጉልባታፐ የለቴዳ ነ ናናቱዋፐ እቱዋ
ታን ካዉꬃና።
12 ነ ናናቱ ታ ጫቁዋነ
ታን ታማርስያ ትምርትያ ናጎፐ፥
ኡንቱንቱ ናናቱካ ነ ካዉተꬃ አራታን መꬍናዉ ኡታና” ያጌዳ።
13 መꬍና ጎዳይ ጽዮነ ዶሬዳ፤
ባረዉ ደኢያሳ ኦꬃናዉካ አሞቲደ፥
ሀዋዳን ያጌዳ፤
14 “ሀዌ ታዉ መꬍናዉ ደእያ ሳኣ፤
ታን አሞቴዳ ድራዉ፥ ሀዋን ኡታና።
15 ታን ዳሮ ካꬃ እማደ ጽዮኖ አንጃና፤
እዝን ደእያ ህዬሳቱዋካ ቁማ ካልሳና።
16 እዝን ደእያ ቄሳቱ ዋካ
ታን አቶተꬃ ማይዛና፤
እዝን ጾሳ አሳቱካ ናሸቻዉ የጻና።
17 “ሀ ሳኣን፥
ዳዊታ ዘረꬃፐ እቱዋ ካዉꬃና፤1 ካታ. 11:36
ታን ኦኬዳ ካትያ ካዉተꬃ ጋምኤꬃና።
18 ታን አ ሞርከቱዋ ዬላ ማይዛና፤
ሽን አ ሁጲያን ደእያ ካዉተꬃ ካላቻይ ጶላና” ያጌዳ።