አ ሳቢያዌ ናሸችያባነ በስያዋ።

እስራኤልያ አሳቱዋፐ በቴዳዋንታካ ሺሻና።

ኡንቱንቱ ማዱꬃካ እ ቃቼ።

ኡንቱንቱ ፓይዱዋን ኤሬ፤

ኡንቱንታ ኡባካ ኡንቱንቱ ሱንꬃን ሱንꬃን ጼሴ።

አ አኬካይ ልክያፐ አꬍያዋ።

ሽን ኢታቱዋ ቢታን ዱገ ኦሌ።

ኑ ጾሳዉ ዲꬃ ዲጽተ።

ሳአዉ እራ ቡክሴ፤

ቄሪ ደረቱዋ ቦላ ማታ ሞክሴ።

ምያዋ እ እሜ።

ቶራንቻቱ ምኖተꬃን ግደና።

አገና አ ሲቁዋን፥

ባረንቱ ህዶታ ዎꬄዳዋንቱን ናሸቴ።

ጽዮኔ፥ ነ ጾሳ ጋላታ!

ነ ፐንግያ ኩልባቱዋ ምንሴ፤

ነ ግዶን ደእያ ነ አሳካ አንጄ።

ኔና ሎይꬅ ሎእያ ዛርጋ ካልሴ።

አ ቃላይካ ኤለ ጋኬ።

ከተርሳ ብድንꬃዳን ላሌ።

ሹቻዳን ዱገ ኦሌ።

ሻቻ ሙሽሴ።

ባረ አዋዩዋነ ፕርዳ

ሀዋ ኦꬅቤና፤

ኡንቱንቱ አ ፕርዳ ኤርክኖ።

መꬍና ጎዳ ጋላትተ!