6
Un"o Wodiyaan Shiik'eedda Woosaa
Zammaaretuwaa Kaappoo Diitsatuwaan Yes'etteedda, Daawita Mazimuriyaa
1 Abeet Med'inaa Godaw, ne hank'k'uwaan taana seeroppaarikkii;Maz. 38:1
woy ne yiluwaan taana muroppaarikkii.
2 Abeet Med'inaa Godaw, taani labbanneedda diraw,
taana maaraarikkii.
Abeet Med'inaa Godaw, ta wozanay madus's'o diraw, taana patsa.
3 Ta shemppatta daroppe un"ettaaddu;
shin S'oossaw, taana maaddanaw neeni awude gakkanaw gam"ay?
4 Abeet S'oossaw, neeni simmaade, taana ashsha;
ne maarotaa daruwaan taana kessa akka.
5 Hayk'k'eedda uray ooninne neena hassayenna;
duufuwaan neena galatiyaawe baawa.
6 Taani ooliyaan daaburaad;
K'amma ubbaan taani yeekkaade, ta hiis'aa irs's'issaad;
ta borkkotsaakka ta afotsaan muusuud'issaad.
7 Ta morkkatuwaa ubbaa gaasuwaan taani afos's'eedda diraw,
ta ayifii galjjeedda;
ta ayifii demmennaan is's'eedda.
8 Med'inaa Goday taani yeekkiyaa yeekuwaa siseedda diraw,
Hinttenoo, iitaa ootsiyaa ubbatoo,
gede taappe shaakettite.Mat. 7:23; Luk'. 13:27
9 Med'inaa Goday ta watiwatuwaa siseedda;
Med'inaa Goday ta woosaanne sisee.
10 Ta morkke ubbatuu yeellatinonne tuggatino.
Unttunttu k'oppennaan yeellatiide, guyye simmino.