8
S'oossaa Anggay Med'etaa Bollan
Zammaaretuwaa Kaappoo Suusullatuwaan Yes'etteedda, Daawita Mazimuriyaa.
1 Abeet Med'inaa Godaw, nu S'oossaw,
ne suntsay sa'aa ubbaa bollan ayaa bonchchetteeddeeshsha!
Neeni ne bonchchuwaa salotuwaappe bollan
d'ok'k'u d'ok'k'u ootsa wotsaadda.
2 Neeni ne morkkatuwaa diraw,
Ne baaligaaraanne new manddiyaawaa sirp'p'i ootsanaw,
guutsa naanatuwaa doonaan
d'ammiyaa naanatuwaa doonaan galataa kuntsaadda.Mat. 21:16
3 Neeni ne birad'd'etuwaan med'd'eedda ne salotuwaa,
Sa'aan sa'aan neeni wotseedda aginaanne
s'oolinttetuwaa taani be'iyaa wode,
4 neeni asaabaa k'oppanaw Asay ayee?Yob. 7:17-18; Maz. 144:3; Ibr. 2:6-8
Woy neeni aw hirgganaw I ayee?
5 Aa neeni S'oossaappe amareedawaa guutsaadda;
Bonchchuwaanne gitatetsaa kalachchaa Aa huup'iyaan wotsaadda.
6 Aa neeni ne med'd'eedda med'etetsaa ubbaa bollan
mooddiyaawaa ootsaade suntsaadda;1 K'or. 15:27; Efe. 1:22; Ibr. 2:8
ubbabaa Aa gediyaappe garssanna wotsaadda.
7 Dorssatuwaanne booratuwaa, sa'aa do'atuwaanne,
8 saluwaa kafotuwaa, abbaa moletuwaanne,
abbay goggiyaasan wad'd'iyaawantta ubbaakka
Aa moodissaadda.
9 Abeet S'oossaw, nu S'oossaw, ne suntsay
sa'aa ubbaan ayaa bonchchetteeddeeshsha!