15
S'oossay Asaappe Koyiyaawe Ayee?
Daawita mazamuriyaa
1 Abeet S'oossaw, ne dunkkaaniyaan gam"anawe oonee?
Ne geeshsha deriyaan neenana de'anawe oonee?
2 Suure de'uwaa de'iyaawaa,
S'illobaa ootsiyaawaa,
bare wozanaappe tumuwaa haasayiyaawaa,
3 hara asaa suntsaa bayzzenawaa,
Bare laggiyaa bolla iitabaa ootsennawaa,
bare shooruwaa zigirennawaa;
4 Med'inaa Godaan is's'etteedda asatuwaa kad'iyaawe,
Shin S'oossaw yayyiyaa asatuwaa bonchchiyaawe,
bare c'aak'k'eeddawaa ayaa dees'inakka poliyaawe,
5 bare miishshaa dichchaw immennawe,
S'illo asatuwaa k'ohanaw
mattaayiyaa akkenawe.
Ha yewotuwaa ootsiyaawe,
med'inawukka k'aas's'enna.