82
S'oossay Ubbaappe Bolla
Asaafa mazamuriyaa
1 S'oossay saluwaa shiik'uwaa shiishshee.
S'oossatuwaa giddon hawaadan yaagiide pirddee;
2 «Hintte awude gakanaw geella pirddaa pirddiitee;
laa"entso iitatuwaa bagga gidoppite.
3 Hiyyeesatoonne aawuu bayinnawanttoo mootettite;
mank'k'onne naak'etteedda asatuwaa maataa naagissite.
4 Daaburanchchatuwaanne metootanchchatuwaa ashshite;
iitatuwaa kushiyaappe unttuntta wotsi akkite.
5 «Hintte ayinne erikkitanne ayinne akeekikkita;
hintte d'uman hamettiita.
S'illotetsay d'ayina, biittay yiik'k'iyiik'k'ee.
6 Taani hinttena, ‹Hintte s'oossatuwaa;Yoh. 10:34
hintte ubbaykka Ubbaappe D'ok'k'iyaa S'oossaa naanatuwaa.
7 Gidooppenne, hintte Asay hayk'k'iyaawaadan hayk'k'ana.
K'ay hara kaappatuu kunddeeddawaadan,
hinttekka kunddana› yaagay» yaagee.
8 Abeet S'oossaw, dendda; sa'aa pirddaa;
kawutetsay ubbay newaa.