87
Yerusaalame Sabaa
K'oraaha naanatuwaa mazamuriyaa
1 Med'inaa Godaa katamay geeshsha deriyaan kees'etteedda.
2 Med'inaa Goday S'iyoone penggetuwaa,
Yaak'oobi de'iyaa sa'aa ubbaappe aatsiide dosee.
3 Hanee S'oossaa katamatee,
ne diraw bonchchetteeddabay,
hawaadan yaagi odettee:
4 «Taana eriyaa kawutetsatuwaa gidoppe,
Gibs'enne Baabloone gatsa mazggobana;
Piliss's'eeme, S'iiroosenne Toop'p'iyaa asay,
yaan yeletteeddino.»
5 S'oossay, «Kawutetsaa ubbay S'iyoonen yeletteeddawaa» yaagana.
Ubbaappe D'ok'k'iyaa S'oossay izo minisana.
6 Med'inaa Goday asaa s'aafiyaa mazggobiyaan,
«Hawe S'iyoonen Yeletteeddawaa» yaagiide s'aafana.
7 Unttunttu yes's'iide duriidde,
«Nu anjjuu ubbay S'iyooneppe pulttee» yaagana.