99
S'oossay S'illuwaanne Geeshsha
1 Med'inaa Goday kawuteedda!Kes. 25:22 Hewoo asatuu kokkorino.
Kiruubetuwaappe gidduwaan kawutetsaa araataa bolla utteedda;
hewoo biittay k'aas's'o;
2 Med'inaa Goday S'iyoonen wolk'k'aama;
kawutetsaa ubbaappe I d'ok'k'u d'ok'k'u geedda.
3 Daroppe yashshiyaa Aa wolk'k'aama suntsaa,
unttunttu ubbay galatino.
I geeshsha!
4 Neeni, wolk'k'aama kaatii, likke pirddaa dosaasa.
Neeni Yaak'ooba asaw suuretetsaa minisaadda.
S'illotetsaanne likke pirddaa essaadda.
5 Med'inaa Godaa nu S'oossaa d'ok'k'u d'ok'k'u ootsite;
Aa gedii yed'd'iyaasaan guufanniide aw goyinnite.
I geeshsha!
6 Musenne Aaroone Aa k'esetuwaa gidduwaappe laa"atuwaa;
Sameelikka Aa suntsan woosseeddawanttuppe ittuwaa.
Unttunttu Med'inaa Godaw waasseeddino;
ikka unttunttoo alleeda.
7 I shaariyaa tuussaa gidduwaana unttunttoo haasayeedda;Kes. 33:9
unttunttu I immeedda higgiyaanne wogaa naageeddino.
8 Abeet Med'inaa Godaw, nu S'oossaw,
neeni unttunttu woosaa sisaadda.
Neeni unttunttu iitatetsaa diraw mureeddawaa gidooppekka,
unttunttoo atto geedda S'oossaa.
9 Med'inaa Godaa nu S'oossaa, d'ok'k'u d'ok'k'u ootsite;
Aa geeshsha deriyaa bollan aw goyinnite;
ayaw gooppe, Med'inaa Goday nu S'oossay geeshsha!