124
S'oossay Israa'eeliyaa Ashiyaawaa
Pudetsaa kesiidde yes's'eedda yetsaa, Daawite s'aafeeddawaa
1 Med'inaa Goday nu bagga gidennentto, nuuni waananeeshsha?
Israa'eeliyaa asatuu zaaruwaa hawaadan yaagiide zaariino;
2 «Med'inaa Goday nu bagga gidennentto,
nu bollan Asay denddeedda wode,
3 unttunttu nu bollan hank'k'uwaa suulliide,
nuuna pas'a mittana shin.
4 Di'uu nuuna meec'c'iide;
shaafaa haatsay nuuna muukkana shin;
5 kuntso haatsay nuuna maana shin» yaagino.
6 Nuuna nu morkkatuwaa matan,
s'oonissibeenna Med'inaa Goday galatetto.
7 Nuuni shankkanchchatuwaa p'iriyaappe,
kafuu kessi akkiyaawaadan kessi akkeeddo.
P'irii me"eedda, nuunikka kessi akki atteedo!
8 Nu maaduu
saluwaanne sa'aa med'd'eedda Med'inaa Godaa suntsaappe yee.