5
Yawe Yɛnŋɛlɛ li ɛrɛzɛn kɛɛrɛ kala
1 Yege yaga mbe yurugo kɔ na wɔnlɔ wi kan,
mi yɛn na jaa mbege yurugo ki kɔ na ndanlafɔ wi kan wi ɛrɛzɛn kɛrɛ ti wogo na.
Ɛrɛzɛn kɛrɛ tà la pye na ndanlafɔ wi yeri yanwiga tigiwɛn pa na, tara tanra ta na.
2 A wì sigi laga ki tugu maga sinndɛɛrɛ ti wɔ,
mɛɛ ɛrɛzɛn tiire jɛndɛ sanri wa ki ni.
A wì si kɛrɛ sigewe gbata titɔnlɔwɔ wa kan wa kɛrɛ ti nandogomɔ,
ma wege wɔ ma ɛrɛzɛn pire ti tɔnmɔ wɔsaga ki gbegele wa.
Wìla pye naga sɔnri ndɛɛ kɛrɛ ti yaa ɛrɛzɛn pire jɛndɛ sɛ wi kan,
ɛɛn fɔ, a tì si kaa ɛrɛzɛn pire tijangara sɛ†5.2: Mati 21.33; Maki 12.1; Luki 20.9.
3 Koni, yoro Zheruzalɛmu ca woolo naa Zhuda tara woolo,
mi yɛn na ye yɛnri fɔ ye kiti wi kɔn mi naa na ɛrɛzɛn kɛrɛ ti ni we sɔgɔwɔ.
4 Yiŋgi kì koro mbe pye na ɛrɛzɛn kɛrɛ ti kan,
ŋga mi si pye ti kan?
Mìla pye naga sɔnri ma yo tila pire jɛndɛ sɛni,
yiŋgi na, a tì si pire tijangara sɛ?
5 Koni ŋga mi yaa pye na ɛrɛzɛn kɛrɛ ti na,
mi yaa ki yo ye kan.
Jasa ŋa mìla le mari maga, mi yaa wi kɔlɔgi,
jaŋgo yaayoro tiri ka.
Mbogo ŋga ki yɛn mari maga, mi yaa ki jan,
jaŋgo leele paa ti tangala.
6 Mi yaa ti jɔgɔ mberi yaga waga;
lere se ka ta mberi yaanla, mberi nɔgɔ ki fali naa.
Yantiire naa wuuro ti yaa fi wa ti ni.
Mi yaa kaga yo kambaara ti kan fɔ tiga ka ti tisaga mbe pan ti na.
7 Yawe Yɛnŋɛlɛ na yawa pi ni fuun fɔ li ɛrɛzɛn kɛrɛ to ti yɛn Izirayɛli woolo wele;
Zhuda tara woolo poro pe yɛn ɛrɛzɛn kɛrɛ nda ti yɛn mali ndanla we.
Làa pye naga sɔnri pe yaa la tanri kaselege na,
ɛɛn fɔ kambasinnde to pàa pye na piin,
làa pye naga sɔnri pe yaa la tanri kasinŋge na,
ɛɛn fɔ pe yɛn na mbele tege, pe gbeere to ti yɛn na yinrigi wa†5.1-7: Ɛrɛzɛn kɛrɛ sɛnrɛ nda tì yo ti yɛn na para Yɛnŋɛlɛ li woolo poro sɛnrɛ na; Eza 3.14; 27.2-7; Zhere 12.10; Eze 17.6; Oze 10.1; Yuuro 80.9-17; Mati 20.1; 21.33; Zhan 15.
Jɔlɔgɔ yɛn kambasinnde pyefɛnnɛ
pe wogo
pe wogo
8 Jɔlɔgɔ yɛn ye wogo, yoro mbele ye maa yinrɛ kanni nari tagala yinrɛ na,
na kɛɛrɛ shoo nari tagala kɛɛrɛ na,
fɔ laga ka kpɛ si koro naa,
mbe ti yoro cɛ mbe cɛn laga tara ti ni.
9 Wuguro sɛnrɛ nda to Yawe Yɛnŋɛlɛ na yawa pi ni fuun fɔ lì le na nuŋgbolo ma yo fɔ:
«Ki woro nala kɔɔn shyɛn, ki yinrɛ lɛgɛrɛ nda ti yaa ka tɔngɔ mbe wɔ wa,
ki yinrɛ tugbɔɔrɔ tiyɔnrɔ nda ti yaa ka koro waga,
lere se ka pye mbe cɛn wa ti ni.
10 Ɛrɛzɛn kɛrɛ ɛkitari taanri, ki ɛrɛzɛn pire tɔnmɔ pe kaa wɔ, pi se toro litiri nafa shyɛn ma yiri kɛ na,
yariluguro ti culo cɛnmɛ pe kaa lugu, ki yarilire tiga ka kɔn, ti se toro culo kɛ na.»
11 Mbele pe ma yiri yirifaga na,
na fee sinmɛ wɛlɛwɛ pi puŋgo na,
jɔlɔgɔ yɛn pe wogo;
poro mbele yige ki ma saa lɛ mbe pe ta pe yɛn ma tin duvɛn wi ni we.
12 Pe maa pe sinndire ti piin na ŋgɔni, naa juru konaa pimbigile gbɔɔn, na wegele wiin,
na duvɛn wi woo wa pe liwɛn gbɔɔ lara ti ni.
Ɛɛn fɔ paa la Yawe Yɛnŋɛlɛ li kapyegele ke jate,
paa la li kɛɛ yɔnlɔ tunŋgo ki yaan.
13 Ki kala na, pe yaa na woolo pe yigi mbe kari pe ni kulowo ni,
pe kambajɛnmɛ pi kala na.
Pe legbɔɔlɔ pe yaa kaa kuun fuŋgo ki kɛɛ,
wɔgɔ ki yaa kaa pe janwa woolo pe kuun.
14 Ki kala na, kuulo tara tìri yɔn ki yɛngɛ gbegbeŋge,
tìri yɔn ki yɛngɛ maga piyɛɛlɛ kɔnlɔ fu,
pe legbɔɔlɔ poro naa ca ki janwa woolo pe yaa tigi wa ti ni,
mbe pinlɛ pe tinmɛ gbɔɔ naa pe yɔgɔrimɔ pi ni.
15 Ki kala na, sɛnwee pyɔ wi yaa ka go sogo,
sɛnwee wi yaa ka tirige,
mbele pe maa yɛgɛ tungu leele na, pe yaa ka go sogo.
16 Yawe Yɛnŋɛlɛ na yawa pi ni fuun fɔ li yaa ka gbɔgɔwɔ ta li kaselege ki fanŋga na,
Yɛnŋɛlɛ na li yɛn kpoyi, li yaa kaga naga fɔ li yɛn kpoyi kasinŋge ki fanŋga na.
17 Simbaala pele yaa ka saa kaa wa ca ki kataga ki ni paa yaayoro kasaga yɛn;
penjagbɔrɔ fɛnnɛ pe lara nda tì tɔngɔ, to ti yaa pye sikapire ti kasara.
18 Leele mbele fuun pe ma yagbogowo pi pye paa maŋga yɛn ma pɔ kambasinŋge ki na,
na kapege ki tile pe yɛɛ puŋgo na, paa pe ma kaa wotoro pɔ shɔn na maŋgala ŋgbangala ni, jɔlɔgɔ yɛn pe wogo.
19 Pe maa yuun fɔ: «Yɛnŋɛlɛ ligi pye fyaw ye,
lili kapyegele ke pye fyaw, jaŋgo we ke yan.
Izirayɛli Yɛnŋɛlɛ kpoyi lì kagala ŋgele kɔn ma tɛgɛ mbe pye,
li ke pye li ke yɔn fili fyaw,
jaŋgo wege jɛn.»
20 Leele mbele pe maa kapege ki yinri kajɛŋgɛ,
na kajɛŋgɛ ki yinri kapege, jɔlɔgɔ yɛn pe wogo!
Poro mbele pe ma yanwa pi pye diwi
mbe diwi wi pye yanwa,
mbe yaritisorogo ki pye mbe yo kì tanla,
mbe yaritanga ki pye mbe yo kì sori.
21 Leele mbele pe maa pe yɛɛ jate kajɛnmbɛlɛ,
konaa na pe yɛɛ yaan tijinliwɛ fɛnnɛ, jɔlɔgɔ yɛn pe wogo!
22 Leele mbele pe maa pe yɛɛ jate pe yɔngɔ woro wa duvɛn wɔgɔ ki na,
mbele pe maa sinmɛ wɛlɛwɛ pi pinlɛlɛ pi yɛɛ ni, mbe pe yɛɛ wɛri, jɔlɔgɔ yɛn pe wogo!
23 Pe ma tanga ki kan jɔgɔfɔ wi yeri yarikanga na,
mbe tanga ki shɔ lesinŋɛ wi yeri.
24 Ki kala na, kasɔn yinnɛ li ma yan waga ki sogo yɛgɛ ŋga na,
kasɔn yinnɛ li ma yan sigire ti sogo mberi kɔ yɛgɛ ŋga na,
ki pyelɔmɔ nuŋgba pi na fun, pè ndire nda kan ti yaa ka fɔngɔ,
tifɛlɛgɛ yaa ka pe yarifyɛɛnrɛ ti lɛ mbe kari ti ni paa gbanŋgban yɛn;
katugu pè je Yawe Yɛnŋɛlɛ na yawa pi ni fuun fɔ li lasiri wi na,
pè Izirayɛli Yɛnŋɛlɛ na kpoyi li sɛnrɛ ti tifaga.
25 Ki kala na, Yawe Yɛnŋɛlɛ lì nawa ŋgban li woolo pe ni fɔ jɛŋgɛ,
lìli kɛɛ ki yirige pe na ma pe gbɔn.
Yanwira tì tigile;
pe gboolo pe yɛn na tuunri wa ca nawa koŋgolo ke ni paa kayangara yɛn.
Konaa ki ni fuun, li naŋgbanwa pi fa sogo li na gbɛn,
li kɛɛ ki yɛn ma yirige pe na bere.
Yɛnŋɛlɛ lì cɛngɛlɛ kele yɛgɛ yeri
ma wa Izirayɛli woolo pe na
ma wa Izirayɛli woolo pe na
26 Yawe Yɛnŋɛlɛ li yaa dirapo wa yirige mboo naga taleere woolo pele na;
li yaa wofele win mbe pe yeri, mbe yiri fɔ wa dunruya wi go ka na.
Pe mbele pe yɛn na fyɛɛlɛ na paan.
27 Pe ni, wa kpɛ si te, wa kpɛ si kurugo mbe to,
wa kpɛ woro na wɔnlɔ na tingi, wa kpɛ woro na wɔnlɔ,
wa kpɛ suu kurusijara wi sanga,
wa kpɛ sawira manda si sangala.
28 Pè pe wangala ke yɔnrɔ ti wɔwɔ,
ma pe sandira ti ni fuun ti wangala ke taga mbe wɔn;
pe shɔnye pe yenjoro tì sheli paa sinndɛɛrɛ yɛn,
pe malaga gbɔnwotoroye pe ŋgeere tì wege paa tifɛlinjolo yɛn.
29 Ti yɛn na tinmɛ yinrigi paa jara nɔ ma kaa na kuunru we,
pe yɛn na gbele paa jara yirifɔnmbɔlɔ yɛn;
pe yɛn na jɛngɛri, ma pe kagboro ti yigi na kee ti ni,
lere se ya mberi shɔ pe yeri.
30 Ko pilige ko ni, tinmɛ gbɔɔ pa yaa yiri ki tara nda ti go na,
paa kɔgɔje tinmɛ gbɔɔ pi yɛn.
Na maga ka tara ti wele, diwi naa jɔlɔgɔ ma yaa yan;
kambaara wɔrɔ ta yaa ka pan, mbe yanwa pi tɔn, mbe laga ki pye diwi.