54
Yɛnŋɛlɛ yɛnrɛwɛ
lɔɔn shɔ juguye pe kɛɛ
lɔɔn shɔ juguye pe kɛɛ
1 Yurukɔɔlɔ to wi sɛwɛ yurugo, ŋga pe maa koo na ŋgɔni gbɔɔn. Davidi nagawa yurugo.
2 Naa Zifu ca woolo pàa saa ki yo wunlunaŋa Sawuli wi kan ma yo fɔ Davidi wi yɛn ma lara wa pe yeri, a Davidi wì sigi yurugo ki kɔ ma yo fɔ†54.2: 1 Sami 23.15-28; 26.1:
3 E, Yɛnŋɛlɛ, na shɔ ma mɛgɛ ko kala na,
na kiti kala li yɛgɛ wɔ, ma tanga kan na yeri ma yawa gbɔɔ pi fanŋga na!
4 E, Yɛnŋɛlɛ, na yɛnrɛwɛ pi logo!
Nuŋgbolo jan mala yɔn sɛnrɛ ti logo!
5 Katugu nambanmbala†54.5: Pele naga jate ma yo nambanmbala mbele pe sɛnrɛ tì yo laga ki laga ŋga ki ni, Zifu ca woolo poro la wɛlɛ. Pàa Davidi wi fanla. pèle yiri na kɔrɔgɔ,
lewɛlimbɛlɛ pèle yiri nala lagajaa mbanla gbo.
Ki leele pe woro na Yɛnŋɛlɛ li jate.
Wɔnmatigiwɛn laga.
6 Ɛɛn fɔ, wele, Yɛnŋɛlɛ lo li yɛn na sagafɔ we,
We Fɔ wo wi yɛn na kɛɛndagaserege ye.
7 Yɛnŋɛlɛ sa ti jɔlɔgɔ ki sɔngɔrɔ ki to na juguye pe na!
Ma yɛn sɛnrɛ nuŋgba yofɔ yɛgɛ ŋga na, ki naga na na ma pe tɔngɔ ma pe wɔ wa!
8 Mi yaa ka saara wɔ ma yeri nandanwa ni.
Yawe Yɛnŋɛlɛ, mi yaa lɔɔn mɛgɛ ki sɔnni yuuro ni,
katugu ma yɛn ma yɔn.
9 Màla shɔ na jɔlɔgɔ kagala ke ni fuun ke ni.
Koni mi yɛn naga yaan nayinmɛ ni fɔ yawa ta na juguye pe na.