76
Yɛnŋɛlɛ lo li yɛn cew tafɔ
1 Yurukɔɔlɔ to wi sɛwɛ yurugo, ŋga pe maa koo na ŋgɔni gbɔɔn. Asafu Yɛnŋɛlɛ gbɔgɔyurugo. Yurugo.
2 Zhuda tara woolo pè Yɛnŋɛlɛ li jɛn,
li mɛgɛ ki yɛn ma gbɔgɔ wa Izirayɛli tara ti ni.
3 Li paraga go ki yɛn ma kan wa Salɛmu†76.3: Zheruzalɛmu ca ko nuŋgba ko pe maa yinri Salɛmu. ca;
li cɛnsaga ki yɛn wa Siyɔn ca.
4 Pa làa juguye pe sandiga wangala kasɔn wogolo ke kaari wa ki laga ki na,
naa pe tugurɔn sigeyaara ti ni, naa tokobiye konaa maliŋgbɔnyaara sannda ti ni.
Wɔnmatigiwɛn laga.
5 E, Yɛnŋɛlɛ, ma gbɔgɔwɔ yanwa naa ma tiyɔnwɔ pi ni,
tì wɛ yanwira tugbɔɔrɔ nda tì da maga lɛ wa fafafa ti na†76.5: Ŋga kì yo fɔ: Yanwira tugbɔɔrɔ nda tì da maga lɛ wa fafafa, wa Yɛnŋɛlɛ sɛnrɛ sɛwɛ ŋa wi yɛn girɛki sɛnrɛ ni wi ni, ki yɛn ma yɔnlɔgɔ ma yo fɔ: Yarijɛndɛ kolifɛnnɛ yanwira. Eburuye sɛnrɛ ti ni, ki sɛnrɛ ti woro ma filige..
6 Yɛnŋɛlɛ lì maliŋgbɔɔnlɔ kotogofɛnnɛ pe kɛɛ yaara ti koli pe yeri;
pe yɛn na wɔnlɔ, pe se ka yɛn naa.
Ki maliŋgbɔɔnlɔ kotogofɛnnɛ pe ni fuun wa kpɛ si ya mbe kɛɛ yirige mbe kala la kpɛ pye.
7 Zhakɔbu Yɛnŋɛlɛ, naa mà pe figiri,
shɔn lugufɛnnɛ konaa shɔnye pè si toori, fɔ a pe yɛgɛ wɔ pe na.
8 Mboro Yɛnŋɛlɛ, ma yɛn fyɛrɛ yaraga gbɔgɔ,
na ma nawa piga ŋgban, ambɔ wi mbe ya yere ma yɛgɛ?
9 Mà koro wa yɛnŋɛlɛ na ma kiti wi kɔn,
dunruya woolo pè fyɛ ma pyeri dinw;
10 naa mboro Yɛnŋɛlɛ, mà yiri ma kiti wi kɔn,
mbe mbele fuun pe yɛn tege ni laga tara na pe shɔ we.
Wɔnmatigiwɛn laga.
11 Ali na sɛnwee wi nawa pi ka ŋgban, ma ma ti wi maa ma gbogo;
mbele pè shɔ ma naŋgbanwa pi kɛɛ, ma ma pe mara ma yɛɛ na†76.11: Ki vɛrise ŋa wi sɛnrɛ ti woro ma filige kpayi Eburuye sɛnrɛ ti ni..
12 Yaa yɔn fɔgɔlɔ kɔɔn Yawe Yɛnŋɛlɛ, ye Yɛnŋɛlɛ li yeri, yaa ke yɔn fili;
yoro mbele fuun ye yɛn ma cɛn mali maga, yaa paan yarikanra ni Yɛnŋɛlɛ na li yɛn fyɛrɛ wolo li kan.
13 Li ma kundigile pe yɛɛ gbɔgɔwɔ pi kɔ pe ni,
li maa fyɛrɛ gbɔrɔ waa dunruya wunlumbolo pe na.
†76:3 76.3: Zheruzalɛmu ca ko nuŋgba ko pe maa yinri Salɛmu.
†76:5 76.5: Ŋga kì yo fɔ: Yanwira tugbɔɔrɔ nda tì da maga lɛ wa fafafa, wa Yɛnŋɛlɛ sɛnrɛ sɛwɛ ŋa wi yɛn girɛki sɛnrɛ ni wi ni, ki yɛn ma yɔnlɔgɔ ma yo fɔ: Yarijɛndɛ kolifɛnnɛ yanwira. Eburuye sɛnrɛ ti ni, ki sɛnrɛ ti woro ma filige.
†76:11 76.11: Ki vɛrise ŋa wi sɛnrɛ ti woro ma filige kpayi Eburuye sɛnrɛ ti ni.