84
Yɛnŋɛlɛ li laga kpoyi ki yɛn
mali woolo pe ndanla
mali woolo pe ndanla
1 Yurukɔɔlɔ to wi sɛwɛ yurugo, ŋga pe maa koo na Gati ca fɛnnɛ ŋgɔni gbɔɔn. Kore pinambiile pe Yɛnŋɛlɛ gbɔgɔyurugo.
2 E, Yawe Yɛnŋɛlɛ na yawa pi ni fuun fɔ,
ma go ki yɛn mala ndanla!
3 Yawe Yɛnŋɛlɛ, ma shɛrigo gbɔgɔ londo nawa pi la kìlan yigi fɔ mala fanŋga ki kɔ na ni,
mi yɛn na yɔgɔrimɔ kɔŋgɔlɔ waa na kotogo naa na wire ti ni fuun ni Yɛnŋɛlɛ na yinwege wolo li kala na.
4 Yawe Yɛnŋɛlɛ na yawa pi ni fuun fɔ, na wunluwɔ konaa na Yɛnŋɛlɛ,
ali yɛrɛ karikana le, li ma cɛnsaga ta,
ndinɛ li ma sere pɔ mbeli piile pe tɛgɛ wa, wa ma saraga wɔsara ti kanŋgara na.
5 Mbele pe yɛn ma cɛn wa ma shɛrigo gbɔgɔ ki ni, fɛrɛwɛ yɛn pe woo!
Katugu pe yaa lɔɔn sɔnni suyi.
Wɔnmatigiwɛn laga.
6 Mbele pe maa pe fanŋga ki taa na yinrigi wa ma yeri,
fɛrɛwɛ yɛn pe woo!
Ma shɛrigo gbɔgɔ konɔ tangala li yɛn ma mbele ndanla mbaa kee wa,
fɛrɛwɛ yɛn pe woo!
7 Ali na pe kaa Baka gbunlundɛgɛ†84.7: Baka gbunlundɛgɛ ki yɛn wasege ka, ŋga ki yɛn ma waga, tɔnmɔ na pye wa, mbe tanga mbe toro wa ki ni, ki yɛn ma ŋgban fɔ jɛŋgɛ. ki kɔɔn mbe yiri,
ki ma pye puluyo na tɔnmɔ yinrigi wa pe puŋgo na,
kanga tisaga ki ma pan fun ma yinmɛ tirige ki na.
8 Mbe pe ta paa kee, ka maa tari pe fanŋga ki na suyi,
fɔ sa gbɔn wa Yɛnŋɛlɛ li yɛgɛ sɔgɔwɔ wa Siyɔn ca.
9 Yawe Yɛnŋɛlɛ, Yɛnŋɛlɛ na yawa pi ni fuun fɔ, ki yaga mala yɛnrɛwɛ pi logo,
Zhakɔbu Yɛnŋɛlɛ, nuŋgbolo jan ma logo na yeri!
Wɔnmatigiwɛn laga.
10 E, Yɛnŋɛlɛ, wunlunaŋa wi wele kajɛŋgɛ ni, wo ŋa wi yɛn paa we tugurɔn sigeyaraga yɛn na we go singi;
wo ŋa mà wɔ ma sinmɛ fa wi na, wi yigi jɛŋgɛ!
11 Mbe pilige nuŋgba pye wa ma shɛrigo gbɔgɔ londo ti nawa,
ko mbɔnrɔ mbe sa pilige wagakele (1 000) pye laga ka yɛgɛ ni ko na;
mbe yere le na Yɛnŋɛlɛ li go yeyɔngɔ shɔn wi na,
ko na ndanla ma wɛ mbe sa cɛn ja lepeele pe ni wa pe paara yinrɛ ti ni ko na.
12 Katugu Yawe Yɛnŋɛlɛ, Yɛnŋɛlɛ le, li yɛn paa yɔnlɔ yɛn, paa tugurɔn sigeyaraga yɛn mbaa lere go singi.
Yawe Yɛnŋɛlɛ li maa kagbaraga naa gbɔgɔwɔ kaan lere yeri;
mbele pe maa tanri pe nawa pi ni pì filige pe na,
laa je mbe kajɛŋgɛ pye pe kan.
13 Yawe Yɛnŋɛlɛ na yawa pi ni fuun fɔ,
lere ŋa wi maa jigi wi taga ma na, fɛrɛwɛ yɛn wi woo!
†84:7 84.7: Baka gbunlundɛgɛ ki yɛn wasege ka, ŋga ki yɛn ma waga, tɔnmɔ na pye wa, mbe tanga mbe toro wa ki ni, ki yɛn ma ŋgban fɔ jɛŋgɛ.