110
Ŋa wi yɛn wunlunaŋa
naa saraga wɔfɔ
naa saraga wɔfɔ
1 Davidi Yɛnŋɛlɛ gbɔgɔyurugo.
Yawe Yɛnŋɛlɛ lìgi yo maga ŋgban na tafɔ wi ni, ma yo fɔ:
«Cɛn wa na kalige kɛɛ ki na
fɔ mbe sɔɔn mbɛnfɛnnɛ pe ŋgbanga, mbe pe pye ma tɔɔrɔ ti tɛgɛsaga†110.1: Ki vɛrise ŋa wi sɛnrɛ tì yo wa Yɔn fɔlɔ fɔnnɔ sɛwɛ wi lara ti lɛgɛrɛ ni (Mati 22.44; Maki 12.36; Luki 20.42-43; Kapye 2.34-35; 1 Korɛn 15.25; Efɛ 1.20-22; Kolɔ 3.1; Ebu 1.13; 8.1; 10.12-13)..»
2 Yawe Yɛnŋɛlɛ li yaa ti ma wunluwɔ fanŋga ki lɛ le Siyɔn ca ki na, mbe kari fɔ lege;
ma yaa cɛn ma juguye mbele pɔ̀ɔn maga pe go na.
3 Pilige ŋga ni ma kaa ma maliŋgbɔɔnlɔ pe gbogolo,
ma woolo pe yaa pan kotogo ni, mbe pinlɛ ma ni.
Wa yanwira kpoyi ti na, ma lefɔnmbɔlɔ pe yɛn na paan ma kɔrɔgɔ,
paa pinliwɛ yɔn fɔɔngɔ yɛn.
4 Yawe Yɛnŋɛlɛ lì wugu ki na, li se yɔn sɔngɔrɔ naa fyew, ma yo fɔ:
«Ma yɛn saraga wɔfɔ fɔ sanga pyew,
paa yɛgɛ ŋga na Mɛlikisedɛki wìla pye†110.4: Zhenɛ 14.18; Ebu 5.6; 6.20; 7.17,21.»
5 Yawe Yɛnŋɛlɛ li yɛn wa ma kalige kɛɛ ki na nɔɔ sari,
li yaa wunlumbolo pele tɔngɔlɔ li naŋgbanwa pilige ki na.
6 Li yɛn na kiti kɔɔn cɛngɛlɛ sanŋgala ke na, gboolo pè wo pe yɛɛ na lagapyew.
Li yɛn na teele mbele pe yɛn laga tara ti lagapyew ki ni pe tɔngɔlɔ.
7 Mbe wunlunaŋa wi ta wa konɔ, wi yaa wɔ wa lafogo ki ni,
kona wi yɔlɔgɔ ki yaa pye wi na caw.