Yawe Yɛnŋɛlɛ làa sɔngɔrɔ ma pan mbele pàa yigi kasopiile pe ni wa Siyɔn ca sanga ŋa ni,

kìla pye we yeri paa wɔɔnrɔ yɛn.

2 Ki sanga wi ni, wàa koro na tɛgɛ fɔ jɛŋgɛ,

wàa pye na jɔrɔgi nayinmɛ ni.

Cɛngɛlɛ sanŋgala kàa pye naga yuun fɔ:

«Yawe Yɛnŋɛlɛ lì kagbɔgɔlɔ pye pe kan haan!»

3 Ee, Yawe Yɛnŋɛlɛ lì kagbɔgɔlɔ pye we kan,

ki kala na, we yɛn na yɔgɔri.

4 Yawe Yɛnŋɛlɛ, we wogo ki sɔngɔrɔ maga yɔn naa,

paa yɛgɛ ŋga na laforo nda tì waga wa Negɛvu tara ti ni, ma ma ti ti maa fuun!

5 Mbele pe maa yariluguro ti nuru yɛntunwɔ ni,

pe ma kaa yarilire ti kɔn yɔgɔrimɔ ni.

6 Mbele pe maa yanli yariluguro ni pe kɛɛ na kee sari lugu,

pe ma kaa sɔngɔrɔ nayinmɛ gbɔɔ ni yarilire pɔgɔlɔ ni pe kɛɛ ma pan.