1 Haleluja!

Gloru Dion en Lia sanktejo,

Gloru Lin en la firmaĵo de Lia forto.

2 Gloru Lin por Liaj potencaj faroj,

Gloru Lin laŭ Lia granda majesto.

3 Gloru Lin per sonado de trumpeto,

Gloru Lin per psaltero kaj harpo.

4 Gloru Lin per tamburino kaj danco,

Gloru Lin per kordinstrumentoj kaj fluto.

5 Gloru Lin per laŭtaj cimbaloj,

Gloru Lin per tintantaj cimbaloj.

6 Ĉio spiranta gloru la Eternulon.

Haleluja!