3
हीता पोल्‍लेताल पेन पजोळ्क होन्‍नो
इद केंजसि, “अय्ते यहुदि आसि बतले पायदा हिल्‍लेना? कतनाकु इच्‍चोगुडा विलवा हिल्‍लेना?” इंचि मिमेट इनकुंतिर बारे. विलवा अय्ते वेल्‍लेने मंता. अद बल्हा इत्‍ते, पेन दाना पोल्‍लेन*पोल्‍ले मूसाना नियमते मनना अन्‍नि पोल्‍लें इत्‍ते दर्मसास्‍त्रमते मत्‍तव अन्‍नि पोल्‍लें. मोट्‍टा मोदाला यहुदिल्कुंके हीता. यहुदिल्कुना लोप्पो पेनदा पोल्‍ले केंजवोर इच्‍चुर मत्‍तुर. ओर अल्हा मत्‍तुर इंचि पेन विस्वासमतद आयो इनकुंचंतिरा? अल्हा आयापर्रो. लोकुल्‍क अंटोर आबद्‍दम वळकानोर आयिना, पेन मात्रम बस्‍केळ्‍क निजम मनंता. बारित्‍ते दर्मसास्‍त्रमते,
“निमे वळ्कते नीवा पोल्‍ले निजम इंचि दिस अर्रंता,
निमे न्‍यायम कियनेंके नीवा पोल्‍ले गेल्‍संता,”
इंचि रासि मंता.बजन संहिता 51:4
मना तप्‍पुड कबाह्‍कुन हूळसि पेन बच्‍चोरो नीतिमंतुड इंचि एर्का आंता. इल्‍हा आतास्के पेन मनाकु सिक्‍सा हीसि अन्‍यायम कीसंता इंचि मनम इनकुना परंतोम. (इद नना मनकना विचारम मत्‍ताप वळ्‍कसंतन.) गानि अल्हा इनकुनमळ तप्‍पु आंद, अल्हा गिंटा पेन कीते, अद दुनियातोरा न्‍यायम बल्हा किय्‍यार? अचोने आयका, “मावा तप्‍पुड कबाह्कुनहेंदाल पेने सत्‍तेमतद इंचि तेळियसि दाना कदरगुडा वेल्‍लेन आसेके अय्ते, पेन माकुन पापिर्क बल्हा इना परंता?” इंचिगुडा इच्‍चुर लोकुल्‍क लोल्‍लि कींतुर. इल्‍हा कियानोर, “पापम कीते बेस जर्गसेक गदा! अय्ते दट पापम कीकोम,” इंचिगुडा इंतुर. इंका इल्‍हा मोमोटे कराहतोम इंचि इच्‍चुर लोकुल्‍क मापोर्रो दोसेमगुडा दोसंतुर. गानि अल्हा कियानोर अंटोर्कुंक, पेन दगता सिक्‍सा हींता.
पापम हिलाकोंटा बोरे हिल्‍लुर
सरे! अय्ते मनम यहुदिल्कुम, यहुदि आयवोरकन्‍ना बेसतोर्कुमा? असले आयोम. बारित्‍ते यहुदिल्क आयिर, युनानिर्क आयिर. अंटोर पापम कीतोरे इंचि नना मीकु मुन्‍नेन वेहचि मत्‍तन. 10 दर्मसास्‍त्रमतेगुडा इदुना बारेमते इल्‍हा रासि मंता गदा:
“बोरे नीतिमंतुड हिल्‍लोर, वरोरगुडा हिल्‍लोर.
11 निजम तेळियतोर बोरे हिल्‍लुर, वरोरगुडा हिल्‍लोर.
पेनदुन पह्कानोर बोरे हिल्‍लुर.
12 अंटोर पेनदा निजम हरदाल तप्‍सि तप्‍पुड हर्दुक होत्‍तुर.
कबळ्‍क ओज्जनलायक बोरे हिल्‍लुर,
बेसता कबळ कियानोर बोरे हिल्‍लुर, वरोरगुडा हिल्‍लोर.बजन संहिता 14:1-3
13 ओरा तोळ्‍दाल पेय्‍सना पोल्‍लें,
बोंदा कुल्‍ला मत्‍ते पीनगुना गब्‍बु बल्हा वांता अल्हा मंतां.
ओरा तोळ्‍दाल पेय्‍सना पोल्‍लें, इंकावरोन मुळाहनव आंदुं.बजन संहिता 5:9
तरासुना विसम वरोन बल्हा हव्कंता,
अल्हेन ओरा पेदविनाल पेय्‍सना पोल्‍लें तकलिप कियानव आंदुं.बजन संहिता 140:3
14 ओरा पोल्‍लें सापनेम आनि कयमुलतोनि निंडिस मंतां.बजन संहिता 10:7
15 ओर बस्‍केळ्‍क इंकावरोन हव्कालय हूळसेक मनांतुर.
16 ओर बगा अय्ते दांतुर अगा नासडेम कीसि दुक्‍कमतुन हीसि दांतुर.
17 सांति बगा दोर्कंता अद हर्रि ओर्क एरपाट हिल्‍ले.यसायाह 59:7-8
18 ओरा कळ्‍कुना मुन्‍ने पेनदा वेर्रे हिल्‍ले.”बजन संहिता 36:1
19 मूसाना नियम परकारम बोर अय्ते ताकंतुर ओराहाटींगे मूसाना नियम मंता, इद मनाकु एरपाटे. अयना पेन न्‍यायम कियनेंके दुनियातोर अंटोर, इत्‍ते यहुदिल्क आयिर यहुदि आयवोर आयिर, अंटोर पेनदुक लेक्‍का हियमळे, बोरे तपिच्‍कुना परुर. 20 मूसाना नियमता कबळताहेंदाल मनम अंटोरम पापिर्के इंचि तेळियंता अचोने. गानि अव्टे वेहचि मत्‍ताप ताकसि पेनदा मुन्‍ने बोरे नीतिमंतुल्क आयुर.
पेन मनकालोर्कुन नीतिमंतुल्क कींता
21 गानि इंदके मूसाना नियमते रासि मत्‍ता पोल्‍लेंगे कियवा मनकालोर्कुन नीतिमंतुल्क कियनाहाटीं पेन इंकुंदि हर्रि तयार कीता. अद हरदा बारेमते, मूसाल आनि पेनदा कबुरतोर पोल्‍ले हीसि मुन्‍नेन दर्मसास्‍त्रमते रासि इरतुर. 22 अद हर्रि बतल इत्‍ते, बोरे आयिर येसु किरिस्‍तुनपोर्रो विस्वासम इरते पेन ओर्कुन नीतिमंतुल्क कींता. इव्टे कुलम, जाति इल्‍हा बतल हिल्‍ले.
23 बारित्‍ते अंटोर लोकुल्‍क पापम कीसि, पेनदाहेंदाल दोर्कना कदरताल लक्‍कु आतुर. 24 गानि येसु किरिस्‍तु लोकुल्‍कुन पापाल्कुनाल इळबळिस्तोर. इल्‍हा पेन दाना कुर्पाते येसु किरिस्‍तुन विस्वासम कियानोर्कुन अंटोर्कुन नीतिमंतुल्क कीता. दीनाहाटीं मनम पेनदुक बतल हियना अव्‍सरम हिल्‍ले. 25-26 मना पापाल्कुना सिक्‍सातगा मोक्‍कु आयालय पेन येसुन लोह्ता. येसु किरिस्‍तु मना पापाल्कुनाहाटीं मोक्‍कु आतोर इंचि मनम विस्वासम कीसि ओप्कुनगोम. दीनहेंदाल येसुनपोर्रो विस्वासम कीतोर्कुन पेन नीतिमंतुल्क कींता. इदवेरदाका बोर अय्ते पापम कीतुरो, ओर्क सिक्‍सा हियाकोंटा पेन ओप्के पीसि मत्‍ता. इल्‍हा अद नीतिमंतुड इंचि हुपिस्‍ता. 27 अदुनहाटीं मनम पेद्‍दिरकेम कियामन्‍नि. मनम पुन्‍नेम कबाह्‍क कीतोम इंचि पेन मनाकुन नीतिमंतुल्क कीतना? हिलाकोंटे मूसाना नियमपोर्रो ताकताहेंकेना? विस्वासम कीताहेंकेन मनम नीतिमंतुल्क आतोम. 28 मूसाना नियमते मत्‍ताप ताकताहाटीं पेन मनाकुन नीतिमंतुल्क इना हिल्‍ले, गानि येसु किरिस्‍तु सामिनपोर्रो विस्वासम कीताहेंकेन नीतिमंतुल्क इत्‍ता. 29 अय्ते दीना अर्तम मिमेटे विचारम कीसि वेहाट. पेन सिराप यहुदिल्कुनदेना? यहुदि आयवोर्कुनद आयोना? पेन यहुदि आनि यहुदि आयवोर, इव्वुरदगुडा आंद. 30 अद बल्हा इत्‍ते, पेन उंदे आंद. कतना आतोर आयिर, कतना आयवोर आयिर, इव्‍वुर्कुनगुडा पेन ओरा विस्वासमहेंदाले नीतिमंतुल्क कींता. 31 “अल्हा अय्ते, विस्वासम कीताहेंका मनाकु मूसाना नियमता अक्‍केर हिल्‍ले, इनकुंचंतिरा?” अल्हा आयो. विस्वासमहेंदाले मूसाना नियमते मनम बेस ताका परंतोम.

*3:2 पोल्‍ले मूसाना नियमते मनना अन्‍नि पोल्‍लें इत्‍ते दर्मसास्‍त्रमते मत्‍तव अन्‍नि पोल्‍लें.

3:4 बजन संहिता 51:4

3:12 बजन संहिता 14:1-3

3:13 बजन संहिता 5:9

3:13 बजन संहिता 140:3

3:14 बजन संहिता 10:7

3:17 यसायाह 59:7-8

3:18 बजन संहिता 36:1