12
Abaami ábakahimwa naꞌBahisiraheeri
1 Kwokwo, kwaꞌBahisiraheeri bakahima abaami ábâli tuuziri uluhande lweꞌsheere lwoꞌlwiji Yorodaani, bananyaga neꞌbihugo byabo. Yibyo bihugo, bitonderiiri ku ngombe yoꞌlwiji Harinooni, halinde ukuhisa ku mugazi Herimooni, neꞌndekeera yoshi yeꞌsheere. Abaami baabo bo baaba: 2 Uwa mbere, ali mwami Sihooni, waꞌBahamoori. Uyo mwami, âli tuuziri mu kaaya keꞌHeshibooni. Ubutwali bwage, bwâli tonderiiri mu kaaya kahamu keꞌHaroweri, ákâli riiri ku ngombe yoꞌlwiji Harinooni, halinde ukuhisa ku ngombe yoꞌlwiji Yaboki, úluli ku lubibi naꞌkaaya kaꞌBahamooni. Yaho handu, kiri kimaanye kyeꞌkihugo kyeꞌGiryadi.
3 Uyo mwami âli twaziri kwakundi ikimaanye kyoshi kyeꞌndekeera yoꞌlwiji Yorodaani, ukulyokera ku nyaaja yeꞌKinerooti úluli uluhande lweꞌsheere, halinde i Beeti-Yeshimooti, iwa Nyaaja yoꞌMuunyu, noꞌkugenderera halinde mu kabanda keꞌPisiga.
4 Mwami wa kabiri, ali mwami Hoogi wa mu kaaya keꞌBashaani. Uyo, âli riiri muguma wa mu baami bazinda boꞌmulala gwaꞌBarefahimu. Âli tuuziri mu kaaya keꞌHashitarooti, na mu keꞌHedireyi. 5 Ubutwali bwage, bwâli tonderiiri ku mugazi Herimooni, neꞌSaleka, neꞌBashaani yoshi, halinde ku lubibi lwaꞌBageshuuri, naꞌBamakaati, neꞌkimaanye kyeꞌGiryadi, kiri na ku lubibi lwoꞌmwami Sihooni, weꞌHeshibooni. 6 Yabo baami booshi, Musa, umukozi wa Nahano, ye kabahima, ali kuguma naꞌBahisiraheeri. Utwaya twabo, Musa anatuheereza abandu boꞌmulala gwa Rubeni, na boꞌgwa Gaadi, neꞌkimaanye kyoꞌgwa Manaasi, gira buyame buhyane bwabo.
7 Bano baami, baꞌBahisiraheeri bakahima, uluhande lweꞌmuga lwoꞌlwiji Yorodaani. Yubwo buhimi bwabo, butonderiiri mu kaaya keꞌBaali-Gaadi ákali mu kabanda keꞌLebanooni, halinde ku mugazi Halaaki, úguli uluhande lweꞌSeyiri. Yutwo twaya twoshi, Yoshwa anatusikiiriza Abahisiraheeri, gira bube buhyane bwabo. 8 Akabasikiiriza utwaya twa ku migazi, noꞌtwa mu kabanda, neꞌndekeera yoꞌlwiji Yorodaani, noꞌtwa ku mudulumuko, niꞌshamba, neꞌNegebu. Yutwo twaya, twâli riiri twaya twaꞌBahiti, noꞌtwaꞌBahamoori, noꞌtwaꞌBakaanani, noꞌtwaꞌBapereesi, noꞌtwaꞌBahivi, noꞌtwaꞌBayebuusi.
9 Mu yabo baami ábakahimwa, mwâli riiri mwami muguma wa mu kaaya keꞌYeriko,
Hali na mwami wa mu kaaya keꞌHayi (hoofi neꞌBeteeri),
10 Hali na mwami wa mu keꞌYerusaleemu.
Hali na mwami wa mu keꞌHeburooni.
11 Hali na mwami wa mu keꞌYarimuti.
Hali na mwami wa mu keꞌLakishi.
12 Hali na mwami wa mu keꞌHegulooni.
Hali na mwami wa mu keꞌGezeeri.
13 Hali na mwami wa mu keꞌDebiiri.
Hali na mwami wa mu keꞌGedeeri.
14 Hali na mwami wa mu keꞌHorima.
Hali na mwami wa mu keꞌHaraadi.
15 Hali na mwami wa mu keꞌRibuna.
Hali na mwami wa mu keꞌHadulaamu.
16 Hali na mwami wa mu keꞌMakeeda.
Hali na mwami wa mu keꞌBeteeri.
17 Hali na mwami wa mu keꞌTapwa.
Hali na mwami wa mu keꞌHefeeri.
18 Hali na mwami wa mu keꞌHafeeki.
Hali na mwami wa mu keꞌLasharooni.
19 Hali na mwami wa mu keꞌMadooni.
Hali na mwami wa mu keꞌHazoori.
20 Hali na mwami wa mu keꞌShimurooni-Merooni.
Hali na mwami wa mu keꞌHakishafu.
21 Hali na mwami wa mu keꞌTanaaki.
Hali na mwami wa mu keꞌMegido.
22 Hali na mwami wa mu keꞌKedeeshi.
Hali na mwami wa mu keꞌYokinamu, i Karimeeri.
23 Hali na mwami wa mu keꞌDoori, ákali ku Nafati-Doori.
Hali na mwami wa mu keꞌGohimu, ákali i Girigaali.
24 Hali na mwami wa mu keꞌTiriza.
Yabo baami, kwo bâli riiri makumi gashatu na muguma, booshi bakaminikwa.