13
E Rurema, si ukoli mbinduliiri ingoto!
1 Imwoꞌmwimangizi waꞌbimbi. Izaburi ya Dahudi.
2 E Nahano, ugakizi nyibagira halinde mangoki?
Ka halinde imyaka neꞌmyakuula?
Si ukoli mbinduliiri ingoto!
3 Abagoma baani bagweti bagambima.
Aahago! Ngashenguka mu kati koꞌmwizingeerwe, halinde mangoki?
4 E Rurema Nahamwitu, undole kwo, unanjuvye, maashi!
Umulengeerwe gushubi kizi moleka mu masu gaani.
Buzira kwokwo, Narufu agandwala ngana.
5 Utaleke abagoma baani bayihaye, mbu: «Keera twamúhima!»
Batanashambaale, mbu bambima.
6 Ngweti ngalangaalira ku rukundo lwawe.
Ee ma! Bwo we mu ngiza, umutima gwani guki shambiiri.
E Nahano, bwo we kiri mu ngirira amiija,
ngakizi kuyimbira.