100
Mumenye kwo Nahano ye Rurema
1 Izaburi yoꞌkutanga kongwa.
E bandu booshi ba mu kihugo,
mukizi bandira Nahano akabuuli.
2 Mukizi yija imbere lyage, iri munamúyimbira ku bushambaale.
Ee ma! Mukizi múyikumba ku bushagaluke.
3 Mumenye kwo Nahano ye Rurema.
Ye katubumba, tunali beꞌmwage.
Ee! Tuli bandu baage, tunali nga bibuzi bya mu ndagiriro yage.
4 Muyingirage mu lubuga lweꞌnyumba yage, iri munadeta kongwa.
Na mango mwaba mulukolaga mwo, mugenderere ukukizi múhuuza.
Ee! Mukizi mútangira kongwa, iri munahuuza iziina lyage.
5 Nahano ali mwija. Noꞌrukundo lwage luyamiri ho, halinde imyaka neꞌmyakuula.
Ayamiri ali mwemeera, halinde ukuhisa ku bibusi byoshi.