130
Ngweti ngalindirira Nahano
1 Luli mu yimbwa na ábali mu zamuukira i Yerusaleemu.
E Nahano, ngola mu longa amakuba mahamu bweneene.
Kyo kitumiri ngweti ngakutabaaza.
2 Kwokwo, unyuvwirwe indengeerwa.
Unandegage amatwiri,
uyuvwe ngiisi kwo ndi mu deta.
3 E Nahano, iri wangakulikiriza ibyaha biitu,
nyandagi úwangaki yimanga imbere lyawe?
4 Kundu kwokwo, ukiri mu kogana.
Ku yukwo, ukwaniini ukizi simbahwa.
5 Ngi lindiriiri Nahano, gira andabaale.
Ee! Umutima gwani gugweti gugamúlindirira.
MwiꞌGambo lyage, mwo mbiisiri umulangaaliro.
6 Umutima gwani guli mu lindirira Nahano,
ukuhima kwoꞌmulaliizi ali mu lindirira kwo bukye.
Ee! Ukuhima kwoꞌmulaliizi ali mu lindirira kwo bukye.
7 E Bahisiraheeri, mukizi biika umulangaaliro imwa Nahano.
Mukuba, ye mu kizi kundana,
ye na shobwiri ukukiza abandu.
8 Yehe yenyene, agaguluula Abahisiraheeri kulyoka mu mabi gaabo gooshi.