10
1 Banndiraaɓe, ko ɓurmi hidde fuu kam woni ɓiɓɓe *Isra'el fuu keɓa kisinam. Ɗum duu woni du'aa'u mo ndu'ananmi ɓe nder ɓerne am, mi eela Alla. 2 Miɗo seedanoo ɓe, wi'ude ko sikka fuu walaa ɓe kokki ko'e maɓɓe he ɓerne worre ɓe ngollana Alla. Amma kokkol ko'e maɓɓe ngool sinngaaki dow anndal. 3 Ɓe anndaa laawol ngol neɗɗo tokkata ko Alla wartira ɗum jom dartinaaku. Ɓe ndawrani ko'e maɓɓe laawol ngol ɓe tokkata ngam laataade jom'en dartinaaku yeeso Alla. Ɓe cuɓaaki tokkude laawol ngol Alla darni ngam wartirde himɓe jom'en dartinaaku. 4 *Almasiihu wari humni *Tawreeta ngam goonɗinɗo mo fuu wartiree jom dartinaaku.
Kisinam warani neɗɗo fuu
5 *Muusa winndi dow dartinaaku ƴuwngu nder *Tawreeta wi'i : Neɗɗo fuu ɗowtani ko tilsinooje *Tawreeta wi'i, wuuran daliila majjum.*10.5 Lewinkooɓe 18.5 6 Amma ndaa ko haala Alla wi'i dow laataade jom dartinaaku daliila goonɗinol neɗɗo nii : To wi'u nder ɓerne maa moy waawi ƴeenyi dow kammu ? *Almasiihu jippaaki naa ? 7 Naa kaden : Moy jippina nder ngaykaa laahara nga walaa fuu keerol ? *Almasiihu ummintinaaka he maayde naa ? 8 Ko winndaa wi'aa woni : Haala Alla no hadde maaɗa, ika nder hunnduko maaɗa, ika nder ɓerne maaɗa.†10.6-8 Wi'itaade Tawreeta 30.12-14 Haala Alla ka woni waaju goonɗinol, mo min ngoni miɗen ngaɗa. 9 Ngam nde nii a yardake a wi'i aan he hoore maaɗa ko Iisa no Joomiraawo, ngoonɗinaa nder ɓerne maaɗa ko Alla ummintinii mo he maayde, a hisintee. 10 Goonɗinde nder ɓerne no waɗa Alla wartira neɗɗo jom dartinaaku. Fiirtude hunnduko mum yeeso himɓe fuu wi'a Iisa *Almasiihu woni Joomiraawo mum no holla ko neɗɗo heɓi kisinam. 11 Ngam no winndaa wi'aa : Goonɗinɗo mo fuu semtataa.‡10.11 Esaaya 28.16
12 Joonin, walaa ko senndi Yahudanke he mo hanaa Yahudanke. Joomiraawo gooto jeyii ɓe. Omo barkinɗina faa noy walaa neɗɗo fuu eeluɗo mo. 13 Ngam no winndaa wi'aa : Neɗɗo fuu eeli Joomiraawo hisina ɗum, o hisinan ɗum.§10.13 Yo'el 3.5 14 Amma noy waɗata neɗɗo eela mo nde goonɗinaay ? Noy neɗɗo goonɗinirta mo, nde nii neɗɗo nanaay filla makko ? Noy neɗɗo nanirta filla makko, nde nii baajotooɗo walaa ? 15 Noy neɗɗo waajortoo, nde nii lilaaka ? No winndaa wi'aa : Belɗum ɓerne non, gi'ol garki koyɗe jottinooje *Habaru lobbo.*10.15 Esaaya 52.7 16 Amma hanaa himɓe fuu ngoonɗini *Habaru lobbo oon. *Esaaya wi'i : Yaa Joomiraawo, moy goonɗini waaju amin ?†10.16 Esaaya 53.1 17 Ngam majjum waɗi sey to neɗɗo hettinake waaju ko goonɗina. Waaju oo duu, o waaju dow *Almasiihu. 18 Mi ƴaman on, goonga fuu ɓiɓɓe *Isra'el nanaay mo naa ? Ɓe nani ngam no winndaa wi'aa :
Daaɗe *lilaaɓe Alla nanaama nder leyɗe fuu,
waaju maɓɓe fiilake kappa kuula duuniyaaru fuu.‡10.18 Jabuura 19.5
19 Miɗo ƴama kaden, ɓiɓɓe *Isra'el paamaay naa ? Arannde nii har hunnduko *Muusa, Alla haali, wi'i :
Mi waɗan kiron, ɓe kanaa jeyaaɓe am,
mi waɗan tikkanon lenyol ngool walaa anndal.§10.19 Wi'itaade Tawreeta 32.21 – Ɗo Pol no haala dow ɓe kanaa Yahudankooɓe.
20 Nden *Esaaya hulaay wi'ude Alla wi'i :
Ɓe tefaayno kam, ngiiti kam.
Ɓe ƴamanaayno kam ɓeen duu,
mi wannginanii ɗum'en hoore am.*10.20 Esaaya 65.1
21 Amma har ko daarata ɓiɓɓe *Isra'el, Alla wi'i :
Jemma e nyalooma, juuɗe am no peerti,
ngam jaɓɓaade himɓe am,
yorɓe-ko'e, saliiɓe ɗowtanaade kam.†10.21 Esaaya 65.2
*10:5 10.5 Lewinkooɓe 18.5
†10:8 10.6-8 Wi'itaade Tawreeta 30.12-14
‡10:11 10.11 Esaaya 28.16
§10:13 10.13 Yo'el 3.5
*10:15 10.15 Esaaya 52.7
†10:16 10.16 Esaaya 53.1
‡10:18 10.18 Jabuura 19.5
§10:19 10.19 Wi'itaade Tawreeta 32.21 – Ɗo Pol no haala dow ɓe kanaa Yahudankooɓe.
*10:20 10.20 Esaaya 65.1
†10:21 10.21 Esaaya 65.2