1 تٛو، جٛونِ دٛوْ حَوْرُتُکِ شٜىٰدٜ نغَمْ وَلُّکِ يِمْٻٜ اَللَّه غٛنْٻٜ اُرُشَلِيمَ، نغَطٜىٰ کٛ مبِيمِ تٛکُّٻٜ يٜىٰسُ ٻٜ غَلَاتِيَ نغَطَ؞ 2 کٛو ندٜيٜ ݧَلْندٜ اَرَنْدٜىٰرٜ ندٜ يٛنْتٛورٜ، کٛو مٛيٜ مٛوطٛنْ رٜسَ غٛطُّمْ ندٜرْ کٛ حٜٻِي کٜىٰرٛلْ نٛ وَاوَتَ؞ ندٜنْ تٛع اٛنْ اَلُ نَا مِ وَرِي ڤُطّٛنْ حَوْرُتُکِ شٜىٰدٜ طٜنْ؞ 3 تٛ مِ يٛتَّکٜ تٛ مٛوطٛنْ، مِ حٛکَّيْ يِمْٻٜ ٻٜ شُٻُطٛنْ طٜرٜىٰجِ کٛلَّيْطِ اٛنْ شُٻِيٻٜ ٻٜ نجَارَ بَلَّلْ مٛوطٛنْ اُرُشَلِيمَ؞ 4 تٛ اٜ حَانِ مِنْ مَا مِ يَحَ، سٜيْ ٻٜ نجَادَ اٜ اَمْ؞

5 مِ وَرَيْ تٛ مٛوطٛنْ غَطَ مِ يَحِي لٜيْدِ مَکِدٛونِيَ، نغَمْ مِ سُٻِي يَاکِ مَکِدٛونِيَ؞ 6 طُمْ غَطٛتٛوطُمْ مِ جٛوطٛو تٛ مٛوطٛنْ شَرٜلْ سٜطَّ، کٛو مَا مِ رُومَ، نغَمْ مبَلّٛنْيَمْ مِ يَحَ فُو تٛ نجَحَيْمِ؞ 7 مِ يِطَا مِ يَالَ تٛ مٛوطٛنْ تَنْ مِ پَٻّٛو، نغَمْ اٜ مِ يِطِ مِ نٜىٰٻِدَ اٜ مٛوطٛنْ تٛ جٛومِرَاوٛ جَٻِي؞

8 اَمَّا مِ جٛوطٛتٛ تٛ غَرِيرِ اَافِسَ نَا حُمْتٛ ٻٜنْدٛلْ اَلْکَمَارِ 9 نغَمْ مِ حٜٻِي لَاوٛلْ حُوُکِ کُوغَلْ مَنْغَلْ، ندٜنْ اٜ وٛودِ طُطْٻٜ غَݧُٻٜيَمْ؞

10 تٛ تِمٛوتِ وَرِي تٛ مٛوطٛنْ، تَبِّتِنٛنْ اٛ وٜدِّتَکٜ ندٜرْ مٛوطٛنْ، نغَمْ کَنْکٛ مَا اٛ کُوَنٛووٛ جٛومِرَاوٛ بٛ اَمْ؞ 11 نغَمْ نٛنْ، تٛع غٛطّٛ يَوَنَمٛ؞ مبَلّٜىٰمٛ ندٜرْ يَادُ مَاکٛ، نجَٻّٛوتِرٛنْ جَمْ اٜ جَمْ، اٛ وَرْتٛيَ تٛ اَمْ؞ مِنْ اٜ وٛٻّٜ بَنْدِرَاٻٜ اٜ مِنْ ندٜنْتِ غَرْتٛلْ مَاکٛ؞

12 جٛونِ دٛوْ بَنْدِرَاوٛ مٜىٰطٜنْ اَفٛولٛسْ، مِ تٛرَکٜمٛ نَاع سٜطَّ اٛ وَرَ تٛ مٛوطٛنْ کَنْکٛ اٜ وٛٻّٜ بَنْدِرَاٻٜ، اَمَّا اٛ يِطَا يَادُ ندُنْ جٛونِ؞ اٛ وَرَيْ تٛ مٛوطٛنْ تٛ اٛ حٜٻِي لَاوٛلْ؞

13 نجٛوطٜىٰ اٛنْ ڤَامَ، ندَرٜىٰ بٛطُّمْ دٛوْ حٛولَارٜ مٛوطٛنْ، نغَطٛنْ نغٛرْغُ، شٜمْبِطٜىٰ؞ 14 فُو کٛ نغَطٛتٛنْ، نغَطٜىٰطُمْ ندٜرْ يِدّٜ؞

15 بَنْدِرَاٻٜ، اٛنْ اَنْدِ ندٜرْ لٜيْدِ اَکَايَ يِمْٻٜ وُرٛ اِسْتِفَانُسْ اَرْتِ وَرْتُکِ تٛکُّٻٜ يٜىٰسُ، ندٜنْ ٻٜ کٛکِّي کٛعٜ مَٻّٜ نغَمْ وَلُّکِ يِمْٻٜ اَللَّه؞ 16 اٜ مِ تٛرٛوعٛنْ کٛکّٜىٰ اِرِ ٻٜنْ طٛنْ يِمْٻٜ مَنْغُ حَوْتِ اٜ فُو يِمْٻٜ ٻٜ مِنْ کُوِدِ مِنْ ڤِيدِ ندٜرْ کُوغَلْ؞

17 مِ نَنِي بٜلْطُمْ وَرٛيْکِ اِسْتِفَانُسْ، اٜ فَرْتُنَاتُسْ، اٜ اَکَيْکُسْ، نغَمْ طُمْ وَرْتَنِييَمْ بٛ اٛنٛنْ نغَرِ تٛ اَمْ، 18 نغَمْ ٻٜ مبَلْتِنِي ٻٜرْندٜ اَمْ اٜ ٻٜرْطٜ مٛوطٛنْ اٛنٛنْ مَا؞ نغَمْ نٛنْ، کٛکّٜىٰ اِرِ ٻٜنْ طٛنْ يِمْٻٜ مَنْغُ؞

19 تٛکُّٻٜ يٜىٰسُ وٛنْٻٜ لٜيْدِ اَاسِيَ اٜ کٛوْنَعٛنْ؞ اَکِيلَ، اٜ بِرِسْکِلَ، اٜ تٛکُّٻٜ يٜىٰسُ کَوْرِتٛوٻٜ اٜ وُرٛ مَٻّٜ اٜ ٻٜ کٛوْنَعٛنْ بٛطُّمْ ندٜرْ اِنْدٜ جٛومِرَاوٛ؞ 20 فُو بَنْدِرَاٻٜ غٛنْٻٜ طٛعٛ اٜ کٛوْنَعٛنْ؞

کٛوْنِندِرٜىٰ حٛوْنِرْکِ حِغَاکُ شٜنِيکِ؞

21 مِنْ بُلُسْ وِنْدِ کٛوْنٛلْ نغٛعٛلْ اٜ جُنْغٛ اَمْ؞

22 فُو مٛ يِطَا جٛومِرَاوٛ، اَللَّه لَانَمٛ؞

يَا جٛومِرَاوٛ اَمِنْ، وَرٛيْ!‏

23 يٜىٰسُ جٛومِرَاوٛ بَرْکِطِنَعٛنْ؞

24 اٜ مِ يِطِعٛنْ اٛنْ فُو نغَمْ سُمْڤٛوتِرْکِ مٜىٰطٜنْ اٜ يٜىٰسُ اَلْمَسِيحُ؞