1 ندٜ حُمْتٛ ٻٜنْدٛلْ اَلْکَمَارِ وَطِ، تٛکُّٻٜ يٜىٰسُ فُو کَوْرِتِ وِغٜىٰرٜ غٛعٛ؞ 2 طٛنْ اٜ طٛنْ ٻٜ نَنِ اِيدٛ پِوٛيِي دَغَ دٛوْ بٛ حٜنْدُ شٜمْبِنْدُ؞ اِيدٛ نغٛنْ حٜىٰوِ وُرٛ نغٛ ٻٜ نغٛنِ ندٜرْ؞ 3 سٜيْ غٛطُّمْ نَنْدُطُمْ اٜ طٜمْطٜ حِيتٜ وَنْغِ؞ طٜ شَنْکِتِي، طٜ کٛطِ دٛوْ حٛورٜ کٛو مٛيٜ مَٻّٜ؞ 4 سٜيْ ٻٜ فُو ٻٜ کٜىٰوِ رُوحُ اَللَّه، ٻٜ ڤُطِّ مٜتُکِ ندٜرْ طٜمْطٜ فٜىٰرٜ‑فٜىٰرٜ نٛ رُوحُ حٛکِّرِٻٜ بَوْطٜ مٜتُکِ؞

5 اٜ وٛودِ يَحُودَنْکٛعٜنْ جٛوطِيٻٜ ندٜرْ اُرُشَلِيمَ پِوٛيْٻٜ دَغَ کٛو طٜيٜ لٜيْطٜ دُونِيَارُ کُلٛوٻٜ جٛومِرَاوٛ؞ 6 ندٜ ٻٜ نَنِ اِيدٛ نغٛنْ، ٻٜ فُو ٻٜ کَوْرِتِ؞ فِي طُمْ حُلْنِيٻٜ، ٻٜ ندُلِّ کٛ ٻٜ نغَطَتَ، نغَمْ ٻٜ نَنِي لِلَاٻٜ اٜ مٜتَ ندٜرْ طٜمْنغَلْ کٛو مٛيٜ مَٻّٜ؞ 7 فِي طُمْ حَيْطِنِٻٜ نَاع سٜطَّ، ٻٜ مبِعِ، ‏«‏ٻٜعٜ مٜتٛوٻٜ نَاع ٻٜ غَلِلَنْکٛعٜنْ؟ 8 ندٜنْ نٛ طُمْ وَطِ کٛو مٛيٜ ندٜرْ مٜىٰطٜنْ اٜ نَنَ کٛ ٻٜ مبِعَتَ ندٜرْ طٜمْنغَلْ مُوطُمْ؟ 9 رَا ندٜرْ مٜىٰطٜنْ اٜ وٛودِ فَرْتِيَنْکٛعٜنْ اٜ مَدِيَنْکٛعٜنْ اٜ اٜلَامِيَنْکٛعٜنْ، اٜ يِمْٻٜ مٜسٛفٛتَامِيَ، اٜ وٛٻّٜ دَغَ ندٜرْ لٜيْطٜ يَحُودِيَ اٜ کَفَدٛوکِيَ اٜ فَنْتُسْ اٜ اَاسِيَ، 10 اٜ يِمْٻٜ فِرِيجِيَ اٜ بَمْفِيلِيَ اٜ لٜيْدِ مَسَرْ اٜ لٜيْدِ لِبِيَ حَادٜ سَايِرِنْ اٜ پِوٛيْٻٜ رٛومَ، 11 يَحُودَنْکٛعٜنْ اٜ وٛٻّٜ جَٻُٻٜ دِينَ يَحُودَنْکٛعٜنْ، اٜ وٛٻّٜ دَغَ کِرِتِ، اٜ لَارَبَنْکٛعٜنْ؞ اَمَّا فُو اٜ نٛنْ، اٜنْ فُو اٜنْ نَنَ يِمْٻٜ ٻٜعٜ اٜ مٜتَ ندٜرْ طٜمْطٜ مٜىٰطٜنْ دٛوْ کُوطٜ مَوْطٜ طٜ اَللَّه وَطِ!‏»‏ 12 ٻٜ فُو فِي طُمْ حَيْطِنِٻٜ، ٻٜ نجِيٻٛوتِرِ، ٻٜ نغَطِ کَ پَمْپَمْتِرْکِ، اٜ ٻٜ مبِعَ، ‏«‏طُمٜ وٛنِ مَعَنَ فِي طُعُمْ؟»‏

13 اَمَّا وٛٻّٜ نجَلِ تٛکُّٻٜ يٜىٰسُ مبِعِ، ‏«‏ندِيَمْ اِنَبٛجَمْ ٻٜ نجَرِ، ٻٜ نغِلْتِي!‏»‏

14 سٜيْ بِيتُرُسْ اُمِّي، کَنْکٛ اٜ لِلَاٻٜ سَڤّٛ اٜ غٛعٛ، ٻٜ ندَرِي، اٛ پٜفْتِ حٛنٛنْدٜ مَاکٛ، اٛ وِعِ حَوْرُتُٻٜ ٻٜنْ، ‏«‏اٛنٛنْ يَحُودَنْکٛعٜنْ اٜ جٛوطِيٻٜ ندٜرْ اُرُشَلِيمَ فُو، نَنٜىٰ کٛ مبِعَيْمِعٛنْ؞ مِ حٛکَّيْعٛنْ مَعَنَ فِي طُعُمْ؞ 15 يِمْٻٜ ٻٜعٜ نَاع ٻٜ جَرُٻٜ نٛ کَمِّيطٛنْ، نغَمْ جٛونِ طُمْ سُبَکَ نجَمْندِ جٛوٜىٰنَيِ!‏ 16 اَمَّا رَا کٛ اَنَّبِ يٛوٜلْ وِعِ اَللَّه وِعِي،

22 طٛنْمَا بِيتُرُسْ وِعِ، ‏«‏يِمْٻٜ اِسْرَاعِيلَ، نَنٜىٰ بٛلِيطٜ طٜعٜ:‏ اَللَّه حٛلِّيعٛنْ اٛ سُٻِي يٜىٰسُ نَجَرَنْکٜىٰجٛ نغَمْ اٛ حٛکِّيمٛ بَوْطٜ حُوُکِ کُوطٜ مَوْطٜ اٜ کُوطٜ کَيْطِنِيطٜ اٜ اَلَامَاجِ طِ اٛ وَطِ ندٜرْ مٛوطٛنْ؞ اٛنٛنْ اٜ کٛعٜ مٛوطٛنْ اٛنْ اَنْدِ کٛ وَطِ؞ 23 فُو اٜ نٛنْ اٛنْ کٛکِّتِرِيمٛ ندٜرْ جُوطٜ کَلُّٻٜ؞ اٛنْ نغَطِي ٻٜ ٻِلِيمٛ دٛوْ غَافَانغَلْ، ٻٜ مبَرِمٛ؞ فُو اٜ نٛنْ، نٛنْ اَللَّه سِرْيٛرِي فِي طُمْ وَطِرَ؞ 24 اَمَّا اَللَّه اُمِّنِيمٛ دَغَ مَيْدٜ، وُرْتِنِيمٛ يٜنَاندٜ، نغَمْ مَيْدٜ وَاوَتَا جٛغَاکِمٛ؞ 25 نغَمْ اَنَّبِ دَوْدَ مٜتِي دٛوْ يٜىٰسُ اَلْمَسِيحُ وِعِي،

29 بِيتُرُسْ ٻٜيْدِي وِعُکِ، ‏«‏بَنْدِرَاٻٜ، اَلْ مِ وِعَعٛنْ غٛونغَ؞ مَامَ مٜىٰطٜنْ دَوْدَ مَايِي اٛ اُوَامَ، يٜنَاندٜ مَاکٛ اٜ طٛعٛ حَا حَنْدٜ؞ 30 اٛ اَنَّبِيجٛ، اٜ مٛ اَنْدِ اَللَّه وَطَنِيمٛ اَلْکَوَلْ حُنِي وِعُکِ غٛطّٛ دَغَ ندٜرْ لٜݧٛلْ مَاکٛ وَرْتَيْ لَامِيطٛ، وَاتٛ اَلْمَسِيحُ؞ 31 اٛ يِعِي کٛ وَرٛيْتَ يٜىٰسٛ، اٛ مٜتِي دٛوْ اُمَّاکِ اَلْمَسِيحُ دَغَ مَيْدٜ؞ اٛ وِعِي اَللَّه اَلَتَا اَلْمَسِيحُ ندٜرْ يٜنَاندٜ، ٻَنْدُ مَاکٛ بٛو ݧٛلَتَا؞ 32 اَلْمَسِيحُ اٛنْ وٛنِ يٜىٰسُ مٛ اَللَّه اُمِّنِ دَغَ مَيْدٜ؞ مِنْ فُو اٜ مِنْ شٜيْدِيطُمْ؞ 33 اَللَّه مَوْنِنِيمٛ، جٛوطِنِيمٛ اٜ جُنْغٛ مُوطُمْ ݧَامٛ حٛکِّمٛ رُوحُ مُوطُمْ نٛ اٛ وَطُنٛو اَلْکَوَلْ؞ کَنْکٛ بٛو اٛ حٛکِّيمِنْطُمْ؞ کَنْجُمْ وٛنِ کٛ نغِعٛتٛنْ اٜ کٛ نَنٛتٛنْ جٛونِ؞ 34 نغَمْ دَوْدَ يَحَايِ وُرٛ جٛومِرَاوٛ تٛنْ دٛوْ، اَمَّا اٛ وِعِي،

36 ‏«‏نغَمْ مَاجُمْ اٜ حَانِ يِمْٻٜ اِسْرَاعِيلَ فُو تَبِّتِنَ اَللَّه سُٻِي يٜىٰسُ مٛ مبَرْطٛنْ دٛوْ غَافَانغَلْ وَرْتَ اَلْمَسِيحُ جٜيْطٛ لَامُ؞»‏

37 ندٜ ٻٜ نَنِ بٛلِيطٜ طٜنْ، ٻٜرْطٜ مَٻّٜ تَپِ، ٻٜ مبِعِ بِيتُرُسْ اٜ لِلَاٻٜ حٛرِيٻٜ، ‏«‏بَنْدِرَاٻٜ، طُمٜ مِنْ نغَطَتَ؟»‏

38 بِيتُرُسْ وِعِ، ‏«‏کٛو مٛيٜ مٛوطٛنْ تُوبَ وَطَنٜىٰ بَڤْتِسْمَ ندٜرْ اِنْدٜ يٜىٰسُ اَلْمَسِيحُ نغَمْ کٜٻٛنْ يَافَنٜىٰکِ حَکّٜ مٛوطٛنْ؞ ندٜنْ اَللَّه حٛکَّيْعٛنْ رُوحُ مُوطُمْ شَاحُ؞ 39 نغَمْ اَللَّه وَطِي اَلْکَوَلْ مُوطُمْ نغَمْ مٛوطٛنْ، اٜ ٻِٻّٜ مٛوطٛنْ حَا اٜ يِمْٻٜ وٛطُّٻٜ، اٜ کٛو مٛيٜ مٛ اَللَّه مٜىٰطٜنْ نٛدِّ وَرَ تٛ مُوطُمْ؞»‏

40 غَطَ مَاجُمْ اٛ وَغِّنِٻٜ اٜ بٛلِيطٜ طُطّٜ، اٜ مٛ تٛرٛوٻٜ، اٜ مٛ وِعَ، ‏«‏کِسْنٜىٰ کٛعٜ مٛوطٛنْ دَغَ جَامَنُ کَلُّطُمْ طُعُمْ!‏»‏

41 فُو جَٻُٻٜ کٛ بِيتُرُسْ وِعِ ٻٜ نغَطَنَا بَڤْتِسْمَ؞ ݧَلْندٜ ندٜنْ حَادٜ يِمْٻٜ 3,000 ٻٜيْدِي ندٜرْ کَوْتَلْ کٛولِيٻٜ يٜىٰسُ؞ 42 ٻٜ نغَطِ کَ تٛکُّکِ اٜکِّتِنٛلْ لِلَاٻٜ، اٜ ٻٜ شُمْڤٛوتِرَ، اٜ ٻٜ ݧَمْدَ، اٜ ٻٜ نغَادَ دٛعَارٜ؞

43 کُلٛلْ نَنْغِ کٛو مٛيٜ، نغَمْ اَللَّه اٜ وَطَ اَلَامَاجِ کَيْطِنِيطِ طُطِّ دَغَ جُوطٜ لِلَاٻٜ؞ 44 فُو کٛولِيٻٜ يٜىٰسُ کَوْتِ حٛورٜ، اٜ ٻٜ شٜنْدَ فُو کٛ ٻٜ نغٛودِ حَکُّندٜ مَٻّٜ؞ 45 ٻٜ شٛورِ غٜسٜ مَٻّٜ اٜ کٛ ٻٜ نغٛودِ، ٻٜ شٜنْدَنِ کٛو مٛيٜ مَٻّٜ فُو کٛ حَانِ نغَمْ مُوطُمْ؞ 46 کٛو ندٜيٜ ݧَلْندٜ اٜ ٻٜ کَوْرِتَ ندٜرْ وُرٛ شٜنِينغٛ؞ اٜ ٻٜ ݧَمْدَ ندٜرْ غُرٜ مَٻّٜ اٜ ٻٜرْطٜ لَٻْطٜ اٜ وٜلْوٜلٛ مَنْغٛ، 47 اٜ ٻٜ مَنْتَ اَللَّه؞ يِمْٻٜ فُو اٜ نغِطِٻٜ؞ کٛو ندٜيٜ ݧَلْندٜ بٛو جٛومِرَاوٛ اٜ ٻٜيْدَنَٻٜ تُوبٛوٻٜ؞