1 نغَمْ نٛنْ، بَنْدِرَاٻٜ اَمْ تٛکُّٻٜ يٜىٰسُ ٻٜ اَللَّه نٛدِّ، ݧُمٜىٰ دٛوْ يٜىٰسُ، لِلَاطٛ، مَوْطٛ مَوْٻٜ اَرْدِيٻٜ دِينَ مٛ مبِعٜتٜنْ يِمْٻٜ اٜنْ تٛکَّ؞ 2 اٛ حُوَنِ اَللَّه اٜ غٛونغَ شُٻُطٛمٛ، نٛنْ نٛ مُوسَ حُوِرَنِ اَللَّه ندٜرْ يِمْٻٜ مَاکٛ اٜ غٛونغَ؞ 3 اَمَّا طُمْ يِعِي يٜىٰسُ ٻُرِي مُوسَ مَنْغُ نَاع سٜطَّ، نٛنْ نٛ مَحٛووٛ وُرٛ ٻُرِرِ مَادِ ندِنْ مَنْغُ؞ 4 نغَمْ کٛو نغٛيٜ وُرٛ غٛطّٛ مَحِنغٛ، اَمَّا اَللَّه وٛنِ مَحُطٛ کٛو طُمٜ؞ 5 مُوسَ اٛ مَشُّطٛ اَللَّه مٛ غٛونغَ ندٜرْ کُوغَلْ وَلُّکِ يِمْٻٜ اَللَّه، اٛ مٜتِي دٛوْ کٛ اَللَّه وِعَتَ طٛعٛ يٜىٰسٛ؞ 6 اَمَّا اَلْمَسِيحُ اٛ ٻِطّٛ، ڤَامَنٛووٛ يِمْٻٜ اَللَّه اٜ غٛونغَ؞ اٜنْ يِمْٻٜ اَللَّه تٛ اٜنْ نجٛغَکٜ سٜمْبٜ ٻٜرْندٜ اٜ شِيَ کُلٛلْ دٛوْ کٛ کَمِّيطٜنْ؞

7 نغَمْ نٛنْ، نٛ رُوحُ اَللَّه وِعِ،

12 بَنْدِرَاٻٜ اَمْ تٛکُّٻٜ يٜىٰسُ، ڤَامٜىٰ تٛع ٻٜرْندٜ کٛو مٛيٜ مٛوطٛنْ حَلَّ وَݧَ حٛولَاکِ، اَلٛنْ تٛکُّکِمٛ؞ 13 اَمَّا شٜمْبِطِنْدِرٜىٰ ٻٜرْطٜ مٛوطٛنْ کٛو ندٜيٜ ݧَلْندٜ، کُوتِرٜىٰ کٛو نغٜلٜ شَرٜلْ بِعٜتٜىٰنغٜلْ ‏«‏حَنْدٜ،»‏ نغَمْ تٛع حَکّٜ پٛيْرَ غٛطّٛ مٛوطٛنْ اٛ وَرْتَ مٛ ٻٜرْندٜ شَاتُندٜ؞ 14 تٛ اٜنْ نجٛغَکٜ حٛولَاکِ کِ نغٛودُنٛوطٜنْ دَغَ اَرَنْدٜ بٛطُّمْ حَا کٜىٰرٛلْ بَلْطٜ مٜىٰطٜنْ، اٜنْ نغَرْتِ غٛنْدُٻٜ اٜ اَلْمَسِيحُ؞

15 نٛ اَايَارٜ وِعِ،

16 ٻٜيٜ نغٛنّٛو نَنْٻٜ حٛنٛنْدٜ اَللَّه، اَمَّا فُو اٜ نٛنْ نغَݧِ کٛ اٛ وِعِ؟ نَاع طُمْ ٻٜنْ طٛنْ ٻٜ فُو ٻٜ مُوسَ اَرْدِي وُرْتِنِ لٜيْدِ مَسَرْ؟ 17 ندٜنْ ٻٜيٜ اَللَّه وَطِ دُوٻِ 40 اٜ مٛنَّنَ؟ نَاع طُمْ ٻٜنْ طٛنْ يِمْٻٜ غَطُٻٜ حَکّٜ مَايِ ندٜرْ لَدّٜ؟ 18 دٛوْ ٻٜيٜ اَللَّه حُنِي وِيکِ ٻٜ نَتَّتَا تٛ شِوْتِنْتَٻٜ کٛو سٜطَّ؟ نَاع طُمْ ٻٜنْ طٛنْ غَݧُٻٜ کٛ اٛ وِعِ؟ 19 نغَمْ نٛنْ، اٜنْ نغِعِي ٻٜ مبَاوَايِ نَتُّکِ لٜيْدِ ندِنْ نغَمْ ٻٜ کٛولَاکِ اَللَّه؞